Oothigwa omayovi itadhi mono omakwatho

O MUSAMANE Phillemon Ndjambula, oshilyo shongundu yoSwapo mOlaata yOpashigwana, okwa ti sigo onene opu na aanona yoothigwa na yalwe mboka ya pumbwa omakwatho oyendji, ihaya mono oshimaliwa mOshiketha shEpangelo shokukwatha mboka taya nana nondatu kombinga yuuhupilo shedhina Government Social Grant (GSG).

Ndjambula, ngoka e li Kansola gwoshikandjohogololo sha Lukonda moshitopolwa sha Shikoto, okwa lombwele Egumbo etiyali lyOparliamende mEtiyali lyoshiwike shika kutya nonande ota ku popiwa kutya aanona yoothigwa na yalwe mboka ya pumbwa omakwatho ye li 28 187 otaya kwathelwa koshiketha shika, opu na natango aanona yoothigwa omayovi – unene momikunda ndhoka dhi li kokule noondoolopa, ihaya mono sha moshiketha shika. Ndjambula okwa ningi eindilo kEpangelo li tote Okakomitiye kehe moshitopolwa, kokushanga omadhina gaanona mboka ye li natango ihaya mono omakwathelo moshiketha shika.Shika okwe shipopi pethimbo lyoompata kombinga yEmbo lyoshimaliwa shomulekeneno shomomvo 2005/2006, moka oshiketha shika sha pewa mo Oondola oomiliyuna omilongo ndatu na ntano.Okwa gwedha po wo kutya Oosikema ngashi ndjoka ya Green Scheme, odhi li nawa lela molwashoka otadhi yambulapo eliko nokweetapo oompito dhiilonga.Ihe okwa ti aantu momikunda oya ne okuuvithwa ko kombinga yuuwanawa wOsikema ndjika.Mobudjeta yomumvo 2005/2006 Osikema ya Green Scheme oyi na mo Oondola oomiliyuna omathele gatatu.Ndjambula okwa ningi eindilo kEpangelo li tote Okakomitiye kehe moshitopolwa, kokushanga omadhina gaanona mboka ye li natango ihaya mono omakwathelo moshiketha shika.Shika okwe shipopi pethimbo lyoompata kombinga yEmbo lyoshimaliwa shomulekeneno shomomvo 2005/2006, moka oshiketha shika sha pewa mo Oondola oomiliyuna omilongo ndatu na ntano.Okwa gwedha po wo kutya Oosikema ngashi ndjoka ya Green Scheme, odhi li nawa lela molwashoka otadhi yambulapo eliko nokweetapo oompito dhiilonga.Ihe okwa ti aantu momikunda oya ne okuuvithwa ko kombinga yuuwanawa wOsikema ndjika.Mobudjeta yomumvo 2005/2006 Osikema ya Green Scheme oyi na mo Oondola oomiliyuna omathele gatatu.