Oshikungulu oshinene sha dhenga okantuntu ka Solomon

H ONIARA – Omakuthikuthi omanene ga kindjikwa kekakamo lyevi oga dhenge omahala ngoka ge li kooha dhokantuntu ka Solomon mOmaandaha e taga kungululapo omikunda adhihe nokweeta uumbanda mu Australia na Hawaii kutya na mo otashi vulika mu ka nyengwe koshikungulu sha faathana.

Aantu ye li 13 oya si na omwaalu okwa tegelelwa gu ka londe. Julian Makaa, omugandjimulombo gwOshikondo shOmakwathelo gOpaulumompumbwe mu Solomon, okwa ti omikunda odhindji mokantuntu haka ke li mEfuta lya Pacific odha kombwa po sho omakuthikuthi gi iteyele mo.Omukuluntu gwOmauyelele Alfred Maesulia mOmbelewa yOmuprimaminista Manasseh Sogavare, okwa ti aantu ye li 13 oya si omanga omwaalu gwaamboka kaye wetike kagu shiwike.”Aantu yamwe oya monika ya fugalala mefuta, ihe osha li oshidhigu okuya popepi nayo,” Maesulia osho a lombwele oshitumikundaneki sha The Associated Press.Iilongo ayihe mbyoka yi li moshitopolwa shefuta lya Pacific oya kala yi ilongekidha uule woowili, konima sho ekakamo lyevi lya dhenge wo pokati kokantuntu ka Bougainville na New Georgia na omunkulofuta gwa Bondi mu Sydney ogwa li nokuli gwa patwa.”Osha li ashike sha fa oshinima sha topa kohi yevi,” Dorothy Parkinson – omukalimo gwomuHoniara osho a popi ngaaka.”Kehe oshinina sha li sha thikama oshi indwangula pevi,” ta tsikile ko ngaaka.Nampa-APJulian Makaa, omugandjimulombo gwOshikondo shOmakwathelo gOpaulumompumbwe mu Solomon, okwa ti omikunda odhindji mokantuntu haka ke li mEfuta lya Pacific odha kombwa po sho omakuthikuthi gi iteyele mo.Omukuluntu gwOmauyelele Alfred Maesulia mOmbelewa yOmuprimaminista Manasseh Sogavare, okwa ti aantu ye li 13 oya si omanga omwaalu gwaamboka kaye wetike kagu shiwike.”Aantu yamwe oya monika ya fugalala mefuta, ihe osha li oshidhigu okuya popepi nayo,” Maesulia osho a lombwele oshitumikundaneki sha The Associated Press.Iilongo ayihe mbyoka yi li moshitopolwa shefuta lya Pacific oya kala yi ilongekidha uule woowili, konima sho ekakamo lyevi lya dhenge wo pokati kokantuntu ka Bougainville na New Georgia na omunkulofuta gwa Bondi mu Sydney ogwa li nokuli gwa patwa.”Osha li ashike sha fa oshinima sha topa kohi yevi,” Dorothy Parkinson – omukalimo gwomuHoniara osho a popi ngaaka.”Kehe oshinina sha li sha thikama oshi indwangula pevi,” ta tsikile ko ngaaka.Nampa-AP