Opolisi ya lulilwa kOmaimangeleko mOmusati; Kashihakumwa ta ti

O MAIMANGELEKO gaantu mOshitopolwa sha Musati oshinima sha ninga shesiku kehe nOpolisi mOmusati moka otayi indile kAaleli yomOshitopolwa yomIikondo yi ili noyi ili ya kaatumbile uupyakadhi mbuka nokutala kutya otau kandulwa po ngiini.

Komanda gwOpolisi mOshitopolwa sha Musati Komufala gwOpevi Ndahangwapo Kashihakumwa, ta lombwele The Namibian kutya yo ongOpolisi oya lulilwa noonkondo noye na omaipulo omanene koshinima shomaimangeleko mOshitopolwa shoka sha Musati tashi pula komeho esiku kehe. Kashihakumwa ta ti okuza mu Januali nuumvo sigo okesiku ndika mOmusati moka omwiimangeleka nale aantu ye vulithe po 42, unene tuu mboka yoomvula okuza po 18 wa thinda pombanda, mo wo tamu kwatelwa naakulupe yomwaalu omushona naanona.Mwaamboka ye li 42 ya si sho yi imnageleke okuza mu Januali nuumvo, yatano ashike ya thigi po uumbapila mokataya holola kutya oyi idhipagele shike.Taya ti kutya oyi imangeleke ngeyi molwashoka otaya mono iihuna nohaya kala taya ningwa nayi kaanamagumbo yawo nokoofamili dhawo nenge kuyalwe momikunda dhawo moka.Onkee otaya ti kashi ivule we, oosa noluhepo shimwe ashike.Kashihakumwa ta ti kutya omaimangeleko ngaka mOmusati moka, otaga adhika unene mIikandjohogololo iinene yamo, ngashi mOshikandjohogololo shUutapi, sha Kahao noTsandi.Ota ti kutya osha fa shi li ngeyi, pamakonaakono ngoka ya ninga po, kutya unene tuu mboka ya kwatwa kombuto yomukithi gwopaife, ohaya kala taya mono iihuna.Itaya yakulwa nawa kOofamili, kaakwanezimo nokooyakwawo momikunda dhawo moka, nohaya tokola nee kutya kashi ivule we, nayi ikuthe ashike oomwenyo opo ya ka fudhe po omaupyakadhi gokombanda yevi ngoka.Yamwe oye na omaupyakadhi gokwaana iilonga, oluhepo nomaupyakadhi wo gi ili nogi ili, ngoka ge ya ningile omadhigu nokutokola ngeyi okwiikutha oomwenyo.Kashihakumwa ota ti kutya Opolisi oya dhimbulula mo oshinima oshinene sha kana mo mokati koshigwana, na osho nee okukwathelathana paukwawowanankali nehungomwenyo kwaamboka ye li pumbwa.Komanda ota ti kutya, yo ongOpolisi oye uvite kutya Aaleli yoshigwana, unene ngashi Ookansela, Aaleli yOpambepo noyOpamuthigululwakalo nayalwe wo yopashigwana, ya kale haya gongala nokukundathana uupyakadhi mbuka muule.Aaniilonga yEhungomwenyo, kutya nee okuza mUuministeli wUuhaku nenge omOongeleka nosho tuu, ya kale taya longo po oshilonga shawo shehungomwenyo maantu mboka.Ta indile wo kOshigwana shoka sha humbatekwa omitenge omidhigu ngaandhika, shi kale hashi yi kaakuluntu nakaahungimwenyo shi kahokolole omaupyakadhi gasho kuyo opo shi kwathelwe nokukelelwe omaikuthomwenyo pamukalo nguka.Komanda Kashihakumwa ta ti wo kutya, yo ongOpolisi, moshinima shehungomwenyo nayo oye shi mo sha , onkee mboka ye na omaudhigu gomonkalamwenyo yesiku kehe, otaya vulu okuya kOpolisi nokukaholola omaupyakadhi gawo ngoka nOpolisi otayi ka tala kutya otayi ya kwathele ngiini.”Yakwetu oshinima