RDP ta ti ota ningilwa omatilitho

O KWA kala nokutaandelithwa aniwa omatilitho nomambandameko gaaniilonga yEpangelo nosho wo aaniilonga yalwe mboka haya longele iikondo nenge oonkampani dhEpangelo sho taya yambidhidha nenge ye uvite uukwawo wanankali nongundu ompe yedhina Rally for Democracy and Progress (RDP).

Ndhika odha popiwa komuwiliki gwongundu ndjika ompe Jesaya Nyamu pethimbo ta kuthile ko iikundaneki mOvenduka mEtiyali lyoshiwike shika. Aaniilonga yamwe mEpangelo mboka aniwa omadhina gawo ya holoka momusholondondo gwiilyo yongundu ndjoka opo ya shangithwa kOshikondo shOmahogololo mu Namibia, oya ningilwa omatilitho kutya ngele itaya ikaleke kokule puuyelele nongundu ndjika, otaya ka kanitha iilonga, Nyamu ta popi ngaaka.”RDP okwa hala okuyelitha mpaka kutya, Epangelo lyOrepublika ya Namibia olyaantu ayehe, kutya nee omuntu okuli mongundu yini po,” Nyamu ta tsikile ko.Nyamu ngoka a li nale oshilyo dhOpolitburo yoSwapo okwa popi ngeyi kutya omusholondondo gwiilyo yoyango omulongo, ogwa ningwa nokutopolwa kiilyo yoSwapo nelalakano okunyana aantu mboka inaya halika moSwapo.Pahokololo lye, Swapo okwa gandja omusholondondo gwiilyo yongundu ngoka gwa li gwa pewa ombelewa yoshikondo shomahogololo nosho wo omusholondondo ngoka gwomadhina omilongo mbali (20) kaaunganeki ayehe yopaitopolwa moSwapo.Nyamu ta ti omusholondondo ngoka gwomadhina omilongo mbali ogwa totwa po momasiku 27 gaKotoba.Ta ti, oondokumende ndhoka odha ningwa ookopi miikondo ya yoolokathana yEpangelo, mwakwatelwa ombelewa yaHahende-Ndjayi nUuministeli wUuyuuki, Government Institutions Pension Fund (GIPF) nosho wo mehangano lyokutuma omawimombepo nenge tutye Namibia Broadcasting Corporation (NBC).”RDP okwa hala okulondodha mpoka aantu mboka taya kutha ombinga miilonga mbika yaa li paveta noyuukatalume, ya hulitha po okuning angaaka meendelelo.Ngele oya ndopa okwiiyutha kelondodho ndika, itat ka kala we nompito yilwe yaa shi okukutha oonkatu tadhi opalele,” Nyamu ta londodha ngaaka.Omuntu gwotango momusholondondo gwiilyo omilongo mbali oye tatekulu Andimba Toivo ya Toivo, ngoka e shi popi puuyelele omasiku ga zi ko kutya ye, ke na sha nongundu ompe yo RDP.Momusholondondo ogwo tuu ngoka, omu na wo Oominista mbali dhOkabinete, iilyo itano yOpolitburo nosho wo aantu yane mboka ya li nale oominista nAapeviminista.Yalwe wp mboka ye li momusholondondo giilyo yongundu ndjika, oye Hidipo Hamutenya monomola ontitatu (3) ngoka i ikutha mo moSwapo pambelewa oshiwike sha zi ko.Omusholondondo nguka omu na wo ngoka a li nale Omunashipundi gwEgumbo etiyali lyOpashigwana Kandi Nehova monomala (6), Nyamu oku li monomola (8), Peter Naholo ngoka a Amushanga-Ndjayi gwEhangano lyOmahangano gAaniilonga nenge tutye NUNW oku li monomola (10), ngoka a li nale Oministeli yOpevi Michael Hubschle e li monolola onti 15, omanga Ambasador Shapua Kaukungwa e li monomola ontimilongo nontihamano (16).Konyala aantu ayehe mboka ya tumbulwa pombanda oya li ya ulike oshiwike sha zi ku kutya oye li oshitopolwa shongundu ndjika ompe.”Swapo ota vulu ngiini okukwatela Ya Toivo moshinima shika mokati kaantu ayehe,” omunapolitika gumwe ta popi ngaaka mEtiyali.Ewawa lyAagundjuka moSwapo moshitopolwa sha Oshana olya indile iilyo nenge tutye aantu ayehe mboka ya kwatelwa moshinima shika ya tseyithe puuyelele nokwiikeleka kokule nongundu ndjika, “ngele oya ndopa okuninga ngaaka, shika otashi ulike kutya aantu mboka oye li iilyo yongundu yoRDP”.Oonkambadhala dhOshifo shika okukonga okomenda komunambelewa omukuluntu moshinima shika, odha hulile muunyengwi.Nyamu ta ti Swapo okwa ningi ongundu yaa na uundemokoli, na ita opalele we okuwilika kohi yEkotampango lyOpaundemokoli.Ta ti, RDP ota ka ya kOompangu ngele Swapo ina ‘sitopa’ okuningila iilyo ye omatilitho.RDP ota ka tula miilonga pambelewa ongundu pethimbo lyoshigongi oshinene shoka tashi ka kala mu Katutura mOvenduka mOlyomakaya.Okwa tegelelwa wo RDP a ka ninge Okongresa ye mokati komumvo 2008.Aaniilonga yamwe mEpangelo mboka aniwa omadhina gawo ya holoka momusholondondo gwiilyo yongundu ndjoka opo ya shangithwa kOshikondo shOmahogololo mu Namibia, oya ningilwa omatilitho kutya ngele itaya ikaleke kokule puuyelele nongundu ndjika, otaya ka kanitha iilonga, Nyamu ta popi ngaaka.”RDP okwa hala okuyelitha mpaka kutya, Epangelo lyOrepublika ya Namibia olyaantu ayehe, kutya nee omuntu okuli mongundu yini po,” Nyamu ta tsikile ko.Nyamu ngoka a li nale oshilyo dhOpolitburo yoSwapo okwa popi ngeyi kutya omusholondondo gwiilyo yoyango omulongo, ogwa ningwa nokutopolwa kiilyo yoSwapo nelalakano okunyana aantu mboka inaya halika moSwapo.Pahokololo lye, Swapo okwa gandja omusholondondo gwiilyo yongundu ngoka gwa li gwa pewa ombelewa yoshikondo shomahogololo nosho wo omusholondondo ngoka gwomadhina omilongo mbali (20) kaaunganeki ayehe yopaitopolwa moSwapo.Nyamu ta ti omusholondondo ngoka gwomadhina omilongo mbali ogwa totwa po momasiku 27 gaKotoba.Ta ti, oondokumende ndhoka odha ningwa ookopi miikondo ya yoolokathana yEpangelo, mwakwatelwa ombelewa yaHahende-Ndjayi nUuministeli wUuyuuki, Government Institutions Pension Fund (GIPF) nosho wo mehangano lyokutuma omawimombepo nenge tutye Namibia Broadcasting Corporation (NBC).”RDP okwa hala okulondodha mpoka aantu mboka taya kutha ombinga miilonga mbika yaa li paveta noyuukatalume, ya hulitha po okuning angaaka meendelelo.Ngele oya ndopa okwiiyutha kelondodho ndika, itat ka kala we nompito yilwe yaa shi okukutha oonkatu tadhi opalele,” Nyamu ta londodha ngaaka.Omuntu gwotango momusholondondo gwiilyo omilongo mbali oye tatekulu Andimba Toivo ya Toivo, ngoka e shi popi puuyelele omasiku ga zi ko kutya ye, ke na sha nongundu ompe yo RDP.Momusholondondo ogwo tuu ngoka, omu na wo Oominista mbali dhOkabinete, iilyo itano yOpolitburo nosho wo aantu yane mboka ya li nale oominista nAapeviminista.Yalwe wp mboka ye li momusholondondo giilyo yongundu ndjika, oye Hidipo Hamutenya monomola ontitatu (3) ngoka i ikutha mo moSwapo pambelewa oshiwike sha zi ko.Omusholondondo nguka omu na wo ngoka a li nale Omunashipundi gwEgumbo etiyali lyOpashigwana Kandi Nehova monomala (6), Nyamu oku li monomola (8), Peter Naholo ngoka a Amushanga-Ndjayi gwEhangano lyOmahangano gAaniilonga nenge tutye NUNW oku li monomola (10), ngoka a li nale Oministeli yOpevi Michael Hubschle e li monolola onti 15, omanga Ambasador Shapua Kaukungwa e li monomola ontimilongo nontihamano (16).Konyala aantu ayehe mboka ya tumbulwa pombanda oya li ya ulike oshiwike sha zi ku kutya oye li oshitopolwa shongundu ndjika ompe.”Swapo ota vulu ngiini okukwatela Ya Toivo moshinima shika mokati kaantu ayehe,” omunapolitika gumwe ta popi ngaaka mEtiyali.Ewawa lyAagundjuka moSwapo moshitopolwa sha Oshana olya indile iilyo nenge tutye aantu ayehe mboka ya kwatelwa moshinima shika ya tseyithe puuyelele nokwiikeleka kokule nongundu ndjika, “ngele oya ndopa okuninga ngaaka, shika otashi ulike kutya aantu mboka oye li iilyo yongundu yoRDP”.Oonkambadhala dhOshifo shika okukonga okomenda komunambelewa omukuluntu moshinima shika, odha hulile muunyengwi.Nyamu ta ti Swapo okwa ningi ongundu yaa na uundemokoli, na ita opalele we okuwilika kohi yEkotampango lyOpaundemokoli.Ta ti, RDP ota ka ya kOompangu ngele Swapo ina ‘sitopa’ okuningila iilyo ye omatilitho.RDP ota ka tula miilonga pambelewa ongundu pethimbo lyoshigongi oshinene shoka tashi ka kala mu Katutura mOvenduka mOlyomakaya.Okwa tegelelwa wo RDP a ka ninge Okongresa ye mokati komumvo 2008.