Oshipotha sha Kobi shokufalwa ko US sha tsilikwa sigo Septemba

O shipotha shoshipuna Jacob (‘Kobi’) Alexander ngoka a halika ku Amerika opo a pangulilwe iipotha mbyoka ta tamanekelwa olya undulilwa ishewe komeho mOmpangu ya Mengestrata gwa Venduka mOmaandaha goshiwike shika.

Ngashiingeyi Alexander ota ka holoka ishewe komeho ga Mengestrata mOvenduka momasiku 12 gaNovemba, oshi a li a tseyithilwa ngaaka sho a holoka mOmpangu oshikando oshitihamano okuza sho a li mangululwa kobooloha yoondola oomiliyuna omulongo (N$10 million) mu Kotoba omumvo gwa zi ko. Alexander ngoka e li omvalele ya Israel okwa halika kEpangelo lya Amerika opo a ka pangulilwa iipotha yi li 35 mOmpangu ya New York.Otaku popiwa kutya Alexander gwomimvo 55 ota ka taalela iipotha mbyoka a longo pokati komumvo 1998 nomumvo 2001 pethimbo a li omukuluntu gwokampani yi na sha nomakwatathano yedhina Comverse Technology Inc.Okampani ndjika oye e yi tota nenge tutye oya totwa pakwatho lye momumvo 1982.Otaku tiwa kutya okwa kambadhala nee okwiikongela ovenisa paikengelela.Alexander okwa kala mu Namibia okuza mu Juli omumvo gwa zi ko.Alexander okwa popya nale kutya ota ka kondjitha oshipotha shoka nangele okwa falwa ku Amerika a pangulwe, ota ka pataneka iipotha ayihe mbyoka ta tamanekelwa.Oshipotha sheindilo lyokufala Alexander ku Amerika osha li sha tameke komeho ga Mengestrata Sarel Jacobs mu Apilili nuumvo ashika osha undulilwa komeho konima sho Mengestrata Jacobs a pulwa opo i ikuthe mo mokupulakena iihokolola moshipotha shoka.Omukuluntu gwoompangu dhopavi Petrus Unengu okwa li a ulikwa kOminista yUuyuuki oye a kwatele komeho nokupulakena iihokolola moshipotha shika, ashike oshinima shika osha tamanekwa kaanaveta ya Alexander – mboka ya pula nokuli Ompangu yOpombanda opo yi ekelehi euliko lya Unengu mokupulakena iihokolola moshipotha shika.Iihokolola meindilo lya Amerika kutya Alexander na falwe hoka a pangulwe olya undulilwa ishewe komeho molwashoka oshipotha shoka shi li mOpangu yOpombanda inashi potokononwa natango.Pahokololo lyaanaveta ya Alexander, Mengestrata ngoka ta vulu okupulakena iihokolola mbika oye owala ngoka a gandja obooloha nenge a popya kutya Alexander na tulwe mondholongo sho a holoka lwotango mOmpangu ya Mengestrata – nenge ngoka a shanga omukanda tagu popi kutya na dhitikwe.Oshinima shika otashi ti nee ngeyi kutya, Mengestrata Uaatjo Uanivi oye owala e na okupulakena iihokolola mbyoka nokuninga etokolo ngele Alexander na shunithwe ku Amerika nenge aawe.Uanivi oye a li a pulakene iihokolola yeindilo lyobooloha ya Alexander kuyele mu Kotoba omumvo gwa zi ko.Pehulilo lyeindilo ndyoka, Uanivi okwa ka ninga nee etokolo kutya Alexander ota vulu okupewa obooloha yoomiliyuna omulongo (N$10 million).Pamushangwa ngoka gwa pewa Ompangu yOpombanda mEtitano, Alexander ota pula Ompangu ndjoka yi gandje elombwelo kutya Mengestrata Uanivi oye owala e na uuthemba okupulakena iihokolola moshipotha she.Mopito onkwawo aniwa paveta yi na sha nokufala aakwilongo kiilongo yawo koha taya pumbiwa opo ya ka pangulwe, aanaveta ya Alexander ota pula opo ompangu ndjoka yi gandje elombwelo kutya Omukuluntu gwoompangu Unengu ina kutha nando ombinga moshipotha shika.Omunaveta Omukuluntu gwokOkapa (Cape Town) gwedhina Peter Hodes gwa Alexander okwa li a lombwele Unengu momasiku 9 Juli kutya iitsa yawo oyi li mpoka kutya ye (Unengu) ong’omukuluntu gwoompangu dhopavi nonambelewa muuministeli wuuyuuki, ita vulu okupulakena iihokolola moshipotha shika.Moshinima shilwe, Alexander ota ka pula Ompangu yOpombanda opo yi gandje elombwelo kutya ontokolwa onti 21 yomoveta yokushunitha aakwiilongo kiilongo yawo hoka taya pumbiwa kayi li pakotampango.Pakatendo koveta ndjoka, ngele Mengestrata okwa ningi etokolo pethimbo lyiihokolola kutya eeno omuntu gwontumba ota vulu okufalwa koshilongo hoka ta pulwa opo a ka pangulilwe iipotha mbyoka ta tamanekelwa, omuntu ngoka