OMUPEVIPERESIDENDE, gwo Rally for Democracy and Progress[RDP], Steve Bezuidenhout okwa ti ongundu ye ita yi shuna monima moshinima shokutula pevi aawiliki yayo yatatu.
Okwa ti ongundu oyina omilandu meni lyayo ndhoka hayi landula, onkene ke wete kutya omolwashike ndhoka dhina oku kundukwa.Ohahende yaambaka yatatu, Miriam Hamutenya, Kandy Nehova na Peter Naholo oya pele ewiliko lya RDP ethimbo sigo omaandaha komatango opo li kuthepo etokolo ndyoka lyokutula mbaka pevi. Ohahende yawo oya ti etulopevi ndyoka kalili nawa na ota li kondjitha ekotampango lyongundu ndjoka.Bezuidenhout okwa ti ohahende yongundu ndjika oyi ipyakidhila oku yamukula omushangwa gwaambaka yatatu. Omutalinawa mopolitika , Phanuel Kaapama okwa ti okuyele natango, opo ku dhiladhilwe kutya etuopevi lyaawiliki mbaka yatatu ota shi vulika li fale metanduko lyongundu ndjoka. Okwa ti etulopevi olya zi momilandu tadhi kondjithathana dha landulwa kongundu ndjika. Shotango ongundu ndjika oya li ya shuna monima kombinga yetokolo lyayo okwaa ya koparliamende, noshowo nee omahololo gomaadhiladhilo pOmpangu Onene yoshilongo noposhikunino shopoParliamende. Omakondjithathano ngaka ogo nee ga galukile ongundu ndjika.Ngele opena etopoko mongundu otashi ikwatelele keyambidhidho ndyoka liniwe kaawiliki mboka mokati kaalanduli yongundu ndjoka.Ishewe eyokomeho lyongundu ndjoka oshiikwatelela komukalo ngoka ongundu ndjika ya longo nokupotokonona oshinima shika.Hahende gwa yatatu, Jens Roland okwa shangele omuperesidende gwa RDP, Hidipo Hamutenya a ti etulopevi lyawo olya ningwa inaa li kankamekelwa komikanka dhiilonga iiwanawa. Okwa ti etulopevi ina li ningwa konima yekonakono lyomuule nolyuukeka ngaashi shuuthwa kekotampango lyongundu ndjoka. Roland okwa ti ishewe omalundilo ngoka ga ningilwa aayakulwa ye inaga ulikwa kutya ogo shili pamautho gekotampango. Okwa ti ishewe mboka yatatu inaya pewa ompito opo ya pulakenwe noshowo yiipopile paveta ngaashi shuuthwa kekotampango lyongundu ndjoka.Mbaka yatatu oya tulwa pevi opo kaa ya kuthe nando ombinga miinyangadhalwa yongundu ndjoka oshiwike shayi. Nehova na Naholo mboka yeli iilyo yoparliamende oya ithanwako woo okuza koparliamende.Mbaka yatatu oya li ya pula opo Hidipo Hamutenya eya yamukule pamushangwa nokuuvaneka kutya etokolo lyoku yatula pevi olya kuthwapo. Etulopevi olya ningwa konima sho Hamutenya a lundile mbaka kutya oya li taya longo iinima yinasha noku nkundipika ongundu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
