Oositola dha Kuthilandjeko dha fandithwa po

OOSITOLA dha tseyika nawa dha nakusa Andreas Nekwaya (Kuthilandjeko) dha tseyika nedhina Oositola dha Kuthilandjeko (Checkers) ndhoka dhi li pooha dhOmatala mOshakati dha fandithwa po mEtitatu lyoshiwike sha zi ko.

Omatungo omanene ngoka ga kala mpoka nosho wo ongalashe yOmahooli (ya adhika itayi longo) nosho wo Omakondeina, iipeleki, oopaala, omataiyela, iipilangi, uutolopola nakehe shoka sha li mpoka, mwa kwatelwa naambyoka ya Kuthilandjeko ya li moositola moka, oya fandithwa po. Efandithopo lyomatungo niinima ayihe mpoka, olya ningwa molwashoka aniwa Kuthilandjeko a kala e na oondjo kOmbaanga.Sha ningwa nee opo Ombaanga ndjoka yi newe oondjo ku Kuthilandjeko yi mone mo oshimaliwa shayo.Tate Andreas Nekwaya sho a mana oondjenda dhe oomvula dha zi ko, Oositola odha kuthilwe ko ku mumwayina Martin Nambala, ngoka wo naye pokati mpoka a mana oondjenda.Ongeshefa ya Kuthilandjeko oya kala nee itayi ende we nawa, shoka tu wete nee sha eta yi kale yi na oongunga kOmbaanga ngawo nosha eta yi fandithwe po.Kuthilandjeko okwa kala omunangeshefa omunene nokwa simana okwali mOnooli ayihe.Okwa li nokuli omimvo dhimwe a landa iitukimbepo iyali, ano a li a landa oonelomba yaali (oondhila) mbali omanga kwa li e na omwenyo.Meme gwa nakusa Andreas Nekwaya na nakusa Martin Nambala, ano kuku Appolonia Jerobiam Amunyoko gwoomvula omilongoheyali nahamano (76), mEtitatu opo a li pOngeshefa yomwana mpoka nokutala sho tayi fandithwa po.A kala ta lili, ta ti kutya nakuningululwe ngeno oonkundathana.Ashike mboka ya li ye lile po ombaanga okupitila kOmpangu, oya kala taya ti kutya ethimbo lyoonkundathana odha pita naashoka shi li po okufanditha po ashike omatungo niinima ya Kuthilandjeko opo Ombaanga yi mone po oshimaliwa shayo.Nande ongaaka, yamwe yomaapambele ya Kuthilandjeko oye uvite kutya oshinima inashi enda nawa noonkundathana odhi na okushuna mo.Kuku gwaMunyoko, ngoka wo naye a li e na mo oshipambu mOositola dhoyana moka, ota ti kutya aniwa ina mona etseyitho lyasha nokuwete kutya inashi enda pauyuki.Nande ongaaka mboka ya pewa oshinakugwanithwa po shokufanditha po ongeshefa ya Kuthilandjeko oye uvite kutya ayihe oya ningwa palandulathano nopauyuki.”Katu na okushi itaala shoka, kashi li pauyuki nande notu na okuya kAatseyiveta yetu opo oshinima shika shi kundathanununwe ishewe.”Gumwe gwomaapambele ya Kuthilandjeko ta ti ngawo.Efandithopo lyomatungo niinima ayihe mpoka, olya ningwa molwashoka aniwa Kuthilandjeko a kala e na oondjo kOmbaanga.Sha ningwa nee opo Ombaanga ndjoka yi newe oondjo ku Kuthilandjeko yi mone mo oshimaliwa shayo.Tate Andreas Nekwaya sho a mana oondjenda dhe oomvula dha zi ko, Oositola odha kuthilwe ko ku mumwayina Martin Nambala, ngoka wo naye pokati mpoka a mana oondjenda.Ongeshefa ya Kuthilandjeko oya kala nee itayi ende we nawa, shoka tu wete nee sha eta yi kale yi na oongunga kOmbaanga ngawo nosha eta yi fandithwe po.Kuthilandjeko okwa kala omunangeshefa omunene nokwa simana okwali mOnooli ayihe.Okwa li nokuli omimvo dhimwe a landa iitukimbepo iyali, ano a li a landa oonelomba yaali (oondhila) mbali omanga kwa li e na omwenyo.Meme gwa nakusa Andreas Nekwaya na nakusa Martin Nambala, ano kuku Appolonia Jerobiam Amunyoko gwoomvula omilongoheyali nahamano (76), mEtitatu opo a li pOngeshefa yomwana mpoka nokutala sho tayi fandithwa po.A kala ta lili, ta ti kutya nakuningululwe ngeno oonkundathana.Ashike mboka ya li ye lile po ombaanga okupitila kOmpangu, oya kala taya ti kutya ethimbo lyoonkundathana odha pita naashoka shi li po okufanditha po ashike omatungo niinima ya Kuthilandjeko opo Ombaanga yi mone po oshimaliwa shayo.Nande ongaaka, yamwe yomaapambele ya Kuthilandjeko oye uvite kutya oshinima inashi enda nawa noonkundathana odhi na okushuna mo.Kuku gwaMunyoko, ngoka wo naye a li e na mo oshipambu mOositola dhoyana moka, ota ti kutya aniwa ina mona etseyitho lyasha nokuwete kutya inashi enda pauyuki.Nande ongaaka mboka ya pewa oshinakugwanithwa po shokufanditha po ongeshefa ya Kuthilandjeko oye uvite kutya ayihe oya ningwa palandulathano nopauyuki.”Katu na okushi itaala shoka, kashi li pauyuki nande notu na okuya kAatseyiveta yetu opo oshinima shika shi kundathanununwe ishewe.”Gumwe gwomaapambele ya Kuthilandjeko ta ti ngawo.