Opolisi ya dhitika gumwe moshinima sha Avid

E SIKU etiyali mOmpangu yOpombanda kombinga yomapulapulo goshimaliwa shoomiliyuna omilongo ndatu dha Social Security Commission (SCC) olya hulile moshinyandwa sho omulumentu gumwe ngoka a li ta pulapulwa a shomononwa nokudhitikwa kOpolisi.

Omapulapulo oga tamekele mOmaandaha. Opwa li pwa monika uulingilingi uunene konima sho Nico Josea ngoka i ipopi mwene kutya ye Omukuluntuwiliki mu Namangol Investments, a gandja ombinga ye moshinima.Shika osha li sha ningwa komeho gOmupanguli Raymond Heathcote ngoka a kala nokupulakena iihokolola mbika okutameka mOmaandaha.Omanga Ompangu inayi zimbulwa, omunaveta gwa SSC Andrew Corbett okwa pula ekwatho lyOmupanguli Heathcote opo Josea a dhitikwe nenge a kalekwe mOmpangu yOpombanda omanga ta ku longekidhwa a ningilwe oshipotha shuukiliminola noku tulwe miipandeko.Omupanguli Heathcote okwa tindi okwiidhopa moshinima peha lya SSC.Konima owala sho Josea a thiki pohauto ye omunambelewa gwOpolisi okwe mu landula nokuya naye koombelewa dhopolisi a ka pulapulwe.Pethimbo ndyoka omukanda gwedhitiko ogwa longekidhwa nokushainwa komutamaneki mOmpangu ya Mengestrata opo Josea a dhitikwe.Opu na oshipotha oshinene shuufuthi nuulingilingi shoka tashi ningilwa Josea, Corbett ta lombwele ngaaka Omupanguli.Omukuluntu gwoshikondo shomakonakono mOmbaanga ya Bank Windhoek gwedhina Abraham Knouwds okwa li wo a ithanwa kOmpangu opo a gandje uuyelele kombinga yomainyengo goshimaliwa mu Namangol nosho wo moakaunta ya Josea yopaumwene.Josea okwa lombwele Ompangu mOmaandaha kutya Omukuluntuwiliki gwa Avid Investment, Lazarus Kandara okwa tula oshimaliwa shoomiliyuna omilongo mbali nomugoyi oshinkwanu ntano (N$29,5 million) koakaunta ya Namangol momasiku 28 Januali nuumvo.Shika osha li sha ningwa konima yomasiku gaali sho SSC a gandja oshimaliwa shoomiliyuna omilongo ndatu shi ka pungulwe mu Avid uule woomwedhi ne.Josea okwa lombwele ishewe Ompangu kutya Kandara okwe mu pula opo a gandja oshimaliwa shoomiliyuna omilongo mbali (N$20 million) shomoshimaliwa shoka koakaunta yOmbaanga ya Johannesburg, Alan Rosenberg, omanga Namangol ta pungula oomiliyuna hamano oshinkwanu ndatu pehala lya Avid.Konima Kandara okwe mu pula aniwa ishewe opo e mu shunithile oomiliyuna ndatu oshinkwanu mbali (N$3,2 million).Oomiliyuna ndhoka (N$3,2 million) odha pewa Kandara koomuma, Josea ta popi.Okwa popi ishewe mOmpangu kutya omanga tassji vulika a li e na okupewa oomiliyuna ntano ongolupandu sho a dhana onkandangala mokupititha oshimaliwa mu Namangol, ina mona nando oyo osenda ombulau.Cobertt ina zimina omapopyo ngoka ta ti uuyelele wa Knouwds owa holola oshindji.Mokutala moakaunta ya Avid omanga inaku tulwa oshimaliwa sha SSC, ootyeke ndatu dha Avid odha li dha shunithwa ko molwashoka mOmbaanga ye ka kwa li oshimaliwa sha gwana okufuta ootyeke ndhoka.Ootyeke dha Avid dho N$110 000, N$12 390 na yimwe