Saima Amon a holoka mOmpangu pEenhana shi na sha nesomomeya lyuunona we

S AIMA Hamon (Amon) (29) gwomomukunda Eehongo popepi nEpinga mUukwanyama mOshitopolwa sha Hangwena, ngoka a lopotelwe aniwa a umbila uunona we utatu momuthima gwomeya mEtitatu lya zi ko e tau sile mo, okwa holoka mOmpangu ya Mengestrata pEenhana mEtitano lya zi ko moshipotha shedhipago.

Ina pulwa a tye sha manga noshipotha she oshuundulilwa keti 19 Juli 2006 omolu omakonaakono. Ina pewa eifutilemo manga noku li natango mondjedhililo pEenhana.Otaku tiwa kutya ongula yEtitatu lya zi ko (10 Mei 2006), Saima okwa kutha uunona we utatu, Emilia Isai (9), Paulus Shoongela (4) na Frans Shoongela gwOomwedhi ntano.Okwa yi nawo komuthima gu li momukunda gwawo moka.Ta tameka aniwa ta dhenge hoka kokakuluntu noku ka umbila momeya.Ta kutha ukwawo mboka uyali uushona noku wu umbila wo momeya momuthima moka.Naye mwene ti umbile mo, ashike okwa ka nuka mo, a tila okusa nokuthiga mo uunona we tau sile mo.Yopomukunda gwawo oye mu adha aniwa a kuutumba komutunda gwomuthima, i ikwata ombandamutse.Sho a pulwa okwa ti aniwa kutya okwa umbila uunona we auhe utatu momeya molwashoka aniwa oku na uupyakadhi na he yuunona mboka.Aakalimo mbaka sho yuuvu ndhoka oya matukile kOpolisi yEenhana ndjoka ye ya nokuninga ekonakono.Tayi kutha mo omidhimba dhuunona momeya noya adha hoka okakuluntu puukwawo, ano Emilia, ka dhengwa nayi komutse noka tsipuka nokuli eho lyokolumoho nomilungu dha tuuka.Saima okwa zimine komeho gOpolisi kutya oye a ekela shili uunona we momeya, molwashoka okwa ningwa nayi kuhe yuunona mboka uyali uushona.Ashike kali aniwa a hala okupopya kutya oye a dhenga hoka okakuluntu nayi ngaaka.Opolisi oye mu kwata po noku mu ningila oshipotha shedhipago nokwa holoka nee ngaaka mOmpangu ya Mengestrata pEenhana.Oshiningwanima shika osha halutha noonkondo aakalimo yomomukunda ngoka Eehongo notayi ipula kutya omolwashike meme nguka e na okulonga oshilonga oshikumithi shi thike mpoka.Ina pewa eifutilemo manga noku li natango mondjedhililo pEenhana.Otaku tiwa kutya ongula yEtitatu lya zi ko (10 Mei 2006), Saima okwa kutha uunona we utatu, Emilia Isai (9), Paulus Shoongela (4) na Frans Shoongela gwOomwedhi ntano.Okwa yi nawo komuthima gu li momukunda gwawo moka.Ta tameka aniwa ta dhenge hoka kokakuluntu noku ka umbila momeya.Ta kutha ukwawo mboka uyali uushona noku wu umbila wo momeya momuthima moka.Naye mwene ti umbile mo, ashike okwa ka nuka mo, a tila okusa nokuthiga mo uunona we tau sile mo.Yopomukunda gwawo oye mu adha aniwa a kuutumba komutunda gwomuthima, i ikwata ombandamutse.Sho a pulwa okwa ti aniwa kutya okwa umbila uunona we auhe utatu momeya molwashoka aniwa oku na uupyakadhi na he yuunona mboka.Aakalimo mbaka sho yuuvu ndhoka oya matukile kOpolisi yEenhana ndjoka ye ya nokuninga ekonakono.Tayi kutha mo omidhimba dhuunona momeya noya adha hoka okakuluntu puukwawo, ano Emilia, ka dhengwa nayi komutse noka tsipuka nokuli eho lyokolumoho nomilungu dha tuuka.Saima okwa zimine komeho gOpolisi kutya oye a ekela shili uunona we momeya, molwashoka okwa ningwa nayi kuhe yuunona mboka uyali uushona.Ashike kali aniwa a hala okupopya kutya oye a dhenga hoka okakuluntu nayi ngaaka.Opolisi oye mu kwata po noku mu ningila oshipotha shedhipago nokwa holoka nee ngaaka mOmpangu ya Mengestrata pEenhana.Oshiningwanima shika osha halutha noonkondo aakalimo yomomukunda ngoka Eehongo notayi ipula kutya omolwashike meme nguka e na okulonga oshilonga oshikumithi shi thike mpoka.