Oshigwana shetu otashi ehama: CoD

O NGUNDU yo Congress of Democrats (CoD) oya pula Epangelo li longe nuudhiginini opo li kandulepo oluhepo nokwaathikepamwe mu Namibia nelalakano okushunitha pevi omahepeko.

“Iiningwanima ya hugunina mbyoka ya ningwa ngaashi iintimbu yomukiintu mbyoka ya adhika ya umbilwa mendoloma lyiiyagaya nosho wo edhipago lyomugundjuka ngoka a tetagulwa nomakatana polukanda lwa Dorando Park mOvenduka, omandhindhiliko taga ulike kutya oshigwana otashi ehama nosha pumbwa okwiikonakona shoshene,” Omugandjimulombo gwoCoD Natjirikasorua Tjirera ta popi ngaaka pamushangwa oshiwike sha zi ko. Namibia oshigwana tashi mono iihuna tayi etwa komaihumbato omawinayi, notatu indile Epangelo li ninge po sha moshinima shika pwaa na eongaongo.Ota tu indile Epangelo li tale iiningwanima mbika neho etiligane okuza koombinga adhihe dhoshilongo,” omushangwa tagu popi ngaaka.”Epangelo nali topolele aakwashigwana yalyo eliko lyoshilongo shi thike pamwe opo aanyanyamagulu mu Namibia kaa ya kuthe ombinga miilonga iiwinayi.”Ongundu ndjika yOpilameno otayi yambidhidha wo aakwashigwana yopOkahandja mboka taya indile kutya uuministeli wIikayipindi nau kuthe ko olisinisa (ombapila yomalandithilo) koklapa yimwe ndjoka ya tungwa popepi nOsikola, okakilinika nosho wo nEgumbo lyAakulupe.”Otu na eitaalo ndika kutya ngele aanonasikola oya hokithwa omikalo dhi na sha nomalandithilo ngaashi gooKlapa dhuusiku, itashi ka kwatha mokukeelela iimbuluma.”Oshikwawo otu wete kutya Ooklaba otadhi ka etela aanasikola omahongololo omanene.Nomolwashoka, ota tu indile kEpangelo opo li kale lya kutha ko ombapila ndjoka yomalandithilo meendelelo ngele nani Epangelo olya hala shili okukondjitha iimbuluma nomakota gawo,” CoD ta popi ngaaka pamushangwa.Namibia oshigwana tashi mono iihuna tayi etwa komaihumbato omawinayi, notatu indile Epangelo li ninge po sha moshinima shika pwaa na eongaongo.Ota tu indile Epangelo li tale iiningwanima mbika neho etiligane okuza koombinga adhihe dhoshilongo,” omushangwa tagu popi ngaaka.”Epangelo nali topolele aakwashigwana yalyo eliko lyoshilongo shi thike pamwe opo aanyanyamagulu mu Namibia kaa ya kuthe ombinga miilonga iiwinayi.”Ongundu ndjika yOpilameno otayi yambidhidha wo aakwashigwana yopOkahandja mboka taya indile kutya uuministeli wIikayipindi nau kuthe ko olisinisa (ombapila yomalandithilo) koklapa yimwe ndjoka ya tungwa popepi nOsikola, okakilinika nosho wo nEgumbo lyAakulupe.”Otu na eitaalo ndika kutya ngele aanonasikola oya hokithwa omikalo dhi na sha nomalandithilo ngaashi gooKlapa dhuusiku, itashi ka kwatha mokukeelela iimbuluma.”Oshikwawo otu wete kutya Ooklaba otadhi ka etela aanasikola omahongololo omanene.Nomolwashoka, ota tu indile kEpangelo opo li kale lya kutha ko ombapila ndjoka yomalandithilo meendelelo ngele nani Epangelo olya hala shili okukondjitha iimbuluma nomakota gawo,” CoD ta popi ngaaka pamushangwa.