yo N$8 500 odha li dha shunithwa ko molwashoka mOmbaanga ye omwa li owala N$2 661.Esiku lya landula oshimaliwa sha SSC shoomiliyuna omilongo ndatu (N$30 million) osheya mo.Muule womasiku gaali Avid okwa longitha oshimaliwa shoondola/N$350 000, osha talika nee kutya Avid okwa longitha oshimaliwa sha SSC okufuta oongunga dhe, Corbett ta popi.Knouwds okwa zimine.Mu Januali 28, Avid okwa gandja oomiliyuna 29,5 ku Namangol.Knouwds okwa lesha ngeyi, oomiliyuna omilongo mbalo (N$20 million) odha tulwa koakaunta yombaanga ya Alan Rosenberg mu Johannesburg momasiku Januali 30.Oomiliyuna hamano oshinkwanu ndatu (N$6,3 million) odha tulwa koakaunta ya Dean Africa CC mu Bellville sha South Afrika, shika osha li sha ningwa mu Febuluali 2.Esiku lya landula oondola/N$700 000 nosho wo N$500 000 oya kuthwa moakaunta ya Namangol nokutulwa koakaunta ya Josea yopaumwene, Knouwds ta popi.Oondola/N$500 000 odha tulwa koakaunta yedhina lyafaathana Fask Trading mu Johannesburg.Omiliyuna yimwe oshinkwanu hamano yimwe ntano (N$1,615 million) oya tulwa koakaunta yomapungulo ya Namangol mu Febuluali 4, Knouwds ta popi ngaaka omanga ta tala pomishangwa dhombaanga.Okuza koakaunta yongeshefa oontyeke yoondola/N$120 000 oya fulwa kongeshefa yedhina BF Josea; otyeke yo N$183 000 oya futwa Boonaaier; otyeke yo N$385 000 oya futwa CM Kandara; otyeke yo N$700 000 oya tulwa koakaunta yopaumwene ya Josea.mOmasiku 14 Maalitsa Greyling Orchard Inc – edhina lyofeema ya Josea yaanaveta mu Johannesburg oya futu oomiliyuna omiliyuna omulongo nane oshinkwanu hetatu (N$14,8 million) ku koakaunta yopaumwene ya Josea.Josea okwa lombwele Ompangu kutya okwa pewa oomiliyuna 15 (N$15 million) okuza ku Rosenberg konima sho ye mu futu moontamanana ndhoka ya li ye na.Okwi ipatana kutya oshimaliwa shika osha SSC.Konima oomiliyuna ndhoka 14,8 odha topolwa po oomiliyuna ne oshinkwanu yimwe ntano (N$4,15) odha tulwa koakaunta ya BF Josea – ndjoka ta ku popiwa kutya oyomumwayina gwa Josea gwedhina Benedictus Josea.Omushangwa gwombaanga ogwa ulike kutya oomiliyuna mbali oshinkwanu ne (N$2,4 million) odha tulwa koakaunta mu Durbanville sha South Afrika yedhina Realtime Investments, Knouwds ta tsikile ngaaka.Omainyengo galwe goshimaliwa moakaunta ya Josea oga kwatela mo otyeke yo N$350 000 ndjoka ya keshwa momasiku 16 Maalitsa, omuliyuna oshinkwanu ntano )N$1,5 million) oya tulwa koakaunta ya Dean Africa mu Juni 9, nosho wo N$350 000 shoka sha tulwa koakaunta ya Namangol yopangeshefa mu Juli 4.Knouwds okwa koleke kutya oshimaliwa shoka shi li ngashiingeyi koakaunta yopaumwene ya Josea oshi lwopo N$46 000.Oshimaliwa osha indjipala noonkondo koakaunta ya BF Josea, shika osha kwatela mo etuloko lyoshimaliwa sho N$502 840 shoka sha tulwa kongeshefa ye mu Maalitsa 15, N$500 000 shoka sha tulwa koakaunta ya faathana konima yomasiku gatatu.N$600 000 shoka sha tulwa koakaunta ya Micro Supplies mu 15 