Oongundana moAfrica

Mathabatha a pandula Maupa POLOKWANE – Omukuluntu gwoshitopolwasha Limpopo moSouth Afrika, Stan Mathabatha, okwa ti aantu mboka ya longa iilonga yuulingilingi mongundu yo African National Congress (ANC), kaye na okuulwa iilyo yongundu ndjika.

Mathabatha dhika okwe Dhi popi pethimbo a li ta popi poshituthimbuluko sha nakusa Kansela Thabang Maupa, ngoka a dhipagwa kaalumentu ya homata kaye shiwike momasiku 28 gaNovemba. Maupa okwa li Kansela muMuni gwondoolopa yaFetakgomo-Tubatse na okwa li e li ompinge noonkondo niilyo yo ANC mboka ya li ye na ekwatathano nenge ya li ya tula iimaliwa shaa li paveta mOmbaanga ya mbangolota yedhina VBS Mutual Bank.

Mathabatha okwa ti Maupa okwa li e shi uvite ko lela nawa kutya okukala oshilyo shoANC, ohashi ya niinakugwanithwa, okukala omulongeli gwoshigwana nokukala ompinge niilonga yuulingilingi.

Kabila okwa fa a hala okuya momahogololo

KINSHASA -Omupresidente gwoDemocratic Republic of the Congo (DRC), Joesph Kabila, okwa ti ota ka thiga po oshipundi shUupresidente konimasiku momasiku 23 ga Desembe, moka tamu ka ningwa omahogololo gopaupresidende moshilongo shika, ihe otashi vulika a ka ye momahogololo gomonakuyiwa.

Kabila okwa ti natango ota tsikile nokukala mopolitika molwashoka aniwa “natango opu na ondjila onde.” Kabila okwa ningi Omupresidente wa DRC momumvo 2010, konima yedhipago lya he Laurent Desire Kabila. DRC oku li shimwe shomiilongo iiyamba muAfrika.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.