Ounifoloma yOpakwiita ya Presidende omukulu Nujoma ya landwa po

O UNIFOOLOMA yOpakwiita yOmupresidende Omukulu gwa Namibia Omundohotola Sam Shafiishuna Nujoma ndjoka a li ha zala sho tayi komahala gomalugodhi hoka kwa kala Omatanga gOpakwiita gOplana sho taga lwitha Omukolonyeki South Afrika pethimbo lyEkondjelomanguluko, oya tulilwe mofanditha nokulandwa ko N$20 000.

Shika osha li sha ningwa ongulohi yeti 16 Juli nuumvo pethimbo lyOsumina ndjoka ya ningililwe Oshiketha shOmupresidende Nujoma mOsenda yOmaulikilo gIipindi mOngwediva noya sindanwa po komusamane Ben Zaaruka gwoBenz Building Suppliers kOoN$20 000. Ounifooloma ndjoka yomambathi, oya li ya halika kaantu oyendji mboka ya li moshiithanene shoka noya kala tayi kondjelwa noshimaliwa okuza ngaa kohi yomayovi omulongo sigo tayi londo kombanda yomayovi omulongo nokukathika nee kOmayovi omilongombali sho ya londekwa ko ngawo komusamane Ben Zaaruka nosheendo shongeshefa ye.Ounifooloma yOmupresidende tuu nguka gwOtango gwa Namibia Omundohotola Sam Shafiishuna Nujoma, yimwe ishewe, ndjoka taku tiwa kutya okwa li he yi zala sho e li mOshitopolwa shomalugodhi pethimbo lyEkondjelomanguluko lya Namibia, oya sindanwa po komusamane Kapwanga Kombadayedu KOoN$9000 lwaampoka.Omwa li wo mwa tulwa mofanditha okambindja kOsipana ya Manchester United, hoka ka sindanwa po kOmunambelewa Omukuluntu gwOmbaanga ya Nedbank moNamibia omusamane Martin Shipanga ko N$3 200 omanga Embo moka mwa shangwa Ondjokonona yOmupresidende Nujoma noyEkondjelomanguluko lyedhina “Where Others Wavered” lya sindanwa po kOmukuluntu gwoNBC Oshiwambo meme Helena Shiimbi ko N$2100.Osumina ndjika ayihe kumwe esiku ndjoka oya zile N$163,007.Omukwaniilwa gwoshilongo shOndonga tatekulu Immanuel Kauluma Elifas okwa umbila mo ondumetana yoondoka noshowo Elenga enene lyUukwambi tatekulu Herman Ndilimani Iipumbu okwa umbila mo ondumetana yoondoka.Omupresidende Omukulu Sam Nujoma okwa pandula oshigwana shoka she yile kOsumina ndjika nokukutha ombinga nawa mOsumina ndjoka.Ounifooloma ndjoka yomambathi, oya li ya halika kaantu oyendji mboka ya li moshiithanene shoka noya kala tayi kondjelwa noshimaliwa okuza ngaa kohi yomayovi omulongo sigo tayi londo kombanda yomayovi omulongo nokukathika nee kOmayovi omilongombali sho ya londekwa ko ngawo komusamane Ben Zaaruka nosheendo shongeshefa ye.Ounifooloma yOmupresidende tuu nguka gwOtango gwa Namibia Omundohotola Sam Shafiishuna Nujoma, yimwe ishewe, ndjoka taku tiwa kutya okwa li he yi zala sho e li mOshitopolwa shomalugodhi pethimbo lyEkondjelomanguluko lya Namibia, oya sindanwa po komusamane Kapwanga Kombadayedu KOoN$9000 lwaampoka.Omwa li wo mwa tulwa mofanditha okambindja kOsipana ya Manchester United, hoka ka sindanwa po kOmunambelewa Omukuluntu gwOmbaanga ya Nedbank moNamibia omusamane Martin Shipanga ko N$3 200 omanga Embo moka mwa shangwa Ondjokonona yOmupresidende Nujoma noyEkondjelomanguluko lyedhina “Where Others Wavered” lya sindanwa po kOmukuluntu gwoNBC Oshiwambo meme Helena Shiimbi ko N$2100.Osumina ndjika ayihe kumwe esiku ndjoka oya zile N$163,007.Omukwaniilwa gwoshilongo shOndonga tatekulu Immanuel Kauluma Elifas okwa umbila mo ondumetana yoondoka noshowo Elenga enene lyUukwambi tatekulu Herman Ndilimani Iipumbu okwa umbila mo ondumetana yoondoka.Omupresidende Omukulu Sam Nujoma okwa pandula oshigwana shoka she yile kOsumina ndjika nokukutha ombinga nawa mOsumina ndjoka.