shomaikuthomwenyo mOshitopolwa sha Musati osha ninga oshinene, oshidhigu notashi ipulitha omuntu kutya oshike shi na okuningwa po, onkee nee Aaleli yomOshitopolwa sha Musati, tu gongaleni, tu ku ndathaneni omukundu nguka notu tale kutya otatu gu kandula po ngiini,” Kashihakumwa ta ti popi.Kashihakumwa ta ti okuza mu Januali nuumvo sigo okesiku ndika mOmusati moka omwiimangeleka nale aantu ye vulithe po 42, unene tuu mboka yoomvula okuza po 18 wa thinda pombanda, mo wo tamu kwatelwa naakulupe yomwaalu omushona naanona.Mwaamboka ye li 42 ya si sho yi imnageleke okuza mu Januali nuumvo, yatano ashike ya thigi po uumbapila mokataya holola kutya oyi idhipagele shike.Taya ti kutya oyi imangeleke ngeyi molwashoka otaya mono iihuna nohaya kala taya ningwa nayi kaanamagumbo yawo nokoofamili dhawo nenge kuyalwe momikunda dhawo moka.Onkee otaya ti kashi ivule we, oosa noluhepo shimwe ashike.Kashihakumwa ta ti kutya omaimangeleko ngaka mOmusati moka, otaga adhika unene mIikandjohogololo iinene yamo, ngashi mOshikandjohogololo shUutapi, sha Kahao noTsandi.Ota ti kutya osha fa shi li ngeyi, pamakonaakono ngoka ya ninga po, kutya unene tuu mboka ya kwatwa kombuto yomukithi gwopaife, ohaya kala taya mono iihuna.Itaya yakulwa nawa kOofamili, kaakwanezimo nokooyakwawo momikunda dhawo moka, nohaya tokola nee kutya kashi ivule we, nayi ikuthe ashike oomwenyo opo ya ka fudhe po omaupyakadhi gokombanda yevi ngoka.Yamwe oye na omaupyakadhi gokwaana iilonga, oluhepo nomaupyakadhi wo gi ili nogi ili, ngoka ge ya ningile omadhigu nokutokola ngeyi okwiikutha oomwenyo.Kashihakumwa ota ti kutya Opolisi oya dhimbulula mo oshinima oshinene sha kana mo mokati koshigwana, na osho nee okukwathelathana paukwawowanankali nehungomwenyo kwaamboka ye li pumbwa.Komanda ota ti kutya, yo ongOpolisi oye uvite kutya Aaleli yoshigwana, unene ngashi Ookansela, Aaleli yOpambepo noyOpamuthigululwakalo nayalwe wo yopashigwana, ya kale haya gongala nokukundathana uupyakadhi mbuka muule.Aaniilonga yEhungomwenyo, kutya nee okuza mUuministeli wUuhaku nenge omOongeleka nosho tuu, ya kale taya longo po oshilonga shawo shehungomwenyo maantu mboka.Ta indile wo kOshigwana shoka sha humbatekwa omitenge omidhigu ngaandhika, shi kale hashi yi kaakuluntu nakaahungimwenyo shi kahokolole omaupyakadhi gasho kuyo opo shi kwathelwe nokukelelwe omaikuthomwenyo pamukalo nguka.Komanda Kashihakumwa ta ti wo kutya, yo ongOpolisi, moshinima shehungomwenyo nayo oye shi mo sha , onkee mboka ye na omaudhigu gomonkalamwenyo yesiku kehe, otaya vulu okuya kOpolisi nokukaholola omaupyakadhi gawo ngoka nOpolisi otayi ka tala kutya otayi ya kwathele ngiini.”Yakwetu oshinima shomaikuthomwenyo mOshitopolwa sha Musati osha ninga oshinene, oshidhigu notashi ipulitha omuntu kutya oshike shi na okuningwa po, onkee nee Aaleli yomOshitopolwa sha Musati, tu gongaleni, tu ku ndathaneni omukundu nguka notu tale kutya otatu gu kandula po ngiini,” Kashihakumwa ta ti popi.