Ramatex u uvako onkugo yaaniilonga ye

A ANIILONGA mOkampani yokuhondja oonguwo ya Ramatex mOvenduka, oye li menyanyu enene sho Ewiliko lyOkampani ndjika lya zimine okuya pa gamwe gomomauwanawa ngoka ya kala taya pula.

Konima sho ekanka lyawo lya ningi omasiku gaali gu udha, ehangano lyaaniilonga lya Namibia Food and Allied Workers Union (Nafau), National Union of Namibian Workers (NUNW) nEwiliko lya Ramatex, oya shaina etsokumweuvathano uusiku wOlyomakaya, moka Ramatex a zimine okugwedhela oondjambi dhaaniilonga nOndola yimwe nothilinga (N$1,10) mowili. Ndika egwedhelo lyotango lyoondjambi dhaaniilonga ya Ramatex sho Okampani ndjika ya patulula oofabulika mOvenduka momumvo 2001.Aaniilonga ya Ramatex otaya ka kala wo haya mono obonusa yoshimaliwa shoopelesenda 60 shokoondjambi dhawo komwedhi, tashi tameke mu Desemba nuumvo.Ewiliko lya Ramatex olya tokola wo okweetapo openzela yaaniilonga yAanamibia ayehe, oshimaliwa shomakwathelo gopaunamiti, oshimaliwa shomalweendo nosho shokuya kwathela mokufuta omagumbo komwedhi kehe.Mbika otaye yi pewa okutameke mu mesiku lyotango lya Oktoba 2006.Oshimaliwa shomalweendo Oondola/N$100 omanga shokufuta omilalo shi li Oondola/N$150.Ramatex ota ka futila wo aaniilonga oshimaliwa shoopelesenda 70 shokufuta omapango gawo.Nande ongaaka, eindilo lya Nafau na NUNW kutya iimaliwa mbika nayi tamekwe okufutwa okuza koomwedhi dha pita po, olya tindwa.Aaniilonga yamwe momahangano gaaniilonga oya pandula aaniilonga ya Ramatex, sho ya tokola otoko okuthikama Ramatex moshipala ya hala okuningilwa shoka taya pula, nonande opwa li uumbanda kutya ekanka otashi vulika li ka ete Ramatex petokolo lyokupata oofaabulika dhe.Nafau okwa li a lombwele Ewiliko lya Ramatex omutenya gwEtitau lya zi ko kutya aaniilonga otaya ka ninga ekanka, konima sho aaniilonga ya ningi omahogololo gomasiku gatatau ku talike kutya yangapi ya hala nange inaya hala ku ningwe ekanka.Konima yesiku netata sho Okampani ndjika ya kala ashike ya mwena, aaniilonga ya Ramatex ye li 3 000 ota tokola nee okuya mekanka potundi ontiyali yomutenya mEtitano.Aaniilonga oya kala ya thikamena omatungo ga Ramatex omanga Nafau nEwiliko lyOkampani ye li moonkundathana tadhi ningwa pakwiishangela oombapila.Potundi ontihamano mEtitano, Omupresidende gwa Nafau Abel Kazondunge na Amushanga-Ndjayi gwa Nafau Kiros Sackarias oya li ya lombwele aaniilonga kutya Ewiliko lya Ramatex olya hala okuya mona mOlyomakaya.Lwopotundi ontimulongo nambali yomutenya, ku na natango owili manga inaya kuutumba, oyendji yomaaniilonga mboka ya yi mekanka mEtitano oya galukile koofaabulika, ya ka tsikile nokuholola omadhiladhilo pondje yomiyelo dha patwa.Ihe lwopotundi ontintano yokomatango, sho aaniilonga ya Nafau ye ya kaaniilonga yawo nokuya pula ngele oya hala okuzima shoka Ramatex e wete kutya osho awike ta vulu okuninga.Aaniilonga oya zimine nee shoka Ramatex a hala okuya pa.Aawiliki ya Nafau oya ka ya shuna nee kEwiliko lya Ramatex, nokulombwela aakalalilo yOkampani ndjika kutya aaniilonga oya zimina shoka ya hala okuya pa.Shika osha li nee sha etele aaniilonga einekelo mu Nafau, ngoka ya kala nokunyenyeta kutya okwa nyengwa oku kandula po omaudhigu gawo mOkampani ndjika.Pethimbo ta shaina etsokumweuvathano ndika, Kazondunge okwa holola euvionayi lye sho aniwa Ramatex a kala a fa te ya tustu kutya uupyakadhi mbuka ou na okukandulwa po ngiini, manga ina gandja shoka aaniilonga taya vulu okutaamba ko.Ihe okwa pandula ngaa Ramatex sho a adha etata lyomaindilo gaaniilonga.Menindjela gwa kwalukehe gwa Ramatex Boon Koeng Ong okwa popi kutya yo oye na einekelo kutya egwedhelo goondjambi dhaanilonga otali ka tsa omukumo aaniilonga ya longe nuudhiginini, ya longe oonguwo odhindji.Oshiwike sha zi ko, Ong okwa li a lombwele Oshifo shika kutya Okampani yawo otayi nana nondatu mokuya momathigathanano gokulonga iikutu oyindji nOokampani dhilwe dhiikutu muuyuni, unene tuu ndhoka dhokuAsia.Tango, Nafau okwa li a hala oondjambi dhaanilonga dhoka dhi li pokati kOndola/N$3 nOondola/N$4 mowili, dhi ndambulwe.Manga Ramatex petokolo kutya oondjambi nadhi gwedhelwe nOndola