Opolisi ya Shana ya kwata omumati nepangwe

OPOLISI ya Shana, mEtitatu lyoshiwike shika, oya kwata po omumati omugundjuka sho aadhika nepangwe lyongushu yi vulithe poodola dha Namibia omayovi omulongo.

Komanda gwOpolisi mOshitopolwa sha Shana, Komufala, Ndahangwapo Kashihakumwa ta ti omugundjuka ngoka a kwatelwa pEinda lyOpolisi lya li lya tulwa pwIindangungu mondjila onene ya Ndangwa nOshikango, mpoka Opolisi ya kala tayi thikameke iihauto nokuyi hadha. Komufala Kashihakumwa ta ti opolisi oyi itsu nee moshako yimwe yuudha uushako uushona wu li 52 mu na epangwe. Sho ya pula kutya oshako oya lye, omumati gumwe okwa ti oye, eyi tumi nwa kumukwawo gumwe e li kUupopo kOndangwa gwedhina Sacky. Opolisi oya kwata po omumati ngoka nokwiithana ndjoka ha yi konaakona omapangwe yi ye komeho nekonaakono. Mwene gwOkatekisa naye wo okwa kwatelwe po a ka pulwaapulwe, nokwa ethiwa konima molwashoka Opolisi ye shi mono mo kutya ye ka li e shi kutya moshako ndjoka omu na epangwe. Okwa li ashike a londeke kastoma gwe nombili. Opolisi oya yi nee na nakukwatwa kegumbo lya Sacky kUupopo yi ka mone Sacky. Okuya mpoka, Sacky ina ye mu adha po noya tsikile noku mu konga. Sigo, ohela kaya li ye mu mona. Komufala Kashihakumwa ota ti kutya ekalomo lyEpangwe mOshitopolwa sha Shana oshi li oshinima tashi ipulitha omuntu, oshoka olya ninga mo olindji pethimbo ndika. Hali ya mo tali zilile mo Angola. Komufala Kashihakumwa ota indile nee koshigwana unene tuu kAawiliki yopaendondo dhi ili nodhi ili opo ya longele kumwe nOpolisi esiku kehe molugodhi nduka olunene lwokulwitha nokusinda oshinima shiingangamithi, omapangwe nosho tuu mokati koshigwana, unene tuu shoka oshigundjuka. Komufala gwOpolisi Kashihakumwa ta ti ngele osho tashi yi ngeyi nena Namibia okwa tegelela a ka kale noshigwana sha pilalala komapangwe nokiingangamithi iikwawo. Omathimbo ga ziko opolisi muumbangalantu oya li ya hanagulapo iikunino yepangwe mOhangwena napalwe.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.