Opate ya Namundindi na Gongo ya tewa po komeya

E LONGO lyaanona yamwe moshitopolwa sha Musati otali ka piyaganekwa molwashoka, ongalama yevi ndjoka ya li haya longitha okuya nokuza kOsikola oya teyagulwa nokukombwa po komeya gomvula ndjoka ya lopo nawa mOnooli omasiku ngaka.

Iihauto yaahoka itayi vulu we okulongitha opate ndjika. Oshitopolwa shopate ndjika shookilometa 2 lwaampoka, osha enda moshana sha Endjeno, shoka ngashiingeyi shu udha komufwanya nopomhala gamwe opate kayi wetike we nokuli, uutuntu wowala.Sho Omutoolinkundana nguka a li a ka tale kutya onkalo oyi li ngiini Metine lya zi ko, oshana sha Endjeno osha li tashi monika sha fa owala efuta.Ano oshana shika oshu udha omeya taga matuka, ano sha toka ashike too.Opate ndjika ya ende moshana shika ohayi longithwa nee kaanasikola mboka haya zi kOnamundindi taya ka sikola kOgongo nosho wo ku mboka haya zi kOngongo taya ka sikola kOnamundindi.Natango opu na wo aalongisikola yamwe haya longitha opate ndjika, haya ka longa kOgongo okuza kOnamundindi nosho wo mboka haya zi kOnamundindi taya ka longa kOgongo.Ongalama ndjika oyi li pevi noonkondo, ano ofupi noonkondo.Ano inayi londa nomeya oge yi siikila nee sho ga ningi ogendji.Omukuluntusikola gwOsikola yedhina Onamundindi Combined School Vatalis Nemushi okwa ti Okampani ya Road Contractors Company (RCC) oyo yi na okutalwa omeho omanene mu shika, molwashoka aniwa oya kala nokuyi lombwele yi yelule ongalama ndjika, ihe shike inayi shi ninga natango.Omikunda dhoka dha tula oshana sha Endjeno pokati ongashi nee Endjeno lyolyene, Onamundindi, Omanogondjamba nOkagongo (dhi li moshikandjohogololo sha Gongo).Aalongwa ye li 100 lwaampoka pOnamundindi ohaya sikola kOosikola dhokOgongo, hoka ku na Oosikola ngashi Ogongo Combined School na Natuyooloke Primary School, omanga kOgongo ha ku zi aalongwa ye li yatano lwaampoka haa yi kOsikola kOnamundindi.Metine lya zi ko, omeya moshana sha Endjeno oga li ashike taga londo gu uka pombanda na shika otashi ka imba aanona oyendji kaaya ye kOosikola.”Ngame kandi wete omeya ngaka gomvula.Omu na okukala mu na omeya gefundja,” omulongisikola gumwe pOnamundindi Combined School Timoteus Iithete, osho a poi ngaaka.Uusiku wEtiyali lya zi ko, Onooli oya li ya dhengwa omata ge li nawa.MoShakati nomomikunda dhomomudhongoloko omwa li mwa lokwa omvula yoomilimeta 22,9.pEtunda opwa li pwa lokwa oomilimeta 38 omanga pOndangwa pwali pwa mono omvula yoomilimeta 26,7.Oshitopolwa shopate ndjika shookilometa 2 lwaampoka, osha enda moshana sha Endjeno, shoka ngashiingeyi shu udha komufwanya nopomhala gamwe opate kayi wetike we nokuli, uutuntu wowala.Sho Omutoolinkundana nguka a li a ka tale kutya onkalo oyi li ngiini Metine lya zi ko, oshana sha Endjeno osha li tashi monika sha fa owala efuta.Ano oshana shika oshu udha omeya taga matuka, ano sha toka ashike too.Opate ndjika ya ende moshana shika ohayi longithwa nee kaanasikola mboka haya zi kOnamundindi taya ka sikola kOgongo nosho wo ku mboka haya zi kOngongo taya ka sikola kOnamundindi.Natango opu na wo aalongisikola yamwe haya longitha opate ndjika, haya ka longa kOgongo okuza kOnamundindi nosho wo mboka haya zi kOnamundindi taya ka longa kOgongo.Ongalama ndjika oyi li pevi noonkondo, ano ofupi noonkondo.Ano inayi londa nomeya oge yi siikila nee sho ga ningi ogendji.Omukuluntusikola gwOsikola yedhina Onamundindi Combined School Vatalis Nemushi okwa ti Okampani ya Road Contractors Company (RCC) oyo yi na okutalwa omeho omanene mu shika, molwashoka aniwa oya kala nokuyi lombwele yi yelule ongalama ndjika, ihe shike inayi shi ninga natango.Omikunda dhoka dha tula oshana sha Endjeno pokati ongashi nee Endjeno lyolyene, Onamundindi, Omanogondjamba nOkagongo (dhi li moshikandjohogololo sha Gongo).Aalongwa ye li 100 lwaampoka pOnamundindi ohaya sikola kOosikola dhokOgongo, hoka ku na Oosikola ngashi Ogongo Combined School na Natuyooloke Primary School, omanga kOgongo ha ku zi aalongwa ye li yatano lwaampoka haa yi kOsikola kOnamundindi.Metine lya zi ko, omeya moshana sha Endjeno oga li ashike taga londo gu uka pombanda na shika otashi ka imba aanona oyendji kaaya ye kOosikola.”Ngame kandi wete omeya ngaka gomvula.Omu na okukala mu na omeya gefundja,” omulongisikola gumwe pOnamundindi Combined School Timoteus Iithete, osho a poi ngaaka.Uusiku wEtiyali lya zi ko, Onooli oya li ya dhengwa omata ge li nawa.MoShakati nomomikunda dhomomudhongoloko omwa li mwa lokwa omvula yoomilimeta 22,9.pEtunda opwa li pwa lokwa oomilimeta 38 omanga pOndangwa pwali pwa mono omvula yoomilimeta 26,7.