Oyendji ya dhimbulukwa omapendafule pOmuthiya

ENGATHITHI enene lyaantu ya za koombinga noombinga dha Namibia olya li lya gongala pOmuthiya mOndonga moshitopolwa sha Shikoto mOsoondaha ya zi ko, lye yile okudhimbulukwa Esiku lyOmapendafule nokupulakena koshipopiwa shEsiku ndika kOmupresidende gwoshilongo Hifikepunye Pohamba ngoka a li a ende pamwe nOmukokolipredsidende Sam Nujoma, Ooministeli dhEpangelo, aanambelewa yEpangelo, Ookomanda dhEtanga lyEgameno nOpolisi noshowo yalwe aakuluntu mepangelo.

Oshituthi shesiku shika sha li sha wilikwa kOministeli yEgameno nEpopilo lyOshigwana, Nangolo Mbumba nosha egululwa negalikano kOmumbiishofi Omukuluntu gwOngeleki ya ELCIN,Shekutamba Nambala, osha tamekwa nomaulikilo gopakwiita nokonima Gavena yoshitopolwa sha Shikoto, Penda yaNdakolo ta taamba ayehe ye yile koshituthi shika shokudhimbulukwa omapendafule.Mokupopitha nee engathithi lya li mpoka, Omupresidende Pohamba okwa ti Namibia okuna okupandula aakondjelimanguluko yoshilongo shika Namibia, unene tuu mboka ya kanithila oomwenyo dhawo mekondjelomanguluko ndika nenge ya lemanena mo naayehe ya mona iihuna monkalamwenyo yawo omolu ekondjelomanguluko. Omupresidende Pohamba ta ti, unene mesiku ndika otamu dhimbulukiwa olugodhi lwekondjelomanguluko lwa Mugulugwombashe mUukwaluudhi moshitopolwa sha Musati meti 26 Auguste 1966 moka ondjembo yotango yekondjelomanguluko pashinanena ya topa yuukithwa momatanga gomukolonyeki South Africa pethimbo ndyoka.Omupresidende Pohamba ta ti ondjembo ndjoka ya topithwa hoka kaakwiita yekondjelomanguluko mewiliko lya nakusa, Otto Nankudhu ta yambidhidhwa ku Simeon Kambo Shixungileni naakwiita yakwawo yalwe, oya kuthwa komukokolipresidende, Sam Nujoma ku Liberia. Dha zile ko dhi li mbali oonene nooshona mbali. Presidende Pohamba ta ti oye ne nomukokolipresidende Nujoma, Peter Nanyemba na Tobias Hainyeko, ya longekidha aakwiita mboka ya Nankudhu yee ko Namibia nokulwitha omukolonyeki. Ta ti taku dhimbulukiwa wo omapendafule ga Roben Eilanda gooAndimba Toivo yaToivo nooyakwawo oyendji. Noshowo nee ngoka gaakwaniilwa yonalenale.Omupresidende Pohamba ta lombwele oshigwana mpoka kutya Namibia lya manguluka nashoka shi li po oku li humitha komeho paembinga dhi ili nodhi ili. Omuleli gwoshilongo ta pandula noonkondo Uuministeli wIilonga, unene tuu Oministeli Errki Nghimtina sho ta longo nokutunga oondjila nokutula po omakwatakanithokumwe gi ili nogi ili ngashi oongodhi dhopeke nosho tuu, moka to adha omuNamibia kehe pethimbo ndika e na oselefona ye nota kwatathana nomupambele gwe shaampoka.Ta ti iipangelo oya tungwa notayi tungwa natango mwa kwatelwa naashoka sha Muthiya. Shoka a ti shi li poku egululwa pambelewa noku shi gandja shi longithwe koshigwana naana ngashi tashi vulika. Nande ongawo okwa ti mUuhaku omu na ngaa iinima yimwe kayi li nawa nokwa tula po Okomisi yOmakonaakono yi konaakone mo nawa iinima mbyoka hayi popiwa mo kayi li nawa. Ta ti Okomisi yatya ngawo otayi ke mu pa olopota meendelelo ngashi tashi vulika.Omupresidende Pohamba ta ti epangelo lya Namibia limwe lyomomapangelo omashonashona lela, ge li ashike gatatu ngoka haga futu openzela yaakulupe omwedhi kehe omakwawo Botswana na South Africa.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.