EHANGANO lokulandifa okawe ledina Namibia Desert Diamonds (Namdia) ola ti kutya opolifi oya mona po ouwe vongushu yeemiliyona N$40.6 konima yomunyeka weemiliyona dihapu oo kwa li wa ningilwa ehangano muJanuali.
Konima efimbo lile lokafilu kenyenye ka landula oshiningwanima, ehangano okwa li la yandja omukanda koikundaneki Etine konima eshi omunapaliamente woPopular Democratic Movement McHenry Venaani kwa li a fininika ekalelepo loinima okudja komuprima minista, Saara Kuugongelwa-Amadhila, momutumba wopashiwana Etitatu.
Ehangano ola kanifa okawe kongushu yeemiliyona di dulife poN$350 momunyeka oo kwa li wa ningwa momafiku 18 Januali.
Momukanda, omupopiliko waNamdia Beverley Coussement okwa ti ouwe ava okwa li va monika pefimbo lomakonakono.
“Fiyo onena, ouwe vongushu yeemiliyona N$40.6 vomouwe vongushu yeemiliyona N$314.9 ovo va vakwa po, ova monika,” Omukanda osho wa ti ngaho.
Namdia okwa ti fiyo opapa, kapu na nande omunailonga umwe kakele kuJoel Angula – umwe womovafeekelwa oo a mangwa po nokwa li omwaameni womaliko waNamdia – kwa li a kwatelwa momunyeka oo u li wakula mondjokonona yaNamibia.
Ehangano lepangelo ola kufa eenghatu dokunghonopaleka eameno lavo, Coussement osho a ti ngaho.
“Manga omakonakono natango e li metifa, ewilikongudu ola kufa onghatu iwa eshi la ulika omuyandjimayele weameno opo a wilike oshikondo sheameno nokumona kutya openi pwa pumbwa omayambulepo eameno opamufika.”
Coussement okwa weda po kutya Namdia okwa nghonopaleka eameno lonhele yavo, ashike ina dula okupopya kutya eenghatu di lipi da kufwa, ta ti “omalunduluko amwe okwa li a tulwa moilonga diva sha landula oshiningwanima, omanga akwao kwa li taa tulwa moilonga meendelelo”.
Okwa ti kutya otava kongo oinima aishe oyo ya pumbiwa “mokunyamukula konghalo ei ya nyika oshiponga”.
Pakuweda po, Namdia okwa ninga “omawapaleko a fimana” keshe opo kwa li pa teyaulwa pefimbo lomunyeka.
La tolokwa ku: Ronie Mukongo
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
