Oosikola dha tameka nomaudhigu

A ANASIKOLA omathele ogendji oya mbombolokele koosikola ohela oku udha moongulu dhosikola, ihe Uuministeli owa londodha kutya aakuluntusikola inaya shunitha ko nokutinda aanasikola tasi vulika itaya vulu okufuta iikako yosikola nenge omuzalo dhosikola.

Amushanga omukuluntu mUuministeli wElongo Vitalis Ankama okwa popi ngeyi kutya kapu na nando osikola mu Namibia yi na uuthemba okutindila okanona mosikola molwashoka aakuluntu yako itaya vulu okufuta iikako nenge omuzalo gwosikola. Ta popi kutya Uuministeli wElongo owa tseyeka nokukoneka kutya opu na oosikola dhimwe dha kwata ko oonzapo dhaanona molwashoka inaya gwanitha po iifuta yosikola.”Oosikola ndhoka otadhi tseyithilwa mpaka kutya nadhi kale dha gandja oonzapo dhaanasikola pethimbo lyosikola tayi tameke nokuninga oonkundathana naavali yaanona mboka,” Ankama ta popi ngaaka pamushangwa.Ta ti, omawiliko gOosikola oga tseya nawa onkalo yopaliko moka aavali oyendji mu Namibia ye li.Aavali oyendji mu Namibia otaya hupu shokadhila.Nando ongaaka, Ankama okwa yelitha ngeyi kutya kapu na omunasikola ta ka pitikwa okukala momuhandjo pwaa na ofuto yosikola, nomolwaashoka, ngele omunasikola ngoka aakuluntu ye itaya vulu okufuta osikola e ta taambwa mosikola, itashi ti kutya okwa taambwa wo momuhandjo.Aavali nenge aatonateli yaanona mboka itaya vulu okufuta osikola otaya vulu okuninga eindilo lyokukuthilwako koondando nenge ya ninge eindilo lyokwaafuta iikako yosikola.Aanasikola oyendji mboka taya kongo omahala unene tuu mOndondo yOtango, Ontihetatu nOtimulongo, oya li ya ndumbala poosikola ohela mu Katutura nosho wo mOnooli yoshilongo.Oyendji yomaakuluntu yiikandjo nenge tutye yopaitopolwa yelongo oya popi ngeyi kutya otaya ka vula owala okugandja ookomenda dhawo kiikundaneki mu shika konima ngele osikola ya tameke nomunasikola kehe ta kuutumba poshipundi she mongulu yOsikola.Oshikondo shelongo moshitopolwa sha Khomas osha toto po okomitiye yokuungaunga naanasikola mboka taya pumbwa omahala komunute gwa hugunina.Kombinga onkwawo, mEtiyalio lyoshiwike shika, oosikola odhindji kuumbangalantu woshilongo odha li natango tadhi ithana aavali ya ka shangithe aanona yawo koosikola moshitopolwa shoka molwashoka oya li natango ye na omahala.Aniwa mboka ya hala omahala gosikola naya uke koosikola dhomoshitopolwa shokuumbugantu woshilongo lwokooKaras lwaahoka otaku dhumwa ku na omahala gosikola.Konyala omumvo kehe aanasikola ohaya kala yaana omahala moosikola moshilongo nohashi thiminike oyendji unene tuu mboka ya hala etaambo mOndondo ontimulongo nenge mOndondo ontimulongo nayimwe.Ta popi kutya Uuministeli wElongo owa tseyeka nokukoneka kutya opu na oosikola dhimwe dha kwata ko oonzapo dhaanona molwashoka inaya gwanitha po iifuta yosikola.”Oosikola ndhoka otadhi tseyithilwa mpaka kutya nadhi kale dha gandja oonzapo dhaanasikola pethimbo lyosikola tayi tameke nokuninga oonkundathana naavali yaanona mboka,” Ankama ta popi ngaaka pamushangwa.Ta ti, omawiliko gOosikola oga tseya nawa onkalo yopaliko moka aavali oyendji mu Namibia ye li.Aavali oyendji mu Namibia otaya hupu shokadhila.Nando ongaaka, Ankama okwa yelitha ngeyi kutya kapu na omunasikola ta ka pitikwa okukala momuhandjo pwaa na ofuto yosikola, nomolwaashoka, ngele omunasikola ngoka aakuluntu ye itaya vulu okufuta osikola e ta taambwa mosikola, itashi ti kutya okwa taambwa wo momuhandjo.Aavali nenge aatonateli yaanona mboka itaya vulu okufuta osikola otaya vulu okuninga eindilo lyokukuthilwako koondando nenge ya ninge eindilo lyokwaafuta iikako yosikola.Aanasikola oyendji mboka taya kongo omahala unene tuu mOndondo yOtango, Ontihetatu nOtimulongo, oya li ya ndumbala poosikola ohela mu Katutura nosho wo mOnooli yoshilongo.Oyendji yomaakuluntu yiikandjo nenge tutye yopaitopolwa yelongo oya popi ngeyi kutya otaya ka vula owala okugandja ookomenda dhawo kiikundaneki mu shika konima ngele osikola ya tameke nomunasikola kehe ta kuutumba poshipundi she mongulu yOsikola.Oshikondo shelongo moshitopolwa sha Khomas osha toto po okomitiye yokuungaunga naanasikola mboka taya pumbwa omahala komunute gwa hugunina.Kombinga onkwawo, mEtiyalio lyoshiwike shika, oosikola odhindji kuumbangalantu woshilongo odha li natango tadhi ithana aavali ya ka shangithe aanona yawo koosikola moshitopolwa shoka molwashoka oya li natango ye na omahala.Aniwa mboka ya hala omahala gosikola naya uke koosikola dhomoshitopolwa shokuumbugantu woshilongo lwokooKaras lwaahoka otaku dhumwa ku na omahala gosikola.Konyala omumvo kehe aanasikola ohaya kala yaana omahala moosikola moshilongo nohashi thiminike oyendji unene tuu mboka ya hala etaambo mOndondo ontimulongo nenge mOndondo ontimulongo nayimwe.