Oonakulwa aakulu ya mona Oministri

O MUPRESIDENDE Hifikepunye Pohamba okwa tota po Oministri tau ka ungunga nomaupyakadhi goonakulwa aakulu yo PLAN na Omundohotola Ngarikutuke Tjiriange oye Ominista yUuministri mbuka.

Tjiriange okwa kala Ominista kayi na oshipundi na oye wo e li Amushanga-Ndjayi gwongundu yo Swapo. Mokutota po OmInistri yoonakulwa aakulu, shika otashi ulike kutya Epangelo olya hala okuungaunga nomaindilo goonakulwa aakulu ngoka ya kala nokuninga omathimbo ga zi ko.Oonakulwa aakulu oya hala Epangelo li ya fute omolu iilonga ya simana mbyoka yolonga pethimbo lyekondjelomanguluko.”Epangelo lyetu olya tala ko Aanamibia ayehe mboka ya kutha ombinga mekondjelomanguluko, kutya nee oye li kombanda nenge aawe, ong’oonkulwa aakulu,” Omupresidende Pohamba osho a lombwele aanankundana ngaaka mEgumbo lyEpangelo mEtitatu.”Molwashoka oye na oompumbwe dha yooloka noye li moongundu dha yooloka, omakonakano galwe ga ningwa po kEpangelo ogu ulike kutya ethimbo olya thikana okutota po oshikondo shopokati mpoka oompumbwe dhoonakulwa aakulu tadhi ka ungaungiwa nadho mokuudha,” Pohamba ta popi ngaaka, ta tsikile ko kutya, shika osho nee sha eta Okabinete petokolo kutya naku totwe Oministri ndjika, tayi kala hayi ithanwa Oministri yIinima yOonakulwa Aakulu.Aaniilonga mOministri ndjika otaya ka kuthwa kOoministri dhi ili nodhi ili nokiikondo yEpangelo, opo ka ku hupithwe oshimaliwa.Metitatu, Tjiriange okwa li a popi mOparliamende kutya Epangelo olya kala nokukambadhala okukandulapo omaupyakadhi goonakulwa aakulu ngahsi pakutota po Okampani ya Development Brigade, ndjoka ya ongotele pevi oomvula oontshona dha piti po nOpropgrama ya Structural Intergration Programme for Ex-Combatants (SIPE), moka oonakulwa aakulu ya mono omauwanawa.”Oonakulwa aakulu yamwe oya li ya pewa iimuna ya tameke uunafaalama omanga yamwe ya li ya pewa iilonga miikondo yEpangelo,” Tjiriange ta popi.Tjiriange okwa dhimbulikitha wo Egumbo ndika kutya Etanga lyOpolisi lya Danger/Special Field Force (SFF) olya li wo lya totwa po owinna opo oonakulwa aakulu ya mone iilonga, ihe Epangelo olye shi dhimbulula mo wo kutya natango opu na okuningwa sha.Ta ti, tango ota ka tula manga iinima melandulathano mUuministri we mbuka na okwa hala oonakulwa aakulu ayehe ye mu pe ethimbo a ninga manga ngaaka.Omugandjimulombo gwOkomitiye yi na sha nOmauwanawa gOonakulwa aakulu yoPLAN Alex Kamwi, okwa ti ye okwa nyanyukilwa noonkondo etotopo lyOministri ndjika.”Ndjika onkundana ombwaanawa na otwa nyanyukwa sho Epangelo lya tula miilonga osheetwapo shoka twa gandja, sho twa li twa monathana nOmupresidende Pohamba mu June,” Kamwi osho a lombwele The Namibian ngaaka.”Twa kutha oshiholelwa sha Mozambique, moka mu na wo Oministri yatya ngaaka, natse otwa gandja osheetwapo kutya naku totwe Oministri yatya ngaaka,” Kamwi ta popi.Omuwiliki gwongundu yo Congress of Democrats Ben Ulenga, okwa ti okweetapo po Oministri yatya ngaaka oshinima shi li nawa lela.Ulenga okwa ti South Afrika naye oku na oshikondo shatya ngaaka mUuministri wEtanga lyEgameno omAnga Britain, Amerika na Australia nayo ye na wo iikondo yatya ngaaka.Nande ongaaka, Norman Tjombe gwehangano lya Legal Assistance Centre okwa ti otashi ka kala shi li nawa ngele Ooministri adhihe, tadhi itula unene mokuungaunga nomaupyakadhi gopaliko nogopankalathano ngoka ga talela aantu ayehe , mwa kwatelwa wo oonakulw aaakulu yo PLAN.Tjombe okwa ti mokutota po Oministri ndjika, Epangelo olya fa lya hala okufahduka po oshinakugwanithwa shalyo shokunawapaleka onkalo yaakwashigwana, mboka ya li ya ya edhililwa nokufikwa nomalusheno kombanda.”Aantu mbaka nayo ngashiingeyi oye li taya nana nondatu noonkondo kombinga yuuhupilo omolu iita