Oothigwa dha Vatileni tadhi tidhwa megumbo

AANONA, ano oothigwa dha nakusa Paulus Vatileni na meme Elizabeth Endjambi, aakalimo yomOngwediva kwali, mboka ayehe yaali ya mana oondjenda dhawo, aanona yawo mboka ya thiga po oye ya kOshifo shika omasiku ngaka taya nyenyeta kutya otaya tidhwa megumbo lyaavali yawo kuyamwe yomaakwanezimo ya tate gwawo.

Omadhina gaamboka taye ya tidha megumbo oye ga lombwela Oshifo shika, ashike itatu ke ga nyanyangidha molwashoka aanona mbaka otaya ti kutya oshinima oye shi fala wo kAakuluntu yamwe pombanda mboka taya ungaunga wo nasho. Aune Vatileni gwoomvula 22 na Frans Vatileni gwoomvula 19, otaya hokolola kutya meme gwawo Elizabeth Endjambi okwa manene oondjenda dhe muDesemba gwomumvo 1996 omanga tate gwawo Paulus Vatileni a mana oondjenda dhe meti 4 Auguste omvula ndjika 2005.Okuza mpoka aniwa yamwe yomaakwanezimo ya tate gwawo oye ya taya kutha po Oodokumende adhihe dhaakuluntu yawo noku ya lombwela kutya naya ze mo megumbo molwashoka oli na oondjo ndhoka yo itaya vulu oku dhi futa aniwa.Aune na Frans otaya ti kutya aakuluntu yawo egumbo lyawo oya fa ya li ye li landa ko kElelo lya Ngwediva okupitila mOmbaanga ya SWABOU na oko nee ya kala taye li futu ko hoka sigo opokuthiga po uuyuni mbuka paevula dhawo dha yooloka.Oothigwa ndhika mbali otadhi hokolola wo kutya oshinima shetidho lyawo megumbo oshe ya yemateka noshe ya tula mengwangwano enene.Kaye shi we mpoka taya yi nokaye shi we kutya onakuyiwa yawo, ndjoka ya li taya longekidhilwa kaavali yawo, oya thinda peni.Taya ti ngashi pethimbo ndika, oye li yiihana nale.Taya ti kutya ngashi okamwayina kedhina Elise Vatileni koomvula 12, oke li kaantu yamwe kEengwena kOukwanyama, Natangwe Vatileni gwoomvula 10, oku li kUusakosa, Kondjeni Vatileni gwoomvula 18 oku li kOgongo omanga Saima Vatileni gwoomvula 20, e li kOshikuku.”Otwa yile kOmbelewa yUuthemba wOmuntu kOngwediva, hoka twa ka pula ekwatho, noya ti otaye tu kwathele moshinima shika, muupyakadhi wetu mbuka.”Aune na Frans taya hokolola ngawo nokutsikila ko kutya oye shi mono wo shoopala okuya kIikundaneki ngashi koThe Namibian opo uupyakdhi wawo mbuka wuuvike kaantu ayehe moshilongo nomuuyuni.Taya ti otaya ka kondja okukondjitha etidho lyawo ndika megumbo lyaavali yawo.Oothigwa ndhika tadhi ti otadhi ka mona wo aakuluntu yamwe yomOshitopolwa, unene tuu mboka ye lile po Epangelo ye ke ya lombwele uupyakadhi wawo mbuka wokutidhwa megumbo lyaavali yawo, yo kaye na we mpoka taya ka kala.Otaya ti kutya ngele egumbo oli na oondjo, omolwashike ihali futwa koAsuransi.Taya ti kutya inaya itaala egumbo lya li hali futwa kOmbaanga, kali li moAsuransi.Aune na Frans, mboka ya ti natango megumbo omo ye li ya tindila mo na itaya zi mo, otaya ti wo kutya ngele aakuluntu yawo, unene nee tate gwawo ngoka a hulitha nuumvo, oya