Oshipotha shaapopi yOshiwambo sha kuthwa mo mepeko lyOmpangu

O NKAMBADHALA ontiyali yongundu yaanafaalama aapopi yElaka lyOshiwambo mboka ya tidhwa moshitopolwa sha Kavango mu November 2006, okuninga eindilo kOmpangu yOpombanda yi ya pitike ya shuna moshitopolwa shika – oya endwa nayi ngashi sha li natango sha ningwa okangundu ka yalwe yomaanafaalama mbaka oomwedhi ndatu dha piti po.

Oomwedhi ne dha piti po, Opolisi ya Namibia oya li ya kwathele Elelo lyOpamuthigululwakalo lyAakwangali, ya tidhe mo aanafaalama yAawambo moshitopolwa sha Kavango molwashoka aniwa oya li ye li moka shaali paveta. Yamwe yomaanafaalama mbaka oya kala ye na oohambo dhawo mUukwangali oomvula dha konda pomilongo mbali, ihe iimuna yawo oyu umbwa mo moshitopolwa shika.Natango aanafaalama ye li 19 oya li ishewe ya tidhwa mo mUukwangali mEtine lya zi ko, ihe ngashiingeyi shika osha ningwa patokolo lyOmpangu yOpombanda mOvenduka.Ongundu ya yamwe yomaanafaalama mbaka oya li ya hala Ompangu yi ya popile kutya naya shune kUukwangali, ihe oshipotha shika osha kuthwa mo mEpeko lyOmpangu kOmupanguli Louise Muller.Omupanguli Muller okwa popi kutya aanafaalama mbaka ina ye shi kwashilipaleka kOmpangu kutya oshinima shawo osha simana noshi na okweendelelwapo.Shika osho wo natango sha li sha ningilwa aanafaalama omugoyi kOmpangu yOpombanda mu Novemba 2006, sho Omupanguli Sylvester Mainga a li a popi kutya Ompangu inayi tompwa kutya oshinima shawo oshi na okutalwa meendelelo.Aanafaalama mbaka 19 oya li ya fala kOmpangu Elenga lyAakwangali Daniel Sitentu Mpasi, Elelo lyOpamuthigululwakalo lyAakavango, Olaata yEvi mOshitopolwa sha Kavango, Ominista yEgameno Peter Tshirumbu nEpangelo lya Namibia.Paendokumende dhawo dhoka ya gandja kOmpangu, aanafaalama mbaka oya li ya popi kutya yo oya kala ye li mombili niimuna yawo moohambo dhawo moKavango, manga iimuna yawo inayi umbwa mo moshitopolwa shika shaa li paveta pokati komasiku 13 sigo 17 ga Novemba 2006.Yaali yomaanafaalama mbaka, Grabriel Shatiwa na Elifas Johannes, oya popi kutya ehala moka ya tidhwa oya kala mo okuza momumvo 1986, omanga yalwe ya popi kutya mUukwangali oye ya mo okuza 1991 sigo 1992.Shatiwa oye na mo oongombe odhindji kaanafaalama ooyakwawo ayehe, dhi li 300.Aanafaalama mbaka oya popi kutya Elenga Mpasi olya popi kutya Elelo lyUukwangali nenge Olaata yEvi mOshitopolwa sha Kavango, paveta yOmavi miitopolwa yaayehe yomumvo 2002, oya li ye na okuya ningila oshipotha ngele oya hala ya ze mo mUukwangali.”Shika oya ndopa oku shi ninga, oyi ikuthila ashike oveta kuyo yene,” Naftal Kayofa (gumwe gwomaanafaalama mbaka) osho a popi ngaaka.Kayofa okwa ti ye oku na oongombwe dhi li 270 na mUukwangali okwe ya mo momumvo 1991.Ngele aanafaalama mbaka oya hala natango okuya komeho noshipotha shika oye na oku shi fala mepeko lyOmpangu sha fa ashike iipotha yilwe (ano inashi endelela).Aanavatekalelipo Christiaan Mouton na Christie Mostern oya li ye lile po aanafaalama.Hahende gwopevi gwEpangelo Nixon Marcus okwa li e lile po Elenga Mpasi, Elelo lyOpamuthigululwakalo lyAakavango, Olaata yOmavi yoshitopolwa sha Kavango, Minista Tshirumbu nEpangelo lya Namibia.Yamwe yomaanafaalama mbaka oya kala ye na oohambo dhawo mUukwangali oomvula dha konda pomilongo mbali, ihe iimuna yawo oyu umbwa mo moshitopolwa shika.Natango aanafaalama ye li 19 oya li ishewe ya tidhwa mo mUukwangali mEtine lya zi ko, ihe ngashiingeyi shika osha ningwa patokolo lyOmpangu yOpombanda mOvenduka.Ongundu ya yamwe yomaanafaalama mbaka oya li ya hala Ompangu yi ya popile kutya naya shune kUukwangali, ihe oshipotha shika osha kuthwa mo mEpeko lyOmpangu kOmupanguli Louise Muller.Omupanguli Muller okwa popi kutya aanafaalama mbaka ina ye shi kwashilipaleka kOmpangu kutya oshinima shawo osha simana noshi na okweendelelwapo.Shika osho wo natango sha li sha ningilwa aanafaalama omugoyi kOmpangu yOpombanda mu Novemba 2006, sho Omupanguli Sylvester Mainga a li a popi kutya Ompangu inayi tompwa kutya oshinima shawo oshi na okutalwa meendelelo.Aanafaalama mbaka 19 oya li ya fala kOmpangu Elenga lyAakwangali Daniel Sitentu Mpasi, Elelo lyOpamuthigululwakalo lyAakavango, Olaata yEvi mOshitopolwa sha Kavango, Ominista yEgameno Peter Tshirumbu nEpangelo lya Namibia.Paendokumende dhawo dhoka ya gandja kOmpangu, aanafaalama mbaka oya li ya popi kutya yo oya kala ye li mombili niimuna yawo moohambo dhawo moKavango, manga iimuna yawo inayi umbwa mo moshitopolwa shika shaa li paveta pokati komasiku 13 sigo 17 ga Novemba 2006.Yaali yomaanafaalama mbaka, Grabriel Shatiwa na Elifas Johannes, oya popi kutya ehala moka ya tidhwa oya kala mo okuza momumvo 1986, omanga yalwe ya popi kutya mUukwangali oye ya mo okuza 1991 sigo 1992.Shatiwa oye na mo oongombe odhindji kaanafaalama ooyakwawo ayehe, dhi li 300.Aanafaalama mbaka oya popi kutya Elenga Mpasi olya popi kutya Elelo lyUukwangali nenge Olaata yEvi mOshitopolwa sha Kavango, paveta yOmavi miitopolwa yaayehe yomumvo 2002, oya li ye na okuya ningila oshipotha ngele oya hala ya ze mo mUukwangali.”Shika oya ndopa oku shi ninga, oyi ikuthila ashike oveta kuyo yene,” Naftal Kayofa (gumwe gwomaanafaalama mbaka) osho a popi ngaaka.Kayofa okwa ti ye oku na oongombwe dhi li 270 na mUukwangali okwe ya mo momumvo 1991.Ngele aanafaalama mbaka oya hala natango okuya komeho noshipotha shika oye na oku shi fala mepeko lyOmpangu sha fa ashike iipotha yilwe (ano inashi endelela).Aanavatekalelipo Christiaan Mouton na Christie Mostern oya li ye lile po aanafaalama.Hahende gwopevi gwEpangelo Nixon Marcus okwa li e lile po Elenga Mpasi, Elelo lyOpamuthigululwakalo lyAakavango, Olaata yOmavi yoshitopolwa sha Kavango, Minista Tshirumbu nEpangelo lya Namibia.