Oongundu dhokukondjitha iimbuluma dha pandulwa

OONGUNDU dhokukondjitha iilonga yomuyonena mOmusati odha pewa oshimaliwa shoodola $25,000.Oshimaliwa shika osha gandjwa ku meya gwOutapi, Mathew Ndeshitila ngoka a ti ofuto yawo yamwe sho ya li ya kutha ombinga mokugamena oshituthi shOlufuko sha ningilwe mOutapi mu Auguste nuumvo.

Oshimaliwa osha taambwa komukuluntu gwoongundu ndhika mOmusati, Labanus Ailonga, pehala lyadho adhihe nokwa ti kutya otashi ka topolwa noku longithwa nawa.Sho e ya popitha Komufala Shindinge okwa pandula noonkondo ayehe ya longekidha nawa omaashinga ndjika. Ta ti oya longekidhwa nawa noku pandula oshigwana sho tashi kwathele opolisi mekondjitho lyomiyonena mOmusati. Shindinge ta ti omiyonena ngaashi eteyo lyomagumbo, omayeko kwahomatiwa, omadhengo gaantu, omayako mwakwatelwa naangoka giimuna unene, omakwatonkonga, omadhipago nosho tuu, oya kala kwali yi li pombanda, ashike nonande opolisi ya kala tayi yi kondjitha kasha li naanaa hwepo ngashi pethimbo ndika oshigwana sha tokola okulongela kumwe nopolisi. Ta ti oongundu ndhoka dha totwa po dhokukondjitha iimbuluma, odha kwathela opolisi miilonga yayo okukondjitha omiyonena.Komufala Shindinge ta ti, iilyo yoongundu ndhika dhokukondjitha iimbuluma moshitopolwa, oyi na uuthemba wokukwata, nakuninga iimbuluma, ngoka taya vulu oku kwata noku mu gandja kopolisi ndjoka oyo yi na oku konaakona oshipotha nokuungaunga naye noshipotha she shoka.Komufala Shindinge, ta ningi wo ekunkililo e li ukitha maakwashigwana yomOmusati , ta ti kutya okwa kundana aantu yamwe haya ningi uukongo waa li paveta momikunda na ye shi hulithepo mbala.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.