nothilinga, okwa li a hala ashike okugwedha ko othilinga koshimaliwa shoka haya kwatwa kowili, shoka konima a ka tula pothilinga nosipenitha nolwa hugunina piithilinga ihamano.Ihe shika okwa li ne te ke shi gandja ngele aaniilonga oya longo oyindji ya adha poopelesenda 60 sigo 70.Ndika egwedhelo lyotango lyoondjambi dhaaniilonga ya Ramatex sho Okampani ndjika ya patulula oofabulika mOvenduka momumvo 2001.Aaniilonga ya Ramatex otaya ka kala wo haya mono obonusa yoshimaliwa shoopelesenda 60 shokoondjambi dhawo komwedhi, tashi tameke mu Desemba nuumvo.Ewiliko lya Ramatex olya tokola wo okweetapo openzela yaaniilonga yAanamibia ayehe, oshimaliwa shomakwathelo gopaunamiti, oshimaliwa shomalweendo nosho shokuya kwathela mokufuta omagumbo komwedhi kehe.Mbika otaye yi pewa okutameke mu mesiku lyotango lya Oktoba 2006.Oshimaliwa shomalweendo Oondola/N$100 omanga shokufuta omilalo shi li Oondola/N$150.Ramatex ota ka futila wo aaniilonga oshimaliwa shoopelesenda 70 shokufuta omapango gawo.Nande ongaaka, eindilo lya Nafau na NUNW kutya iimaliwa mbika nayi tamekwe okufutwa okuza koomwedhi dha pita po, olya tindwa.Aaniilonga yamwe momahangano gaaniilonga oya pandula aaniilonga ya Ramatex, sho ya tokola otoko okuthikama Ramatex moshipala ya hala okuningilwa shoka taya pula, nonande opwa li uumbanda kutya ekanka otashi vulika li ka ete Ramatex petokolo lyokupata oofaabulika dhe.Nafau okwa li a lombwele Ewiliko lya Ramatex omutenya gwEtitau lya zi ko kutya aaniilonga otaya ka ninga ekanka, konima sho aaniilonga ya ningi omahogololo gomasiku gatatau ku talike kutya yangapi ya hala nange inaya hala ku ningwe ekanka.Konima yesiku netata sho Okampani ndjika ya kala ashike ya mwena, aaniilonga ya Ramatex ye li 3 000 ota tokola nee okuya mekanka potundi ontiyali yomutenya mEtitano.Aaniilonga oya kala ya thikamena omatungo ga Ramatex omanga Nafau nEwiliko lyOkampani ye li moonkundathana tadhi ningwa pakwiishangela oombapila.Potundi ontihamano mEtitano, Omupresidende gwa Nafau Abel Kazondunge na Amushanga-Ndjayi gwa Nafau Kiros Sackarias oya li ya lombwele aaniilonga kutya Ewiliko lya Ramatex olya hala okuya mona mOlyomakaya.Lwopotundi ontimulongo nambali yomutenya, ku na natango owili manga inaya kuutumba, oyendji yomaaniilonga mboka ya yi mekanka mEtitano oya galukile koofaabulika, ya ka tsikile nokuholola omadhiladhilo pondje yomiyelo dha patwa.Ihe lwopotundi ontintano yokomatango, sho aaniilonga ya Nafau ye ya kaaniilonga yawo nokuya pula ngele oya hala okuzima shoka Ramatex e wete kutya osho awike ta vulu okuninga.Aaniilonga oya zimine nee shoka Ramatex a hala okuya pa.Aawiliki ya Nafau oya ka ya shuna nee kEwiliko lya Ramatex, nokulombwela aakalalilo yOkampani ndjika kutya aaniilonga oya zimina shoka ya hala okuya pa. Shika osha li nee sha etele aaniilonga einekelo mu Nafau, ngoka ya kala nokunyenyeta kutya okwa nyengwa oku kandula po omaudhigu gawo mOkampani ndjika.Pethimbo ta shaina etsokumweuvathano ndika, Kazondunge okwa holola euvionayi lye sho aniwa Ramatex a kala a fa te ya tustu kutya uupyakadhi mbuka ou na okukandulwa po ngiini, manga ina gandja shoka aaniilonga taya vulu okutaamba ko.Ihe okwa pandula ngaa Ramatex sho a adha etata lyomaindilo gaaniilonga.Menindjela gwa kwalukehe gwa Ramatex Boon Koeng Ong okwa popi kutya yo oye na einekelo kutya egwedhelo goondjambi dhaanilonga otali ka tsa omukumo aaniilonga ya longe nuudhiginini, ya longe oonguwo odhindji.Oshiwike sha zi ko, Ong okwa li a lombwele Oshifo shika kutya Okampani yawo otayi nana nondatu mokuya momathigathanano gokulonga iikutu oyindji nOokampani dhilwe dhiikutu muuyuni, unene tuu ndhoka dhokuAsia.Tango, Nafau okwa li a hala oondjambi dhaanilonga dhoka dhi li pokati kOndola/N$3 nOondola/N$4 mowili, dhi ndambulwe.Manga Ramatex petokolo kutya oondjambi nadhi gwedhelwe nOndola nothilinga, okwa li a hala ashike okugwedha ko othilinga koshimaliwa shoka haya kwatwa kowili, shoka konima a ka tula pothilinga nosipenitha nolwa hugunina piithilinga ihamano.Ihe shika okwa li ne te ke shi gandja ngele aaniilonga oya longo oyindji ya adha poopelesenda 60 sigo 70.