pOmahooli gopOyetu mOshakati pwa kana N$18 000, gumwe a kwatwa

O POLISI ya Shakati oya kwata po omuniilonga gumwe gwopOmahooli gopOyetu mOshakati ngoka haga ithanwa Oneshila Service shi na sha nekano lyoshimaliwa shOodola dha Namibia omayovi omulongonaghetatu (N$18 000) lwaampoka.

Omupopiliko gwOpolisi mOshitopolwa sha Shana Konstabel Jonas Slogan Matheus okwa lombwele The Namibian kutya ekanopo lyoshimaliwa shoka pOmahooli mpoka osha dhimbululwa meti 13 Juli 2007 nopwa kwatwa omuniilonga omugundjuka Lukas Daniel gwoomvula 23, ha zi mOlukanda lwa Shoopala nokegumbo lyawo ko Akweenyanga popepi nOngwediva mOshitopolwa sha Shana, shi na sha nekano lyoshimaliwa shoka. Daniel nguka, Konstabela Matheus ta ti, okwa patululilwa oshipotha, ta fekelwa kutya okwa fa oye a yaka po oshimaliwa shoka shoN$18,000.Okwa holokele mOmpangu ya Mengestrata mOshakati komeho gOmupanguli meme Helena Ekandjo meti 18 Juli 2007 noshipotha shoka.Ina pulwa manga a tye sha kombinga yoshipotha tashi mu patanekelwa noshuundulilwa keti 12 Sepetemba 2007 omolu omakonaakono gOpolisi.Omupanguli Ekandjo okwe mu pa uuthemba wokwiifutila mo nOondola/N$2 000.A kale manga pondje manga oshipotha she tashi konakonwa, ye a ka galukile nee nawa kOmpangu meti 12 Septemba 2007.Daniel nguka, Konstabela Matheus ta ti, okwa patululilwa oshipotha, ta fekelwa kutya okwa fa oye a yaka po oshimaliwa shoka shoN$18,000.Okwa holokele mOmpangu ya Mengestrata mOshakati komeho gOmupanguli meme Helena Ekandjo meti 18 Juli 2007 noshipotha shoka.Ina pulwa manga a tye sha kombinga yoshipotha tashi mu patanekelwa noshuundulilwa keti 12 Sepetemba 2007 omolu omakonaakono gOpolisi.Omupanguli Ekandjo okwe mu pa uuthemba wokwiifutila mo nOondola/N$2 000.A kale manga pondje manga oshipotha she tashi konakonwa, ye a ka galukile nee nawa kOmpangu meti 12 Septemba 2007.