Oshilyo sho NDF sha kwatwa po shi na sha neumbo lyondjembo

O POLISI mOshitopolwa sha Musati oya tseyitha kutya oya kwata po oshilyo shEtanga lyEgameno shi na sha neumbo neehameko lyaantu omugoyi pethimbo lyetyapulo lyOhango pOmbundamuti mOmbalantu mOshitopolwa sha Musati mOlyomakaya ga zi ko.

Omupopiliko gwOpolisi mOshitopolwa sha Musati Shisaande Linekela Shikongo, ta lombwele The Namibian kutya omulumentu ngoka a kwatwa po oshilyo shetanga lyEgameno, na oye Valentinus Ipuleni Nauyala gwoomvula 43. Okwa holoka nale mOmpangu ya Mangestrata pOutapi noshipotha shekwatonayi lyondjembo nokuumba mokati koshigwana inashi pitikwa.Ina pulwa a tye sha manga, noshipotha she oshuundulilwa keti 4 Maalitsa 200 8 omolu omakonaakono gOpolisi.Okwa pewa uuthemba wokwiifutila mo nOoN$500.Olyomakaya ga zi ko pootate Kristianus Kashindi pOmbundamuti, opwa li ohango yomwana.Ngashi osho hashi ningwa shito kuyamwe poohango dhimwe, aalumentu yatatu, gumwe e na ondjembo yomushasho nayaali ye na oombistoli, oya tameke taya tanta ohango noondjembo ndhoka.Taya umbu ko iikuti ya ukitha mombanda nopevi.Mokuumba ngawo, kondjembo yimwe yomoondjembo ndhoka ndatu, okwa zi iikuti ya fa yomushasho nokuyaha aantu mboka ya li momudhingoloko moka, taku tiwa kutya oya yaha aantu ye li omugoyi noya ehama nokufalwa koshipangelo shaAutapi, yo yatatu mboka ya li ya ehama unene taya falwa kwaashoka shEpangelo sha Shakati.Gumwe gwomoonakwehamekwa oye ngoka a li ta umbu nondjembo yomushasho.Ano a toolwa wo naye kiikuti yomuumbi omukwawo mbyoka ya yaha mbeyaka yahetatu.Opolisi oya lopotelwa oshiningwanima shoka noya yi mekonaakono meendelelo.Shisaande Shikongo ota ti kutya mekonaakono lyawo oye shi mono mo kutya ngoka e na okufekelwa kutya oye a yaha aantu, oValentinus, ngoka a li nombistoli yi na iikuti ya fa yomushasho, hayi ithanwa mOshiingilisa, “Snake Shot Bullets”, ano iikuti yomushasho yokoombistoli hayi longithwa mokuya nokudhipaga omayoka.”Esiku ndyoka oshinima osha li evundakano lyowala.Omuntu ku shi ngoka a yaha aantu kwali, oshoka ayehe yatatu oya li taya umbu nokonima otwa mono ashike sho aantu taya lili, kehe gumwe ta ti okwa yahwa, yo taya zi oombinzi.Tashi ti eligolo enene ndyoka lya adhika mpoka, olya mwena po manga ombaadhilila nokushituka okulila nokweehama, “, Asteria Ngoloimwe, mwene gwomukunda Ehwalyamalungwandjamba, ngoka a li pohango mpoka sho oshiningwanima shika sha holoka, ta ti ngawo.Shisaande Shikongo, ota ti kutya aantu oya lombwelwa nalenale, kutya inaya kala we taya umbu oondjembo miituthi mbyoka yoohango, oosa nosho tuu, oshoka ohashi eta iiponga yomalemaneko gaantu noshowo omaso, ihe inaya hala ashike nade okuuva ko.Ta ningi natango eindilo e li ukitha moshigwana moka kutya hamuntu we ta umbu ondjembo pohango, p;oosa nenge peni, inashi pitikwa.Kaansela gwOshikandjohogololo sha