Pata Nordkamp a hulitha

OVENDUKA – Pata Bernard Nordkamp gwOngeleka ya Katoolika ka Roma, okwa mana oondjenda mOlyomakaya ga zi ko – a hulithile mokandoolopa kedhina Borken mu Ndowishi.

Pata Nordkamp okwa tseyika nawa mu Namibia na okwa hulitha mepipi lyoomvla 72. Omugandjimulombo gwOngeleka ya Katoolika mOvenduka, Pata Werner Afunde okwa lombwele oshitumikundaneki sha Nampa kutya Pata Nordkamp okwa li e na uuvu wokaankela.Pata Nordkamp okwa valwa momasiku 24 ga Juli 1937, a valelwa mu Schiefbahn mu Ndowishi. Mu Namibia okwe ya mo momumvo 1967 na tango okwa li pOkatana moshitopolwa sha Shana.Okuza mpoka, Pata Nordkamp okwa ka tumwa kOngeleka ya Katoolika kOmagongola ngashi ndyoka lya Shomeya, Oshaanda, Okahandja nokOvenduka. Pokati komumvo 1969 na 1972, nakusa Nordkamp okwa li a yi ku Netherlands, hoka a ki ilonga Uuteologi nosho wo kOunivesiti ya Berkely (mu California), hoka a lesha shi na sha no Liturgy momumvo 1984.. – Nampa