Oosikola moondoolopa odhu udha nayi

O MINISTA yElongo Nangolo Mbumba oya popi ngeyi kutya aavali naya ngungumane omanga aanambelewa muuministeli we taya longo oowili omilongo mbali nane okumonena aananona yawo omahala moosikola.

Mbumba ta popi kutya oosikola dhomoshilando odha li dha mbulukutilwa kaanona oyendji mboka taya kongo omahala moosikola unene tuu mOndondo yOtango, ontihetatu nontimulongo, omanga oosikola komahala gokomikunda dhi na natango omahala. “Ngele osikola ndjoka ya halika komunona gwoye oya udha, otashi vulika natango pu na ehala kosikola yilwe kutya nee omoshitopolwa shoka nenge omoshitopolwa shilwe, nando ngiika otashi vulika osikola ndjoka yi kale hayo naanaa omunona gwoye a hala,” Mbumba ta popi ngaaka.”Monkalamwenyo, ihatu mono naanaa kehe shimwe shoka twa hala.”Ta ti osha simana noonkondo opo omunona kehe a taambwe mosikola opo a tyapule uuthemba we wopakotampango ndyoka tali popi kutya omunona kehe oku na uuthemba okumona elongo.Ta ti, ashike Uuministeli owi ipyakidhila nokunawapeka iikwaniilongitho yosikola okuyifala kiitopolwa opo elongo li kale konyala li thike pamwe moshilongo.Aanambelewa yElongo oya popi ngeyi kutya otaya longo meni lyomulekeneno gwoshimaliwa nomolwashoka, itaya kwashilipaleke naanaa kutya omunona kehe ota ka mona ehala lyosikola.Oya popi ishewe ngeyi kutya embombolokelo lyaanona okuza kiitopolwa yilwe okuya kOvenduka, osha indjipaleke unene omwaalu gwaanasikola moshilando.Omwaalu ogwo tuu ngoka ogwa indjipalekwa ishewe nokuningwa omunene kaantu yalwe mboka ya zi piishiindalongo ya Namibia nokushangitha aanona yawo moosikola dha Namibia, taya popi ngaaka.Uuministeli owa gandja omasiku omulongo na gantano (15) opo wu wape okuninga oonkambadhala dhokutaamba aanasikola nando inau uvaneka lela kutya aanona ayehe otaya ka taambwa moosikola.Ngele nani itashi umbwa nondhimbo, uuministeli otau ka tula miilonga omuhingo gwokugandja ootundi moosikofa, tashi nee kutya otaku ka kala ootundi dhongula (osikofa yotango) nosho wo oontundi dhokomatango (osikofa ontiyali) opo aanona ayehe ya mone ootundi.Oshinima shika ngele osha ningwa, otashi ti kutya otaku ka pumbiwa aalongisikola oyendji ya kutwe nenge yamwe ya kuthwe koosikola hoka ku na aalongi ya pitilila.Okwa haliwa wo aanona ya mone elongo li na ongushu nando otaya mono ootundi dhokomatango.Oyendji yomaakuluntusikola moosikola dhomoshitopolwa sha Erongo mboka ya popiwa nayo ko The Namibian opo andola ya tye sha kombinga yomataambo gaanona poosikola dhawo, oya popi kutya oosikola dhawo odhu udha noonkondo noya thiminikwa nokuli okushunitha ko omaindilo gamwe.Omisholondondo dhaamboka ya tegelela otadhi koko omunute kehe, ihe mboka ye li momisholondondo ndhoka otaya ka taambwa owala ngele yamwe mboka ya taambwa inaya holoka kosikola.Aanasikola oyendji okwa tegelelwa ya kale ya thika koosikola konima ngele omukundu gwokwaapo kwiiyenditho okuza kOnooli gwa kandulwapo.Oshafa shi li ngeyi kutya Ondondo yOtango moosikola dhomoshitopolwa sha Erongo odhu udha komufwanya.Pomahala gamwe, onkalo oya thiminike nokuli opo poosikola dhimwe pu gwedhwe Ondondo yOtango yaanona mboka opo taya tameke osikola nuumvo.Inspekta gwOshikandjo sikola sha Swakopmund Mark Jacob okwa koleke mEtitatu lyoshiwike shika kutya moshitopolwa shoka, ano pOmbaye noSwakopmund kamu na we omahala goosikola ngaashi mOndondo ontihetatu (Grade 8).Ta ti aanasikola oyendji unene oya ningi omaindilo mOndondo yOtango shi vulithe pomahala ngoka ge li po komunkulofuta.Ompito yokugandja ootundi komatango kaanasikola yOndondo yOtango nontihetatu otayi konakonwa.Onkundana ombwaanawa oyo ndjika kutya aanasikola ayehe mboka ya li ya ninga omaindilo mOndondo ontimulongo nayimwe (Grade 11) oya taambwa nale.Inspekta gwOshikandjosikola sha Omaruru Angeline Steenkam okwa popi kutya pOmaruru, Usakos, Karibib, Uis nosho wo poondoolopa dhilwe