Oshipotha shonkonga pangenga mOmpangu yOpombanda

O SHIPOTHA shaalumentu yane mboka taya tamanekelwa oshipotha shokukwata onkonga omukiintu gumwe omugundjuka pangenga mOvenduka, mu Mei 2005, osha talika neho etiligane oshiwike sha zi ko.

Oyali nokuli ya tseyithilwa ngeyi kutya oshipotha shawo otashi tuminwa kOmpangu yOpombanda oko shi ka pangulwe. Aalumentu mboka otaya tamanekelwa edhipago lya Theresia Afrikaner (23) sha ningilwa molukanda lwa Okuryangava mOvenduka mo 2005.Sam Angolo (23), Jonathan Ashipala Taapopi (21), Stefanus Lazarus (27) na Thomas Phillemon (26) – oya li ya tseyithilwa kutya otaya ka holoka mOmpangu yOpashitopolwa mOvenduka moshipotha shedhipago nosho wo miipotha ine yekwatonkonga.Otaya ka holoka nee mOmpangu ndjoka lwopehulilo lyaNovemba nuumvo.Momaandaha goshiwike shika, oya li ishewe ya pewa elombwelo lilwe kutya Omutamaneki-Ndjayi okwa ningi etokolo lyokukaleka epangulo lyawo mOmpangu yOpashitopolwa noku gandja elombwelo kutya ngashiingeyi otaya ka holoka nokupangulwa mOmpangu yOpombanda.Ompangu ndjika kayi na owala oonkondo dhi vule ndjoka yopashitopolwa, ashike aamentu mboka otaya ka taalela oshipotha sha gwedhwapo, shokukwata ombambyona, oshipotha shedhipago nosho wo iipotha ine yekwatonkonga.Oye na okuholoka mOmpangu ndjoka lwotango mo 20 Septemba.Pauyelele mboka wa pewa Ompangu otau ti kutya Afrikaner okwa li ti iyuvitha nawa pokambashu kamwe nenge uyali lwaampoka momasiku 13 gaMei nosho wo koongulasha dho 14 Mei 2005.Otaku popiwa ngeyi kutya aniwa aafekelwa mboka oya li nee ya katukile Afrikaner pethimbo lyoowili dhokoongulasha nokutameka taye mu dhenge, taye mu thanga nokumu umba nomamanya.Aniwa yamwe yomuyo oya li ya homata oombele.Momushangwa ngoka gwa pewa Ompangu omwa popiwa kutya aalumentu mboka yane oya tameke taya kwata koonkondo Afrikaner pomulamba gumwe hoka.Oya thigi omudhimba gwe mpoka konima sho ye mu pondo sigo omeso, ta ku popiwa ngaaka.Aagandji yuumbangi yaheyali oya li ya gongala pOmpangu yOpashitopolwa mu Mei sho oshipotha shika sha ndopa okutameka molwashoka Taapopi ka li natango a mona omukalelipo gwopaveta.Aalumentu mboka otaya tamanekelwa edhipago lya Theresia Afrikaner (23) sha ningilwa molukanda lwa Okuryangava mOvenduka mo 2005.Sam Angolo (23), Jonathan Ashipala Taapopi (21), Stefanus Lazarus (27) na Thomas Phillemon (26) – oya li ya tseyithilwa kutya otaya ka holoka mOmpangu yOpashitopolwa mOvenduka moshipotha shedhipago nosho wo miipotha ine yekwatonkonga.Otaya ka holoka nee mOmpangu ndjoka lwopehulilo lyaNovemba nuumvo.Momaandaha goshiwike shika, oya li ishewe ya pewa elombwelo lilwe kutya Omutamaneki-Ndjayi okwa ningi etokolo lyokukaleka epangulo lyawo mOmpangu yOpashitopolwa noku gandja elombwelo kutya ngashiingeyi otaya ka holoka nokupangulwa mOmpangu yOpombanda.Ompangu ndjika kayi na owala oonkondo dhi vule ndjoka yopashitopolwa, ashike aamentu mboka otaya ka taalela oshipotha sha gwedhwapo, shokukwata ombambyona, oshipotha shedhipago nosho wo iipotha ine yekwatonkonga.Oye na okuholoka mOmpangu ndjoka lwotango mo 20 Septemba.Pauyelele mboka wa pewa Ompangu otau ti kutya Afrikaner okwa li ti iyuvitha nawa pokambashu kamwe nenge uyali lwaampoka momasiku 13 gaMei nosho wo koongulasha dho 14 Mei 2005.Otaku popiwa ngeyi kutya aniwa aafekelwa mboka oya li nee ya katukile Afrikaner pethimbo lyoowili dhokoongulasha nokutameka taye mu dhenge, taye mu thanga nokumu umba nomamanya.Aniwa yamwe yomuyo oya li ya homata oombele.Momushangwa ngoka gwa pewa Ompangu omwa popiwa kutya aalumentu mboka yane oya tameke taya kwata koonkondo Afrikaner pomulamba gumwe hoka.Oya thigi omudhimba gwe mpoka konima sho ye mu pondo sigo omeso, ta ku popiwa ngaaka.Aagandji yuumbangi yaheyali oya li ya gongala pOmpangu yOpashitopolwa mu Mei sho oshipotha shika sha ndopa okutameka molwashoka Taapopi ka li natango a mona omukalelipo gwopaveta.