Anamulenge, moka mu na omukunda Ombundamuti, naye okwa kondema eumbo lyoondjembo ndjoka nokwiindila koshigwana shomOshikandjohogololo she shi ethe po okuumba oondjembo miituthi yoohango, yoosa nosho tuu, oshoka otadhi lemaneke aantu noku ya dhipaga wo.Okwa holoka nale mOmpangu ya Mangestrata pOutapi noshipotha shekwatonayi lyondjembo nokuumba mokati koshigwana inashi pitikwa.Ina pulwa a tye sha manga, noshipotha she oshuundulilwa keti 4 Maalitsa 200 8 omolu omakonaakono gOpolisi.Okwa pewa uuthemba wokwiifutila mo nOoN$500.Olyomakaya ga zi ko pootate Kristianus Kashindi pOmbundamuti, opwa li ohango yomwana.Ngashi osho hashi ningwa shito kuyamwe poohango dhimwe, aalumentu yatatu, gumwe e na ondjembo yomushasho nayaali ye na oombistoli, oya tameke taya tanta ohango noondjembo ndhoka.Taya umbu ko iikuti ya ukitha mombanda nopevi.Mokuumba ngawo, kondjembo yimwe yomoondjembo ndhoka ndatu, okwa zi iikuti ya fa yomushasho nokuyaha aantu mboka ya li momudhingoloko moka, taku tiwa kutya oya yaha aantu ye li omugoyi noya ehama nokufalwa koshipangelo shaAutapi, yo yatatu mboka ya li ya ehama unene taya falwa kwaashoka shEpangelo sha Shakati.Gumwe gwomoonakwehamekwa oye ngoka a li ta umbu nondjembo yomushasho.Ano a toolwa wo naye kiikuti yomuumbi omukwawo mbyoka ya yaha mbeyaka yahetatu.Opolisi oya lopotelwa oshiningwanima shoka noya yi mekonaakono meendelelo.Shisaande Shikongo ota ti kutya mekonaakono lyawo oye shi mono mo kutya ngoka e na okufekelwa kutya oye a yaha aantu, oValentinus, ngoka a li nombistoli yi na iikuti ya fa yomushasho, hayi ithanwa mOshiingilisa, “Snake Shot Bullets”, ano iikuti yomushasho yokoombistoli hayi longithwa mokuya nokudhipaga omayoka.”Esiku ndyoka oshinima osha li evundakano lyowala.Omuntu ku shi ngoka a yaha aantu kwali, oshoka ayehe yatatu oya li taya umbu nokonima otwa mono ashike sho aantu taya lili, kehe gumwe ta ti okwa yahwa, yo taya zi oombinzi.Tashi ti eligolo enene ndyoka lya adhika mpoka, olya mwena po manga ombaadhilila nokushituka okulila nokweehama, “, Asteria Ngoloimwe, mwene gwomukunda Ehwalyamalungwandjamba, ngoka a li pohango mpoka sho oshiningwanima shika sha holoka, ta ti ngawo.Shisaande Shikongo, ota ti kutya aantu oya lombwelwa nalenale, kutya inaya kala we taya umbu oondjembo miituthi mbyoka yoohango, oosa nosho tuu, oshoka ohashi eta iiponga yomalemaneko gaantu noshowo omaso, ihe inaya hala ashike nade okuuva ko.Ta ningi natango eindilo e li ukitha moshigwana moka kutya hamuntu we ta umbu ondjembo pohango, p;oosa nenge peni, inashi pitikwa.Kaansela gwOshikandjohogololo sha Anamulenge, moka mu na omukunda Ombundamuti, naye okwa kondema eumbo lyoondjembo ndjoka nokwiindila koshigwana shomOshikandjohogololo she shi ethe po okuumba oondjembo miituthi yoohango, yoosa nosho tuu, oshoka otadhi lemaneke aantu noku ya dhipaga wo.