Oongombe ndhoka dha za koGam ita dhi shuna ko

OONGOMBE 1 200 ndhoka dha kwatwa kepangelo muJuni nuumvo moshikandjo sha Gam ita dhi ga lulilwa ooyene.Oongombe ndhika odha kuthwa ko kaanangombe yomo mu dhingoloko gwa Gam mboka kuyele muApilili ya li ya hingile iimuna yawo mehala lya gamenwa lya Nyae-Nyae, neinyengo ndika olya li lya eta uupyakadhi wu na sha nuundjolowele wiinamwenyo.

Pethimbo ndika aatseyimpango yepangelo noyaanafaalama oyene yoongombe ndhika ota ya kundathana pondje yOmpangu opo ya adhe ekandulopo lyomukundu pwaana elongitho lyompango.Ndele moonkundathana dhawo ita mu kwatelwa okupopya iimuna mbika.Aanafaalama yopoGam oya li anuwa ya tete ondhalate yokukeelela omikithi dhiinamwenyo muApilili e ta ya hingile oongombe dhawo mehala lya gamenwa lya Nyae-Nyae.Konima yiiwike ihamano oKabinete oka tokola kutyaoongombe ndhoka na dhi kuthwe ko kepangelo, na shika osho sha eta opo ooyene yoongombe ndhika ya fale epangelo kompangu.Nonando ngashingeyi oshipotha shika otashi potokononwa kondje yOmpangu, oongombe ndhika ooyene yadho ita ye ke dhi mona wee.Pethimbo ndika aatseyimpango yepangelo naamboka yaanafaalama otaya kundathana opo ya adhe epotokonono lyomukundu. Amushanga takalele mUuministeli wUunampaya, Andrew Ndishishi a ti.Okwa ti etokolo lyoKabinete ita li kundathanwa.Okwa ti etokolo lyoKabinete kombinga ye taaguluko lyompango ita li lunduluka, oongombe ndhoka dha kwatwa kapu na nando ompito opo dhi ka shunithwe koGam.Oyendji yomaanafaalama mboka ya li ya gwayele moNyae-nyae oya li ya kwatwa noyi ifutile mo mondholongo koodola 1 000. Ndele natango oya tegelela okuholoka mompangu oku za 22 sigo 23 ga Septemba.MuJuni okabinete okatokola opo oongombe ndhika dhi kuthweko kooyene e ta dhi landithwa po paku longitha Ompango yi na sha nomikithi dhiinamwenyo nooparasite.Etokolo lyoKabinete olya ti iinamwenyo mbika na yi landithwe po poofanditha nooyene yayo inaya futwa sha.Ndele ooyene yoongombe oya ti etokolo ndika ota li ya yugu olunza lwo nkalamwenyo yawo, etokolo ndika olya li woo lya pangulwa ko Legal Assistance Centre noshowo koongundu dhimwe dhompilameno.Aanafaalama oya fala epangelo kompangu ya pitile momukalelipo gwawo gwo pampango omutseyimpango Patrick Kauta, ta ya ti etokolo ndyoka oku kwata oongombe dha wo ka li li pakotampango.Oya ti kutya olugumbo ndoka lwo ku keelela omikithi dhiinamwenyo olwa adhika lwa gwa po nale uule woomvula heyali, no ka lwa li talu kwatha sha, yo oyi ikala kutya oye lu tete. Oya ti oya li ya pewa epitikilo kewiliko lyehala ndika lyo Nyae-Nyae, nonando opwa li enyenyeto ta li zi kiilyo yoNyae-nyae shi na sha nokweeta mo iimuna moka.Oshipotha shika osha li sha kuthwa mo melandulathano lyiipotha ta yi pulakenwa kompangu mo 31 ga Juuli, nokonima opwa ka tamekwa noonkambadhala okwaa adha euvathano.Ka ku shiwike kutya euvathano ota li adhika uunake, noonkambadhala okupopya na Kauta inadhi pondola sha .Oongombe ndhika ngashingeyi odhi li mokamba yoquarantine pOmangeti.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.