Roads Authority a hulithapo okondalaka

AANIILONGA konyala yeli 97 otashi vulika ya kanithe iilonga yawo konima sho ehangano lyoondjila [Roads Authority] ly anyengwa oku futa ombapila yomafutilo yoodola oomiliona 14 kehangano ndyoka lya pelwe otendela okwoopaleka oondjila ndhoka dha yonagulwa kefundja. Ehulithepo lyeuvathano ndika lyiimaliwa yoomiliona odhindji, olyeeta woo ehulithopo lyiilonga yokwoopaleka oondjila ndhoka dha kulupa muumbangalantu woshilongo.

Ehangano ndyoka lya pelwe iilonga mbika lyedhina, Mavinga Trading Enterprises olya shangele ku RA okupitila mohahende yalyo, Richard Metcalfe kutya aaniilonga konyala ye li 97 oye na oku tseyithilwa kutya iilonga yawo oya hulapo oku za mu Juni 15, omolwa okwaa ha futa kwaRA. Pamushangwa ngoka RA na Mavinga Trading Enterprises oya li yuuvathana momasiku 16 September omumvo gwayi opo ehangano ndika li opaleke oondjila dha teyagulwa kefundja muumbangalantu woshilongo.Pauvathanio ndika iilonga mbyoka ya pwa oyina oku talwa ngele ouya longwa nawa omwedhi kehe, nokonima onzapo yomafutilo ota yi gandjwa. Iilonga ayihe oya li ya tegelelwa oku kotha oodola oomiliona 27 ngele ya pu. RA otaku hokololwa a li a futile iilonga mbyoka ya pewa oonzapo okuza mu Kotoba sigo February. Ndele nee aniwa ehangano lyoondjila ina li futa we Mavinga Trading Enterprises omwedhi Maalitsa, iimaliwa yiilonga mbyoka yili poodola oomiliona 14 130 457-32. Mu Juni nuumvo RA okwa hulithapo okondalaka ndjoka na Mavinga Trading Enterprises. Mesiku lyotango lyomwedhi nguka, omuiginia gwa RA pashitopolwa, a kala mOshakaktii, JJ Iddi okwa shangele omuwiliki gwehangano ndyoka, ati omolwa onkalo itaya vulu oku yi wilika, oto tseyithilwa opo wu hulithepo iilonga ayihe wa li to longele ehangano lya Roads Authority mokwoopaleka oondjila dha yonwa kefundja. Ehangano olya lombwelwa woo opo li soshimpwiyu kutya aalongithi yondjila oya gamenwa sho ta li opaleke omahala apehe mpoka lya li ta li longele nawa , opo gaa kale ga nika oshiponga kaalongithi yondjila.Ehangano ndika olya pewa iiwike iyali opo li gwanithe po iilonga mbyoka.Momasiku 6 June nuumvo okwa ndhindhilikwa kutya ehangano lya Roads Authority kalya noshimaliwa oku futa, Mavinga Trading Enterprises. Oshinima shika osha kolekwa woo komuwiliki gwiimaliwa F Nowases, a ti RA oku na oongunga dha Mavinga nehangano lye olya indile Oshikondo shiilonga opo shi kwathele oku futa iimaliwa mbyoka.Oshikondo shiilonga nasho osha indile ekwatho koshikondo shiimaliwa opo sh kwathele. Nowases okwa ti okwa tegelela eyamukulo oku za koshikondo shiimaliwa. Metcalfe okwa pulile RA opo a gandje eyamukulo lye Omaandaha. Okwa ulike woo kutya okwa tseyithila ominista yIimaliwa naandjoka Yiilonga Niiyenditho, omolwa okwaafuta kwa RA.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.