Pele a fumvikwa kengathithi enene pOgongo

O MUDHANITANGA kamana gwomOsipana yEtanga lyokoompadhi yOshakati City, Tegelela Immanuel Tutaleni Shilulu (23), ngoka a tseyika nedhina lyometanga ‘Pele” ngoka a manene oondjenda dhe ongula onene yOsoondaha yeti 20 Mei 2007 sho a pumwa kohauto mondjila onene yopokati kOngwediva nOshakati okwa fumvikwa pOgongo okuzilila mOngeleka ya Gongo mEtine lya zi ko.

Mokati kaalilasa omwa li tate gwe Titus Shilulu na meme Taimi Shilulu noshowo aamwayina yanakusa Pele, aamati naakadhona, aadhani yomOsipana yEtanga lyokoompadhi yomOgongo yedhinaThe Future Footbal Club, moka omo mwa kala hamu dhana nakusa Pele tango noshowo nee mboka yomOsipana yOshakati City moka mwa adhika tamu dhana nakusa Pele noshowo aanasikola yakwawo na nakusa Pele kOsikola yUungomba ya Valombola mOngwediva. Ayehe ya popi poshituthifumviko sha Pele mpoka, oya tanga nakusa Pele kutya okwa li omumatiu omwaanawa, omumweni, omunambili nomusimaneki gwaakuluntu nayakwawo, ngashi mOosipana dhuudhano wetanga lyokoompadhi moka a kala.Ehokololo kutya osheende ngiini Pele a hulithe ombaadhilila ngawo, otali ti kutya Pele naadhani yakwawo yaali nokakadhona, oya adhika taya zi kOpaaka ya Bennie kOngwediva hoka kwa li Oshou ya Gazza ongulohi ndjoka yokupendukila eti 20 Mei 2007.Sho Oshou ya pu, Pele nayakwawo mboka oya kwata Otekisa yi ya ete kegumbo lyawo lyAadhani yomOshakati City, li li lwopOsikola ya Kandjengedi polwamba lwondjila onene ya Ngwediva nOshakati.Sho ya thiki lwaampoka, oya kankameke Otekisa yawo ya ze mo.Pele nokakadhona oyo aniwa ya zi mo tango, manga yakwawo mbeyaka yaali taya futu.Pele, mokutaaguluka opate nokakadhona, ya ka tegelele ngeno yakwawo handiyaka yopate, okwa zi okahauto kokatuukara okatokele koka Corolla kEpangelo.Okahauto haka okiidhenge aniwa motekisa moka mwa zi Pele nayakwawo.Okatuukara haka aniwa sho kiidhenge mOkatekisa okanuka ko ndele taki idhenge nee mu Pele nokakadhona ihe Pele sile mpoka.Okakadhona oka ehamekwa noonkondo nokufalwa koshipangelo, mOshakati.Pethimbo olyo tuu ndyoka, okwa zi ishewe okahauto kamwe, ta kiidhenge moka Corolla hoka okatokele.Aadhani yakwawo na Pele, ano Chiccu na Farao mboka ya adhika wo taya heluka mOkatekisa moka, oya hupu.Opolisi otayi ti okahauto hoka ka pumu Pele, okEpangelo.Pele ngoka e li omvalele yaGongo, nokwa thiga ko ne tate gwe Titus Shilulu na meme gwe Taimi Shilulu, ayehe aaniilonga mOkooligi yUunamapya mOgongo, noshowo aamwayina.Omupresidende gwOshakati City, tate Ben Hauwanga, okwa popya nokugandja oluhodhi lwe kutya osipana yOshakati City oya kanitha omudhani kamana.Ta gandja omahekeleko koonakuthigwapo ayehe.Osipana yOshakati City sho ya londo pombanda ngeyi nokuya ontiyali muudhano woPremier League nuumvo, oya londekwa po ku Pele naadhani yakwawo yalwe mosipana ndjoka.Opolisi otayi konaakona oshiponga shoka.Ayehe ya popi poshituthifumviko sha Pele mpoka, oya tanga nakusa Pele kutya okwa li omumatiu omwaanawa, omumweni, omunambili nomusimaneki gwaakuluntu nayakwawo, ngashi mOosipana dhuudhano wetanga lyokoompadhi moka a kala.Ehokololo kutya osheende ngiini Pele a hulithe ombaadhilila ngawo, otali ti kutya Pele naadhani yakwawo yaali nokakadhona, oya adhika taya zi kOpaaka ya Bennie kOngwediva hoka kwa li Oshou ya Gazza ongulohi ndjoka yokupendukila eti 20 Mei 2007.Sho Oshou ya pu, Pele nayakwawo mboka oya kwata Otekisa yi ya ete kegumbo lyawo lyAadhani yomOshakati City, li li lwopOsikola ya Kandjengedi polwamba lwondjila onene ya Ngwediva nOshakati.Sho ya thiki lwaampoka, oya kankameke Otekisa yawo ya ze mo.Pele nokakadhona oyo aniwa ya zi mo tango, manga yakwawo mbeyaka yaali taya futu.Pele, mokutaaguluka opate nokakadhona, ya ka tegelele ngeno yakwawo handiyaka yopate, okwa zi okahauto kokatuukara okatokele koka Corolla kEpangelo.Okahauto haka okiidhenge aniwa motekisa moka mwa zi Pele nayakwawo.Okatuukara haka aniwa sho kiidhenge mOkatekisa okanuka ko ndele taki idhenge nee mu Pele nokakadhona ihe Pele sile mpoka.Okakadhona oka ehamekwa noonkondo nokufalwa koshipangelo, mOshakati.Pethimbo olyo tuu ndyoka, okwa zi ishewe okahauto kamwe, ta kiidhenge moka Corolla hoka okatokele. Aadhani yakwawo na Pele, ano Chiccu na Farao mboka ya adhika wo taya heluka mOkatekisa moka, oya hupu.Opolisi otayi ti okahauto hoka ka pumu Pele, okEpangelo.Pele ngoka e li omvalele yaGongo, nokwa thiga ko ne tate gwe Titus Shilulu na meme gwe Taimi Shilulu, ayehe aaniilonga mOkooligi yUunamapya mOgongo, noshowo aamwayina.Omupresidende gwOshakati City, tate Ben Hauwanga, okwa popya nokugandja oluhodhi lwe kutya osipana yOshakati City oya kanitha omudhani kamana.Ta gandja omahekeleko koonakuthigwapo ayehe.Osipana yOshakati City sho ya londo pombanda ngeyi nokuya ontiyali muudhano woPremier League nuumvo, oya londekwa po ku Pele naadhani yakwawo yalwe mosipana ndjoka.Opolisi otayi konaakona oshiponga shoka.