Maalitsa nosho wo ootyeke ndhoka dha keshwa N$125 000 mo Maalitsa 15, N$300 000 mo 16 Maalitsa, N$300 000 mo 17 Maalitsa nosho wo nee N$500 000 momasiku 30 Maalitsa.Opwa li pwa monika uulingilingi uunene konima sho Nico Josea ngoka i ipopi mwene kutya ye Omukuluntuwiliki mu Namangol Investments, a gandja ombinga ye moshinima.Shika osha li sha ningwa komeho gOmupanguli Raymond Heathcote ngoka a kala nokupulakena iihokolola mbika okutameka mOmaandaha.Omanga Ompangu inayi zimbulwa, omunaveta gwa SSC Andrew Corbett okwa pula ekwatho lyOmupanguli Heathcote opo Josea a dhitikwe nenge a kalekwe mOmpangu yOpombanda omanga ta ku longekidhwa a ningilwe oshipotha shuukiliminola noku tulwe miipandeko.Omupanguli Heathcote okwa tindi okwiidhopa moshinima peha lya SSC.Konima owala sho Josea a thiki pohauto ye omunambelewa gwOpolisi okwe mu landula nokuya naye koombelewa dhopolisi a ka pulapulwe.Pethimbo ndyoka omukanda gwedhitiko ogwa longekidhwa nokushainwa komutamaneki mOmpangu ya Mengestrata opo Josea a dhitikwe.Opu na oshipotha oshinene shuufuthi nuulingilingi shoka tashi ningilwa Josea, Corbett ta lombwele ngaaka Omupanguli.Omukuluntu gwoshikondo shomakonakono mOmbaanga ya Bank Windhoek gwedhina Abraham Knouwds okwa li wo a ithanwa kOmpangu opo a gandje uuyelele kombinga yomainyengo goshimaliwa mu Namangol nosho wo moakaunta ya Josea yopaumwene.Josea okwa lombwele Ompangu mOmaandaha kutya Omukuluntuwiliki gwa Avid Investment, Lazarus Kandara okwa tula oshimaliwa shoomiliyuna omilongo mbali nomugoyi oshinkwanu ntano (N$29,5 million) koakaunta ya Namangol momasiku 28 Januali nuumvo.Shika osha li sha ningwa konima yomasiku gaali sho SSC a gandja oshimaliwa shoomiliyuna omilongo ndatu shi ka pungulwe mu Avid uule woomwedhi ne.Josea okwa lombwele ishewe Ompangu kutya Kandara okwe mu pula opo a gandja oshimaliwa shoomiliyuna omilongo mbali (N$20 million) shomoshimaliwa shoka koakaunta yOmbaanga ya Johannesburg, Alan Rosenberg, omanga Namangol ta pungula oomiliyuna hamano oshinkwanu ndatu pehala lya Avid.Konima Kandara okwe mu pula aniwa ishewe opo e mu shunithile oomiliyuna ndatu oshinkwanu mbali (N$3,2 million).Oomiliyuna ndhoka (N$3,2 million) odha pewa Kandara koomuma, Josea ta popi.Okwa popi ishewe mOmpangu kutya omanga tassji vulika a li e na okupewa oomiliyuna ntano ongolupandu sho a dhana onkandangala mokupititha oshimaliwa mu Namangol, ina mona nando oyo osenda ombulau.Cobertt ina zimina omapopyo ngoka ta ti uuyelele wa Knouwds owa holola oshindji.Mokutala moakaunta ya Avid omanga inaku tulwa oshimaliwa sha SSC, ootyeke ndatu dha Avid odha li dha shunithwa ko molwashoka mOmbaanga ye ka kwa li oshimaliwa sha gwana okufuta ootyeke ndhoka.Ootyeke dha Avid dho N$110 000, N$12 390 na yimwe yo N$8 500 odha li dha shunithwa ko molwashoka mOmbaanga ye omwa li owala N$2 661.Esiku lya landula oshimaliwa sha SSC shoomiliyuna omilongo ndatu (N$30 million) osheya