momudhingoloko onkalo oyi li mokondolola.Ompumbwe yoongulu dhosikola poKaribib oya hwepopekwa konima sho kwa ningwa oongulu mbali.Uuyelele wulwe kombinga yonkalo yosikola moshitopolwa sha Erongo otayi ka tseyithwa oshiwike tashi ya.”Ngele osikola ndjoka ya halika komunona gwoye oya udha, otashi vulika natango pu na ehala kosikola yilwe kutya nee omoshitopolwa shoka nenge omoshitopolwa shilwe, nando ngiika otashi vulika osikola ndjoka yi kale hayo naanaa omunona gwoye a hala,” Mbumba ta popi ngaaka.”Monkalamwenyo, ihatu mono naanaa kehe shimwe shoka twa hala.”Ta ti osha simana noonkondo opo omunona kehe a taambwe mosikola opo a tyapule uuthemba we wopakotampango ndyoka tali popi kutya omunona kehe oku na uuthemba okumona elongo.Ta ti, ashike Uuministeli owi ipyakidhila nokunawapeka iikwaniilongitho yosikola okuyifala kiitopolwa opo elongo li kale konyala li thike pamwe moshilongo.Aanambelewa yElongo oya popi ngeyi kutya otaya longo meni lyomulekeneno gwoshimaliwa nomolwashoka, itaya kwashilipaleke naanaa kutya omunona kehe ota ka mona ehala lyosikola.Oya popi ishewe ngeyi kutya embombolokelo lyaanona okuza kiitopolwa yilwe okuya kOvenduka, osha indjipaleke unene omwaalu gwaanasikola moshilando.Omwaalu ogwo tuu ngoka ogwa indjipalekwa ishewe nokuningwa omunene kaantu yalwe mboka ya zi piishiindalongo ya Namibia nokushangitha aanona yawo moosikola dha Namibia, taya popi ngaaka.Uuministeli owa gandja omasiku omulongo na gantano (15) opo wu wape okuninga oonkambadhala dhokutaamba aanasikola nando inau uvaneka lela kutya aanona ayehe otaya ka taambwa moosikola.Ngele nani itashi umbwa nondhimbo, uuministeli otau ka tula miilonga omuhingo gwokugandja ootundi moosikofa, tashi nee kutya otaku ka kala ootundi dhongula (osikofa yotango) nosho wo oontundi dhokomatango (osikofa ontiyali) opo aanona ayehe ya mone ootundi.Oshinima shika ngele osha ningwa, otashi ti kutya otaku ka pumbiwa aalongisikola oyendji ya kutwe nenge yamwe ya kuthwe koosikola hoka ku na aalongi ya pitilila.Okwa haliwa wo aanona ya mone elongo li na ongushu nando otaya mono ootundi dhokomatango.Oyendji yomaakuluntusikola moosikola dhomoshitopolwa sha Erongo mboka ya popiwa nayo ko The Namibian opo andola ya tye sha kombinga yomataambo gaanona poosikola dhawo, oya popi kutya oosikola dhawo odhu udha noonkondo noya thiminikwa nokuli okushunitha ko omaindilo gamwe.Omisholondondo dhaamboka ya tegelela otadhi koko omunute kehe, ihe mboka ye li momisholondondo ndhoka otaya ka taambwa owala ngele yamwe mboka ya taambwa inaya holoka kosikola.Aanasikola oyendji okwa tegelelwa ya kale ya thika koosikola konima ngele omukundu gwokwaapo kwiiyenditho okuza kOnooli gwa kandulwapo.Oshafa shi li ngeyi kutya Ondondo yOtango moosikola dhomoshitopolwa sha Erongo odhu udha komufwanya.Pomahala gamwe, onkalo oya thiminike nokuli opo poosikola dhimwe pu gwedhwe Ondondo yOtango yaanona mboka opo taya tameke osikola nuumvo.Inspekta gwOshikandjo sikola sha Swakopmund Mark Jacob okwa koleke mEtitatu lyoshiwike shika kutya moshitopolwa shoka, ano pOmbaye noSwakopmund kamu na we omahala goosikola ngaashi mOndondo ontihetatu (Grade 8).Ta ti aanasikola oyendji unene oya ningi omaindilo mOndondo yOtango shi vulithe pomahala ngoka ge li po komunkulofuta.Ompito yokugandja ootundi komatango kaanasikola yOndondo yOtango nontihetatu otayi konakonwa.Onkundana ombwaanawa oyo ndjika kutya aanasikola ayehe mboka ya li ya ninga omaindilo mOndondo ontimulongo nayimwe (Grade 11) oya taambwa nale.Inspekta gwOshikandjosikola sha Omaruru Angeline Steenkam okwa popi kutya pOmaruru, Usakos, Karibib, Uis nosho wo poondoolopa dhilwe momudhingoloko onkalo oyi li mokondolola.Ompumbwe yoongulu dhosikola poKaribib oya hwepopekwa konima sho kwa ningwa oongulu mbali.Uuyelele wulwe kombinga yonkalo yosikola moshitopolwa sha Erongo otayi ka tseyithwa oshiwike tashi ya.