Oshigongi shOmalaria pOndangwa

O MUWILIKI gUuhaku mOnooli, unene tuu mOshitopolwa sha Shana, Omundohotola Naftali Hamata, okwa tseyitha kutya oshigongi oshinene shi na sha nOmalaria muuyuni, unene tuu muumbugantu wa Afrika, shoka tashi ka kalwa kOominista dhUuhaku mOshitopolwa sha SADC, otashi ningwa pOndangwa ongula yonena.

Omupopi nomunene pOshigongi mpoka otaka ka kala Oministeli yUuhaku nIilonga yOnkalonawa ya Namibia Omundohotola Richard Kamwi. Oshigongi otashi ka ningilwa pOsenda yOomeme yedhina Eudafano pooha dhOfaabilika yIipa pOndangwa mpoka noshigwana ashihe shomOshitopolwa sha Shana, unene tuu shomOndangwa nomomudhingoloko osha tegelelwa shi thike poshigongi mpoka.Kakele kOoministeli adhihe dhUuhaku mOshitopolwa sha SADC ndhoka tadhi ka kala mpoka, tashi vulika dhi li omulongo niine, moshigongi moka otamu ka kala wo Aakalelipo yOmatanga gEgameno mOshitopolwa sha SADC, unene tuu ndhoka mOmatanga gawo gEgameno gIilongo yawo, ye na mo Ooprograma dhokukondjitha Omalaria.Unene tuu Mayola Kaka Mudambo, ngoka e na sha nekondololo lyOmalaria mOmatanga gEgameno mIilongo yommoSADC, otaka tya sha moshigongi moka.Omuwiliki Omukelelipehala mOshikondo shUuhamushanga moSADC, Makumbe naye otaka tya sha shi na sha nOmalaria moshigongi moka.Oministeli yUuhaku mEpangelo lya Lesotho, Omundohotola Phooko, naye otaka tya sha pehala lyOominista oonkwawo dhUuhaku moSADC, opo ihe nawa taku landula Oministeli yUuhaku ya Namibia Omundohotola Richard Kamwi.Gavena yOshitopolwa sha Shana, Klemens Kashuupulwa oye ta taamba aayenda naanashigongi ayehe koshigongi shika nomoshitopolwa she sha Shana, omanga Omundohotola Hamata ta ka gandja omapandulo.Omundohotla Hamata, ota ti kutya poshigongi mpoka otapu ka gandjwa wo oonete dhoomwe kaakwashigwana yamwe, unene tuu koomeme ye li momategelelo nokuunona mboka woomvula dhi li kohi yantano.Oshigongi otashi ka ningilwa pOsenda yOomeme yedhina Eudafano pooha dhOfaabilika yIipa pOndangwa mpoka noshigwana ashihe shomOshitopolwa sha Shana, unene tuu shomOndangwa nomomudhingoloko osha tegelelwa shi thike poshigongi mpoka.Kakele kOoministeli adhihe dhUuhaku mOshitopolwa sha SADC ndhoka tadhi ka kala mpoka, tashi vulika dhi li omulongo niine, moshigongi moka otamu ka kala wo Aakalelipo yOmatanga gEgameno mOshitopolwa sha SADC, unene tuu ndhoka mOmatanga gawo gEgameno gIilongo yawo, ye na mo Ooprograma dhokukondjitha Omalaria.Unene tuu Mayola Kaka Mudambo, ngoka e na sha nekondololo lyOmalaria mOmatanga gEgameno mIilongo yommoSADC, otaka tya sha moshigongi moka.Omuwiliki Omukelelipehala mOshikondo shUuhamushanga moSADC, Makumbe naye otaka tya sha shi na sha nOmalaria moshigongi moka.Oministeli yUuhaku mEpangelo lya Lesotho, Omundohotola Phooko, naye otaka tya sha pehala lyOominista oonkwawo dhUuhaku moSADC, opo ihe nawa taku landula Oministeli yUuhaku ya Namibia Omundohotola Richard Kamwi.Gavena yOshitopolwa sha Shana, Klemens Kashuupulwa oye ta taamba aayenda naanashigongi ayehe koshigongi shika nomoshitopolwa she sha Shana, omanga Omundohotola Hamata ta ka gandja omapandulo.Omundohotla Hamata, ota ti kutya poshigongi mpoka otapu ka gandjwa wo oonete dhoomwe kaakwashigwana yamwe, unene tuu koomeme ye li momategelelo nokuunona mboka woomvula dhi li kohi yantano.