Lagos: Omuperesidende gwa Nigeria, Goodluck Jonathan okwa, tseyithile eyopevi mondando yomahooli nooperesenda 30, nelalakano oku hulithapo ekanka lyopashigwana lyuule wiiwike iyali. Pethimbo olyo tuu ndyoka aakwiita oya kuthako ehala mpoka pwa gongala aahololi yomadhiladhilo.Jonathan okwa ningi etseyitho ndika moTiivii yopashigwana konima yoshiwike sho, a kala ashike a mwena itaa tisha kombinga yomakuyunguto ngoka ga edhile iilonga oyindji moshilongo shoka.Ehangano enene lyaaniilonga mo Nigeria olya tile ota li kaleke manga enyenyeto lyalyo kombinga yekuthepo lyekwathelo koondando dhomahooli ndyoka lya li ha li gandjwa kepangelo.
Khartoum: Etokolo lya ningwa ku Sudan olya nika oshiponga na olya eta po ehilathano pokati ka Sudan lyokuumbugantu naandyoka lyokuumbangalantu kombinga yolweendo lwomahooli. Ombelewa yuukaleliposhilongo shAmerica moSudan oya kumike iilongo mbika iyali opo yi tse kumwe moshinima shika poshigongi shoonkundathana sha kwatelwa komeho kuukumwe wAfrica mo Addis Ababa oshiwike shika. Ombelewa ndjoka oya ti oyi na uutile sha landula omipopyo dhombinga yimwe netokolo lyombinga yimwe lya ningwa oku za ko Khartoum okupata ekunguluko lyomahooli momunino okuza koSudan lyokuumbugantu oku ya kuumbangalantu.Aanambelewa mo Khartoum oya ti ota ya kutha omahooli gamwe ga Sudan lyokuumbugantu ongo ofuto molwa oku longitha iilongitho yomahooli yokuumbangalantu.Washington: BMW ehangano lyokulonga iiyenditho lya Ndowishi ota li galulako iiyenditho omayovi 89 000 yoludhi lwo Mini Coopers, pahapu dhehangano lyegameno lyiiyenditho lyAmerica. Iiyenditho ota ku tiwa oyina ompito yoku hwama omulilo omolwa oshikwamalusheno shomohauto ndjoka.Eithanoko ndika olya guma omaludhi gooMini dha longelwe okuza omumvo 2006 sigo oJanuary 2011, mwa kwatelwa ndhoka dho Cooper S, Cooper S Countryman na Cooper Convertible JCW. BMW okwa ti oku tameka mu February nuumvo aalandithi yiiyenditho mbyoka ota ya pingenepo opomba yomeya miiyenditho mbyoka oshali.Cairo: Iiyemo okuza miilonga yomatalelopo moEgipiti oya shuna pevi nooperesenda 30 omumvo 2011 omolwa omakuyunguto ngoka ga gumine oshilongo shoka. Omakuyunguto ngoka ga li moshilongo shoka oga hulile me zeko koshipundi shomuleli nale gwevi ndyoka, Hosni Mubarak.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
