RDP na RP

OONGUNDU dhoompilameno odhindji odhuu kwamuhoko nenge odha piyagana. Ishewe ndjoka yo RDP oyi li mondjugo nomutondi nale molupe lwongundu yo Republican Party.

Ndhika oohapu dha popilwe komupevi peresidende gwoSwapo poshigongi shomahogololo moKatutura petameko lyoshiwike shika. Hage Geingob okwa tiooongundu dhimwe odha dhiladhila okushuna monima dhaa kuthombinga momahogololo shaashi odha dhigupalelwa kekondjo.Okwa popi ndhoka ta ulike omatilitho ngoka o RDP ya ningile kutya ota yi ka boikota omahogolo ngele ompangu yopombanda ina yi gandja etokolo lyayo kombinga yoshipotha shomahogololo gomumvo gwa yi. Ati oya hala okwii kuthamo yo ya ka tye omahogololo oga fukilwa.Omutse gwo RDP , Hidipo Hamutenya okwa tile omathimbo ga piti kutya otashi vulika ongundu ye ita yi ka kuthombinga ngele ompangu yopombanda ina yi gandja etokolo lyayo moshipotha shomahogololo. Oongundu omugoyi dhompilameno odha falele Swapo, nokommissi yomahogololo kompangu aniwa molwaasho omahogololo oga li ga fukilwa.Ompangu yopombanda oya yamukula omipopyo dha RDP kutya yo ita yi thiminikwa yi ninge etokolo meendelelo koRDP.Geingob okwa dhimbulutha aakwashigongi kutya naya dhiminepo mboka ya pukithwa oshoka kaye shi shoka ta ya ningi.Geingob ota ti omakankameno go RDP oga ndopele mompa. ‘Omumwameme mati a valwa kumemegona, ngoka twalwitha naye okatongotongo[na] otwa kondjitha Dirk Mudge, okuli ngashingeyi mondjugo nalye?’Osho a pula ta ti oto ti ngiini okujoina Henk Mudge? Tati ota ya si paushitwe.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.