li ya thiga po oshimaliwa, yo ongaanona yawo, inaye shi mona, molwashoka Oodokumende dhawo adhihe odha kuthwa po kaakwanezimo mboka taye ya tidha megumbo.Onkee kaye na we sho taya lile mo nokuli megumbo moka nohaya hupu shokadhila.Ano ya tala ashike mpoka tapu ya zilile esilohenda.Aune Vatileni gwoomvula 22 na Frans Vatileni gwoomvula 19, otaya hokolola kutya meme gwawo Elizabeth Endjambi okwa manene oondjenda dhe muDesemba gwomumvo 1996 omanga tate gwawo Paulus Vatileni a mana oondjenda dhe meti 4 Auguste omvula ndjika 2005.Okuza mpoka aniwa yamwe yomaakwanezimo ya tate gwawo oye ya taya kutha po Oodokumende adhihe dhaakuluntu yawo noku ya lombwela kutya naya ze mo megumbo molwashoka oli na oondjo ndhoka yo itaya vulu oku dhi futa aniwa.Aune na Frans otaya ti kutya aakuluntu yawo egumbo lyawo oya fa ya li ye li landa ko kElelo lya Ngwediva okupitila mOmbaanga ya SWABOU na oko nee ya kala taye li futu ko hoka sigo opokuthiga po uuyuni mbuka paevula dhawo dha yooloka.Oothigwa ndhika mbali otadhi hokolola wo kutya oshinima shetidho lyawo megumbo oshe ya yemateka noshe ya tula mengwangwano enene.Kaye shi we mpoka taya yi nokaye shi we kutya onakuyiwa yawo, ndjoka ya li taya longekidhilwa kaavali yawo, oya thinda peni.Taya ti ngashi pethimbo ndika, oye li yiihana nale.Taya ti kutya ngashi okamwayina kedhina Elise Vatileni koomvula 12, oke li kaantu yamwe kEengwena kOukwanyama, Natangwe Vatileni gwoomvula 10, oku li kUusakosa, Kondjeni Vatileni gwoomvula 18 oku li kOgongo omanga Saima Vatileni gwoomvula 20, e li kOshikuku.”Otwa yile kOmbelewa yUuthemba wOmuntu kOngwediva, hoka twa ka pula ekwatho, noya ti otaye tu kwathele moshinima shika, muupyakadhi wetu mbuka.”Aune na Frans taya hokolola ngawo nokutsikila ko kutya oye shi mono wo shoopala okuya kIikundaneki ngashi koThe Namibian opo uupyakdhi wawo mbuka wuuvike kaantu ayehe moshilongo nomuuyuni.Taya ti otaya ka kondja okukondjitha etidho lyawo ndika megumbo lyaavali yawo.Oothigwa ndhika tadhi ti otadhi ka mona wo aakuluntu yamwe yomOshitopolwa, unene tuu mboka ye lile po Epangelo ye ke ya lombwele uupyakadhi wawo mbuka wokutidhwa megumbo lyaavali yawo, yo kaye na we mpoka taya ka kala.Otaya ti kutya ngele egumbo oli na oondjo, omolwashike ihali futwa koAsuransi.Taya ti kutya inaya itaala egumbo lya li hali futwa kOmbaanga, kali li moAsuransi.Aune na Frans, mboka ya ti natango megumbo omo ye li ya tindila mo na itaya zi mo, otaya ti wo kutya ngele aakuluntu yawo, unene nee tate gwawo ngoka a hulitha nuumvo, oya li ya thiga po oshimaliwa, yo ongaanona yawo, inaye shi mona, molwashoka Oodokumende dhawo adhihe odha kuthwa po kaakwanezimo mboka taye ya tidha megumbo.Onkee kaye na we sho taya lile mo nokuli megumbo moka nohaya hupu shokadhila.Ano ya tala ashike mpoka tapu ya zilile esilohenda.