oku na oku tulwa mondholongo sigo ta falwa koshilongo shoka.Nando ongaaka, oshinima sholudhi nduka, otashi vulu okukwata ethimbo ele nenge tutye nokuli omimvo odhindji mOmpangu yOpombanda notashi vulika nokuli shi ka thike sigo okOmpangu yOpombandambanda oko shi ka potokononwe.Alexander ngoka e li omvalele ya Israel okwa halika kEpangelo lya Amerika opo a ka pangulilwa iipotha yi li 35 mOmpangu ya New York.Otaku popiwa kutya Alexander gwomimvo 55 ota ka taalela iipotha mbyoka a longo pokati komumvo 1998 nomumvo 2001 pethimbo a li omukuluntu gwokampani yi na sha nomakwatathano yedhina Comverse Technology Inc.Okampani ndjika oye e yi tota nenge tutye oya totwa pakwatho lye momumvo 1982.Otaku tiwa kutya okwa kambadhala nee okwiikongela ovenisa paikengelela.Alexander okwa kala mu Namibia okuza mu Juli omumvo gwa zi ko.Alexander okwa popya nale kutya ota ka kondjitha oshipotha shoka nangele okwa falwa ku Amerika a pangulwe, ota ka pataneka iipotha ayihe mbyoka ta tamanekelwa.Oshipotha sheindilo lyokufala Alexander ku Amerika osha li sha tameke komeho ga Mengestrata Sarel Jacobs mu Apilili nuumvo ashika osha undulilwa komeho konima sho Mengestrata Jacobs a pulwa opo i ikuthe mo mokupulakena iihokolola moshipotha shoka.Omukuluntu gwoompangu dhopavi Petrus Unengu okwa li a ulikwa kOminista yUuyuuki oye a kwatele komeho nokupulakena iihokolola moshipotha shika, ashike oshinima shika osha tamanekwa kaanaveta ya Alexander – mboka ya pula nokuli Ompangu yOpombanda opo yi ekelehi euliko lya Unengu mokupulakena iihokolola moshipotha shika.Iihokolola meindilo lya Amerika kutya Alexander na falwe hoka a pangulwe olya undulilwa ishewe komeho molwashoka oshipotha shoka shi li mOpangu yOpombanda inashi potokononwa natango.Pahokololo lyaanaveta ya Alexander, Mengestrata ngoka ta vulu okupulakena iihokolola mbika oye owala ngoka a gandja obooloha nenge a popya kutya Alexander na tulwe mondholongo sho a holoka lwotango mOmpangu ya Mengestrata – nenge ngoka a shanga omukanda tagu popi kutya na dhitikwe.Oshinima shika otashi ti nee ngeyi kutya, Mengestrata Uaatjo Uanivi oye owala e na okupulakena iihokolola mbyoka nokuninga etokolo ngele Alexander na shunithwe ku Amerika nenge aawe.Uanivi oye a li a pulakene iihokolola yeindilo lyobooloha ya Alexander kuyele mu Kotoba omumvo gwa zi ko.Pehulilo lyeindilo ndyoka, Uanivi okwa ka ninga nee etokolo kutya Alexander ota vulu okupewa obooloha yoomiliyuna omulongo (N$10 million). Pamushangwa ngoka gwa pewa Ompangu yOpombanda mEtitano, Alexander ota pula Ompangu ndjoka yi gandje elombwelo kutya Mengestrata Uanivi oye owala e na uuthemba okupulakena iihokolola moshipotha she.Mopito onkwawo aniwa paveta yi na sha nokufala aakwilongo kiilongo yawo koha taya pumbiwa opo ya ka pangulwe, aanaveta ya Alexander ota pula opo ompangu ndjoka yi gandje elombwelo kutya Omukuluntu gwoompangu Unengu ina kutha nando ombinga moshipotha shika.Omunaveta Omukuluntu gwokOkapa (Cape Town) gwedhina Peter Hodes gwa Alexander okwa li a lombwele Unengu momasiku 9 Juli kutya iitsa yawo oyi li mpoka kutya ye (Unengu) ong’omukuluntu gwoompangu dhopavi nonambelewa muuministeli wuuyuuki, ita vulu okupulakena iihokolola moshipotha shika.Moshinima shilwe, Alexander ota ka pula Ompangu yOpombanda opo yi gandje elombwelo kutya ontokolwa onti 21 yomoveta yokushunitha aakwiilongo kiilongo yawo hoka taya pumbiwa kayi li pakotampango.Pakatendo koveta ndjoka, ngele Mengestrata okwa ningi etokolo pethimbo lyiihokolola kutya eeno omuntu gwontumba ota vulu okufalwa koshilongo hoka ta pulwa opo a ka pangulilwe iipotha mbyoka ta tamanekelwa, omuntu ngoka oku na oku tulwa mondholongo sigo ta falwa koshilongo shoka.Nando ongaaka, oshinima sholudhi nduka, otashi vulu okukwata ethimbo ele nenge tutye nokuli omimvo odhindji mOmpangu yOpombanda notashi vulika nokuli shi ka thike sigo okOmpangu yOpombandambanda oko shi ka potokononwe.