Pwa kwata ishewe Aapolisi yane mOshakati

OPOLISI mOshakati oya tseyitha kutya oya kwata po Aapolisi yane shi na sha niilonga yUulingilingi, unene tuu mOshikondo shUusipitikopa, ano shAatonateli yomOondjila.

Komanda gwOpolisi mOshitopolwa sha Shana Komufala gwOpevi gwOpolisi Josef Anghuwo ta lombwele The Namibian kutya Aapolisi mboka ya kwatwa po oyo Sersande Maati Thomas gwoomvula 44, Sersande Sulvia Egumbo (41), Koonstabela Joram Nghiitwikwa gwoomvula 30 nosho wo nee Konstabela Lukas Swartbooi gwoomvula 35 a li ha longele pOkila yOpolisi mOshakati. Komanda gwOpolisi Anghuwo ta ti kutya Sersande Thomas okwa kwatelwe po mEtitano lya zi ko omanga yakwawo yatatu ya kwatwa po mOmaandaha.Ayehe oya holoka mOmpangu ya Mengestrata mOshakati Omaandaha.Inaya pulwa manga ya tye sha noshipotha shawo oshuundulilwa keti 5 Juni 2006 omolu omakonakono.Oya pewa uuthemba wokwiifutila mo no N$1 500.Pehulilo lyOmvula ya zi ko, Aapolisi yane, mwa kwatelwa yatatu yomOshikondo shUusipitikopa nagumwe gwomOshikondo shIimaliwa, ano shOmafutilo mOpolisi ya Shakati, oya kwatelwe po wo shi na sha niilonga yuulingilingi.Oshipotha shawo onkee tashi konakonwa.Pokati mpoka, Komufala Anghuwo ta tseyitha wo kutya Opolisi ya Shakati na Ngwediva oya kwata po aalumentu aagundjuka yane shi na sha neso lyomusamane Simon Nambili, ngoka i itsuwa a sa megumbo molukanda lwa Mukwanambwa mOngwediva.Aagundjuka mbaka yane inaya holoka natango oshoka opwa pumbiwa natango uumbangi mboka u na okukoleka kutya oyo lela aafekelwa meso lya Nambili.Opolisi oya kwata po wo omugundjuka gwoomvula 20 shi na sha neso lya Simon Ndeshipanda (18) gwomolukanda lwEvululuko mOshakati ngoka a tsilwe nombele meti 9 Apilili nuumvo.Otaku hokololwa ngeyi kutya Ndeshipanda nguka oka ka hulithila kOshipangelo shEpangelo kOshakati konima sho a falwa hoka nosiputa konima yoshiponga shika.Komanda gwOpolisi Anghuwo ta ti kutya Sersande Thomas okwa kwatelwe po mEtitano lya zi ko omanga yakwawo yatatu ya kwatwa po mOmaandaha.Ayehe oya holoka mOmpangu ya Mengestrata mOshakati Omaandaha.Inaya pulwa manga ya tye sha noshipotha shawo oshuundulilwa keti 5 Juni 2006 omolu omakonakono.Oya pewa uuthemba wokwiifutila mo no N$1 500.Pehulilo lyOmvula ya zi ko, Aapolisi yane, mwa kwatelwa yatatu yomOshikondo shUusipitikopa nagumwe gwomOshikondo shIimaliwa, ano shOmafutilo mOpolisi ya Shakati, oya kwatelwe po wo shi na sha niilonga yuulingilingi.Oshipotha shawo onkee tashi konakonwa.Pokati mpoka, Komufala Anghuwo ta tseyitha wo kutya Opolisi ya Shakati na Ngwediva oya kwata po aalumentu aagundjuka yane shi na sha neso lyomusamane Simon Nambili, ngoka i itsuwa a sa megumbo molukanda lwa Mukwanambwa mOngwediva.Aagundjuka mbaka yane inaya holoka natango oshoka opwa pumbiwa natango uumbangi mboka u na okukoleka kutya oyo lela aafekelwa meso lya Nambili.Opolisi oya kwata po wo omugundjuka gwoomvula 20 shi na sha neso lya Simon Ndeshipanda (18) gwomolukanda lwEvululuko mOshakati ngoka a tsilwe nombele meti 9 Apilili nuumvo.Otaku hokololwa ngeyi kutya Ndeshipanda nguka oka ka hulithila kOshipangelo shEpangelo kOshakati konima sho a falwa hoka nosiputa konima yoshiponga shika.