Oshinima sha Von Trotha sha patanwa mOparliamende

E LENGA ekuluntu lyAaherero Kuaima Riruako okwa gwile moshipyu mOmutumba gwOpashigwana mEtiyali kombinga yomalaka omawinayi ngoka a popi kombinga yaakwanezimo ya Ndjayi Lothar Von Trotha, mboka ye li metalelopo mu Namibia ye ya okugandja ombili omolu iilonga iiwinayi ya longwa komukwanezimo gawo nguka mu Namibia.

Aakwanezimo ya Ndjayi Von Trotha oye ya ku Namibia nelalakano okweetapo omakwatathano ge li nawa pokati kawo nAaherero. “Ngele AakwaVonTrotha oya hala okuyeleka edhina lyawo, oye na okulombwela Epangelo lya Ndowishi kutya oshike sha ningwa kaakuluntu yawo sha puka,” Riruako osho a popi ngaaka mOmutumba gwOpashigwana mEtiyali.”Onde ya hiya? Aawe!”, Riruako ti iyamukula ngaaka.Shika osha thikamitha Ominista yOpevi yOmagumbo nOmapangelo gOpaitopolwa Kazenambo Kazenambo e ta ti kutya aakwaVon Trotha inaya ningila Aaherero uuwinayi washa.”Kashi li pauyuuki kElenga (Riruako) okuumba aantu mbaka omalaka,” Kazenambo ta popi.Arnold Tjihuiko gwongundu yo Nudo (ndjoka oyo wo ya Riruako) okwa ti Ndjayi Von Trotha ku Namibia okwa li a tumwa ko kEpangelo lya Ndowishi momumvo 1904 a ka kwate moshipala Aaherero mokulwitha uukoloni wAandowishi.Tjihuiko okwa ti aakwaVon Trotha kaye na shoka ya ninga, ihe omolwashike ye na okuya ya gandje ombili komuhoko gwaantu ashike yelaka limwe.Ta ti, omolwashike shika itaye shi ningile wo Aanama, Andamara nAayelele (mboka nayo ya monithwa wo iihuna).”AakwaVon Trotha oye ya huka okuukitha komeho omulandu gwawo gwokutopola nokulela,” ta tsikile ko ngaaka.Omuwiliki gwongundu yo DTA Katuutire Kaura okwa yamukula kutya Riruako okwa geya ashike molwashoka AakwaVon Trotha inaye ya kuye.”Andola osha li ngaaka, andola omapandaanda agehe ogu udha oonkambe.Oshili osho shika kutya Ndjayi Von Trotha okwa li Omuwiliki mEtanga lyEgameno lya Ndowishi momumvo 1904 na Elenga Samuel Maharero okwa li omuwiliki gwEtanga lyegameno lyAaherero.”Oomvula ndatu dha piti po, aapambele yoofamili adhihe mbali odha li dha tsakanene mu Ndowishi na shika shopaife eishunithilotalelopo,” Kaura ta popi ngaaka.Omunashipundi gwOmutumba gwOpashigwana Theo-Ben Gurirab okwa londodha Egumbo ndika kutya ye ite ki idhidhimikila oompata kadhi na sha naashoka shi li poshitaafula mOmutumba gwOpashigwana.”Ngele AakwaVonTrotha oya hala okuyeleka edhina lyawo, oye na okulombwela Epangelo lya Ndowishi kutya oshike sha ningwa kaakuluntu yawo sha puka,” Riruako osho a popi ngaaka mOmutumba gwOpashigwana mEtiyali.”Onde ya hiya? Aawe!”, Riruako ti iyamukula ngaaka.Shika osha thikamitha Ominista yOpevi yOmagumbo nOmapangelo gOpaitopolwa Kazenambo Kazenambo e ta ti kutya aakwaVon Trotha inaya ningila Aaherero uuwinayi washa.”Kashi li pauyuuki kElenga (Riruako) okuumba aantu mbaka omalaka,” Kazenambo ta popi.Arnold Tjihuiko gwongundu yo Nudo (ndjoka oyo wo ya Riruako) okwa ti Ndjayi Von Trotha ku Namibia okwa li a tumwa ko kEpangelo lya Ndowishi momumvo 1904 a ka kwate moshipala Aaherero mokulwitha uukoloni wAandowishi.Tjihuiko okwa ti aakwaVon Trotha kaye na shoka ya ninga, ihe omolwashike ye na okuya ya gandje ombili komuhoko gwaantu ashike yelaka limwe.Ta ti, omolwashike shika itaye shi ningile wo Aanama, Andamara nAayelele (mboka nayo ya monithwa wo iihuna).”AakwaVon Trotha oye ya huka okuukitha komeho omulandu gwawo gwokutopola nokulela,” ta tsikile ko ngaaka.Omuwiliki gwongundu yo DTA Katuutire Kaura okwa yamukula kutya Riruako okwa geya ashike molwashoka AakwaVon Trotha inaye ya kuye.”Andola osha li ngaaka, andola omapandaanda agehe ogu udha oonkambe.Oshili osho shika kutya Ndjayi Von Trotha okwa li Omuwiliki mEtanga lyEgameno lya Ndowishi momumvo 1904 na Elenga Samuel Maharero okwa li omuwiliki gwEtanga lyegameno lyAaherero.”Oomvula ndatu dha piti po, aapambele yoofamili adhihe mbali odha li dha tsakanene mu Ndowishi na shika shopaife eishunithilotalelopo,” Kaura ta popi ngaaka.Omunashipundi gwOmutumba gwOpashigwana Theo-Ben Gurirab okwa londodha Egumbo ndika kutya ye ite ki idhidhimikila oompata kadhi na sha naashoka shi li poshitaafula mOmutumba gwOpashigwana.