Ovahoololi omayovi oshilongo ashishe Etitatu va kufa ombinga momahoololo omalelo oitopolwahoololo needoolopa, otava ti ovo va hoololwa nave lilongekide okuyandja omayakulo – inava kala ashike tava popi oinima ihapu.
Vahapu ova ti ova loloka omaudaneko ongaho.
Omulandifi womomapandaanda Fiina Haipinge wokEndola okwa ti omahoololo oneudo kee na sha nomaluvala ile omapopyo opolitika, ashike oku na sha nokuxupa.
“Onda kala handi kongo oilonga omido dihapu. Onda loloka omaudaneko.
Paife ohandi hoolola shaashi onda hala oilonga, kashi fi oipopiwa,” osho a ti ngaho.
Tertius Shatilwapo wokEenhana okwa ti okwa hala ovaleli ovo ve na noshiwana.
“Omuleli na yakule ovanhu ndee ta ningi omatokolo taa yambula po oshiwana,” osho a ti ngaho.
Linea Haimbodu a dja kodoolopa oko tuu oko okwa ti okwa hala eekamusela odo di udite ko eemumbwe dovanangeshefa naavo tava eta eepate nomayambukepo modoolopa.
“Inatu hala ovaleli ve lihole ile ovo ve na oulingilingi. Otwa hala ovaleli tava longo noudiinini,” osho a ti ngaho. Kombaye, Armand Herle Jr okwa ti okwa hala ovaleli va wanife po omaudaneko avo.
“Eepate detu, ondi udite, kadi li nawa nandenande mOmbaye. Konima yodula ya loka xuuninwa, oda naipala unene nokuli.
Onde lineekela lela kutya otava ningi po elunduluko opo ndee tava longo eepate, shaashi okushinga omu okwa piyaana neenghono,” osho a ti ngaho.
KoRundu, Sylvanus Nampweya okwa ti oikumungu yovanyasha nai talike neenghono.
“Nava tote oilonga ndee tave livangeke okuninga oinima ihe li paveta mombelewa,” osho a ti ngaho.
Omutoolinghundana e li moshipundi shetulumuko Eberhard Hofmann, oo a hoololela koElisenheim pondje yaVenduka, okwa ti ovaleli nava kale ve na oshinakuwanifa nokutala mokuyandja omayakulo neameno.
“Eekamusela detu nadi kale di na ko nasha di na yoo ehongo liwa nomukumo di dule okuyandja omayakulo awa, nadi kale yoo di na neameno lakeshe omunhu,” osho a ti ngaho.
Osho ovahoololi va hala oshe ya pefimbo opolitika ya lunduluka, i na omahangano ahapu taa kufa ombinga momalelo eedoolopa neekandidate de lifikamena tadi kufa ombinga momalelo oitopolwahoololo.
Nande Swapo okwa kala nokumona nomwaalu uhapu momahoololo oupresidente nopaliamente oule womido di dule pomilongo nhatu, okuya mumwe otaku ningi oshinima shakeshe efiku.
Okuya mumwe ohaku pitike eengudu dopolitika nomahangano a paafane eenghono.
Mayalo mukulu wongudu yoIndependentes Patriots for Change (IPC) wokoLuderitz Phil Balhao oshivike eshi okwa ti okuya mumwe otaku dulu “okuxupifa” eengudu dimwe.
“Ngee eengudu domilameno oda hala okuxwaxwameka omatoko ado e li ominge nomukondjifi akula, okuya mumwe oko ashike ku li po. Ondi wete eengudu dihapu da yuka mondjila omo,” osho a ti ngaho.
Okwa ti okuya mumwe oshinima shiwa shaashi ohashi ngabeke ongudu i kale oyo unene i na eenghono.
Balhao okwa ti okwa itavela kutya Namibia na ninge oshilongo tashi dulu okuwilikwa keengudu mbali shaashi omukalo wopaife owa eta oikumungu ihapu neenghono.
Presidente wehangano ledina Association for Localised Interests Joseph Kauandenge mafiku aa okwa lombwela oThe Namibian kutya ehangano ole lilongekida okuya mumwe nomahangano oo e na omadilaadilo a fa alo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