mo.Muule womasiku gaali Avid okwa longitha oshimaliwa shoondola/N$350 000, osha talika nee kutya Avid okwa longitha oshimaliwa sha SSC okufuta oongunga dhe, Corbett ta popi.Knouwds okwa zimine.Mu Januali 28, Avid okwa gandja oomiliyuna 29,5 ku Namangol.Knouwds okwa lesha ngeyi, oomiliyuna omilongo mbalo (N$20 million) odha tulwa koakaunta yombaanga ya Alan Rosenberg mu Johannesburg momasiku Januali 30.Oomiliyuna hamano oshinkwanu ndatu (N$6,3 million) odha tulwa koakaunta ya Dean Africa CC mu Bellville sha South Afrika, shika osha li sha ningwa mu Febuluali 2.Esiku lya landula oondola/N$700 000 nosho wo N$500 000 oya kuthwa moakaunta ya Namangol nokutulwa koakaunta ya Josea yopaumwene, Knouwds ta popi.Oondola/N$500 000 odha tulwa koakaunta yedhina lyafaathana Fask Trading mu Johannesburg.Omiliyuna yimwe oshinkwanu hamano yimwe ntano (N$1,615 million) oya tulwa koakaunta yomapungulo ya Namangol mu Febuluali 4, Knouwds ta popi ngaaka omanga ta tala pomishangwa dhombaanga.Okuza koakaunta yongeshefa oontyeke yoondola/N$120 000 oya fulwa kongeshefa yedhina BF Josea; otyeke yo N$183 000 oya futwa Boonaaier; otyeke yo N$385 000 oya futwa CM Kandara; otyeke yo N$700 000 oya tulwa koakaunta yopaumwene ya Josea.mOmasiku 14 Maalitsa Greyling Orchard Inc – edhina lyofeema ya Josea yaanaveta mu Johannesburg oya futu oomiliyuna omiliyuna omulongo nane oshinkwanu hetatu (N$14,8 million) ku koakaunta yopaumwene ya Josea.Josea okwa lombwele Ompangu kutya okwa pewa oomiliyuna 15 (N$15 million) okuza ku Rosenberg konima sho ye mu futu moontamanana ndhoka ya li ye na.Okwi ipatana kutya oshimaliwa shika osha SSC.Konima oomiliyuna ndhoka 14,8 odha topolwa po oomiliyuna ne oshinkwanu yimwe ntano (N$4,15) odha tulwa koakaunta ya BF Josea – ndjoka ta ku popiwa kutya oyomumwayina gwa Josea gwedhina Benedictus Josea.Omushangwa gwombaanga ogwa ulike kutya oomiliyuna mbali oshinkwanu ne (N$2,4 million) odha tulwa koakaunta mu Durbanville sha South Afrika yedhina Realtime Investments, Knouwds ta tsikile ngaaka.Omainyengo galwe goshimaliwa moakaunta ya Josea oga kwatela mo otyeke yo N$350 000 ndjoka ya keshwa momasiku 16 Maalitsa, omuliyuna oshinkwanu ntano )N$1,5 million) oya tulwa koakaunta ya Dean Africa mu Juni 9, nosho wo N$350 000 shoka sha tulwa koakaunta ya Namangol yopangeshefa mu Juli 4.Knouwds okwa koleke kutya oshimaliwa shoka shi li ngashiingeyi koakaunta yopaumwene ya Josea oshi lwopo N$46 000.Oshimaliwa osha indjipala noonkondo koakaunta ya BF Josea, shika osha kwatela mo etuloko lyoshimaliwa sho N$502 840 shoka sha tulwa kongeshefa ye mu Maalitsa 15, N$500 000 shoka sha tulwa koakaunta ya faathana konima yomasiku gatatu.N$600 000 shoka sha tulwa koakaunta ya Micro Supplies mu 15 Maalitsa nosho wo ootyeke ndhoka dha keshwa N$125 000 mo Maalitsa 15, N$300 000 mo 16 Maalitsa, N$300 000 mo 17 Maalitsa nosho wo nee N$500 000 momasiku 30 Maalitsa.