• Steven Kondjeni HamufunguOMUNHU ota dulu okukala a hala oshinima pefimbo longadi ndele ite shi mono.
Mounyuni eshi tu li mo inatu lifa fye navali katu fike pamwe, ngaashi naana ovahongwa ve li mongulufikola, ope na ovo hava udu ko eshi tava hongwa komuhongi pefimbo opo, naava va pumbwa onhele ye limwenenena opo va dule yo okuudako eshi oshinima hashi endwa. Hano nafyeni osho nee tu li ngaho.
Ovanhu vamwe shima ova xulile mounyengwi kwaasho va li ve lipyakidila nasho, ohava kala ashike omutumba ndele tava ti koti nokushuna omutwe moipeta, va dimbwa kutya ope na natango omhito onhivali.
Itandi ti nee kutya nava dope molwaashi pe na omhito onhivali, ahowe, onda hala ashike kutya nena omunhu ngeenge owa nyengwa, tete lipula manga kutya oshikwashike osho she ku imba komesho.
Konima katuka onghatu opo u shi kale kokule shaashi otashi ku imbi oku wa finda. Omunhu ou ta dulu okulundulula onghalamwenyo yoye oove mwene nefimbo loku i lundulula onena, hano paife, ndele hamongula.
Mo mongula eshi oshikundu tashi ka pya lela oto ka kala lela to yolele ketayoo eshi ashishe sha enda nawa, ko okafo oka hovela nee ngaho okutalala.
Shiwana shaNamibia, efimbo tu li kwatweni nawa, fye hatu lalakaneneni oinima iwa naai tai tu twala komesho notai tu kwafele monakwiiwa.
Inatu teka omukumo ngeenge twa dengelwa poshi kekendabalo letu lotete, ndele natu kale lela twa kumikwa nokukendabala olutivali ile olutitatu.
Kemanya oku na ashike okudja ondwi pehe na okutya ope na umwe te tu undulile kwinya ile te tu nanene oku.
Omukumo komesho!
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