yekondjelomanguluko lya Namibua,” Tjombe ta popi.Ta ti, opu na wo aantu yamwe kaya li kombanda, ihe nayo oya li wo ehamekwa nayi kiita na nayo oye na okutalwa.Mokutota po OmInistri yoonakulwa aakulu, shika otashi ulike kutya Epangelo olya hala okuungaunga nomaindilo goonakulwa aakulu ngoka ya kala nokuninga omathimbo ga zi ko.Oonakulwa aakulu oya hala Epangelo li ya fute omolu iilonga ya simana mbyoka yolonga pethimbo lyekondjelomanguluko.”Epangelo lyetu olya tala ko Aanamibia ayehe mboka ya kutha ombinga mekondjelomanguluko, kutya nee oye li kombanda nenge aawe, ong’oonkulwa aakulu,” Omupresidende Pohamba osho a lombwele aanankundana ngaaka mEgumbo lyEpangelo mEtitatu.”Molwashoka oye na oompumbwe dha yooloka noye li moongundu dha yooloka, omakonakano galwe ga ningwa po kEpangelo ogu ulike kutya ethimbo olya thikana okutota po oshikondo shopokati mpoka oompumbwe dhoonakulwa aakulu tadhi ka ungaungiwa nadho mokuudha,” Pohamba ta popi ngaaka, ta tsikile ko kutya, shika osho nee sha eta Okabinete petokolo kutya naku totwe Oministri ndjika, tayi kala hayi ithanwa Oministri yIinima yOonakulwa Aakulu.Aaniilonga mOministri ndjika otaya ka kuthwa kOoministri dhi ili nodhi ili nokiikondo yEpangelo, opo ka ku hupithwe oshimaliwa.Metitatu, Tjiriange okwa li a popi mOparliamende kutya Epangelo olya kala nokukambadhala okukandulapo omaupyakadhi goonakulwa aakulu ngahsi pakutota po Okampani ya Development Brigade, ndjoka ya ongotele pevi oomvula oontshona dha piti po nOpropgrama ya Structural Intergration Programme for Ex-Combatants (SIPE), moka oonakulwa aakulu ya mono omauwanawa.”Oonakulwa aakulu yamwe oya li ya pewa iimuna ya tameke uunafaalama omanga yamwe ya li ya pewa iilonga miikondo yEpangelo,” Tjiriange ta popi.Tjiriange okwa dhimbulikitha wo Egumbo ndika kutya Etanga lyOpolisi lya Danger/Special Field Force (SFF) olya li wo lya totwa po owinna opo oonakulwa aakulu ya mone iilonga, ihe Epangelo olye shi dhimbulula mo wo kutya natango opu na okuningwa sha.Ta ti, tango ota ka tula manga iinima melandulathano mUuministri we mbuka na okwa hala oonakulwa aakulu ayehe ye mu pe ethimbo a ninga manga ngaaka.Omugandjimulombo gwOkomitiye yi na sha nOmauwanawa gOonakulwa aakulu yoPLAN Alex Kamwi, okwa ti ye okwa nyanyukilwa noonkondo etotopo lyOministri ndjika.”Ndjika onkundana ombwaanawa na otwa nyanyukwa sho Epangelo lya tula miilonga osheetwapo shoka twa gandja, sho twa li twa monathana nOmupresidende Pohamba mu June,” Kamwi osho a lombwele The Namibian ngaaka.”Twa kutha oshiholelwa sha Mozambique, moka mu na wo Oministri yatya ngaaka, natse otwa gandja osheetwapo kutya naku totwe Oministri yatya ngaaka,” Kamwi ta popi.Omuwiliki gwongundu yo Congress of Democrats Ben Ulenga, okwa ti okweetapo po Oministri yatya ngaaka oshinima shi li nawa lela.Ulenga okwa ti South Afrika naye oku na oshikondo shatya ngaaka mUuministri wEtanga lyEgameno omAnga Britain, Amerika na Australia nayo ye na wo iikondo yatya ngaaka.Nande ongaaka, Norman Tjombe gwehangano lya Legal Assistance Centre okwa ti otashi ka kala shi li nawa ngele Ooministri adhihe, tadhi itula unene mokuungaunga nomaupyakadhi gopaliko nogopankalathano ngoka ga talela aantu ayehe , mwa kwatelwa wo oonakulw aaakulu yo PLAN.Tjombe okwa ti mokutota po Oministri ndjika, Epangelo olya fa lya hala okufahduka po oshinakugwanithwa shalyo shokunawapaleka onkalo yaakwashigwana, mboka ya li ya ya edhililwa nokufikwa nomalusheno kombanda.”Aantu mbaka nayo ngashiingeyi oye li taya nana nondatu noonkondo kombinga yuuhupilo omolu iita yekondjelomanguluko lya Namibua,” Tjombe ta popi.Ta ti, opu na wo aantu yamwe kaya li kombanda, ihe nayo oya li wo ehamekwa nayi kiita na nayo oye na okutalwa.