Oonakulwa aakulu ya dhika oonyala mevi

O ONAKULWA aakulu yo PLAN mboka taya indile Epangelo li ya fute, oya popi kutya yo otaa yi komeho neindilo lyawo ndika, nonande Omupresidende Hifikepunye Pohamba okwa popi kutya shika itashi vulu okuningwa.

Oonakulwa mbaka oya popi wo kutya oya ninga indilo kIigwanahangano yi ya kwathele ya pewe oshimaliwa shOondola dha Amerika/US$80 000, shoka taya popi kutya oya li yu uvanekelwa momumvo 1989, sha li aniwa shi na okupewa kehe nakulwa omukulu. Metitatu lyoshiwike shika, Omugandjimulombo gwOkakomitiye kOpashigwana ke na sha nuuwanawa wOonakulwa aakulu yo PLAN Alex Kamwi, okwa popi kutya yo otaa yi komeho neindilo lyawo ndika sigo lya gwanithwa po.Yo ayehe oye li AakwaSwapo na otaya pula oshinima shi li mondjila, ye na shili okushi ningilwa, Kamwi osho a popi ngaaka.”Tse otwi ilongekidha okukuutumba nEpangelo tu kandule po oshinima shika pamukalo pambila nopashikuluntu,” Kamwi osho a lombwele aanankundana mOvenduka mEtitatu.”Tse ota tu pula tu pewe oshinima shetu kEpangelo.Tse otu li natango iilyo yo Swapo na Epangelo olyetu,” ta tsikile ko ngaaka.Okwa ti omahololomadhiladhilo ngoka ya pulanda okuninga momasiku 4 ga Septemba moshilongo ashihe otaga ka ningwa ngashi sha pulandwa.Kamwi okwa ekelehi wo ong’omapopyo nomauvo ashike, kutya Omupresidende Pohamba mEtitano lya zi ko okwa li a lombwele oshigwana kOtelevisi kutya shoka taya pula itashi vulu okuningwa, molwashoka aniwa otashi ka shunitha pevi eliko lyoshilongo.”Tse otwa tegelela natango eyamukulo lyombalelwa okuza kEgumbo lyEpangelo, ngashi twa li twe shi uvanekelwa sho ta li twa monathana nOmupresidende Pohamba mu June,” Kamwi ta lombwele aanankundana.Okakomitiye haka oka hala kehe omuntu a li omukwiita gwo PLAN a pewe N$500 000 nenge Oondola/N$31 000 ya indjipalekwa nomvula kehe e li muukwiita wo Swapo.Okakomitiye haka oka hala wo oonakulwa aakulu yo Swapo ya mone elongo nomakwathelo gopaunamati oshali, ya pitikwe okukala taya longo sigo opoomvula 70, ya kale haya mono oshimaliwa shOondola/N$8 000 komwedhi nosho wo ya pewe oopelemeta dhokukwata oohi nodhokuya mUunamina.Kamwi okwa popi kutya Omupresidende omukulu gwa Namibia Sam Nujoma okwa tameka oshikonga sha puka shokunyateka okangundu kawo, ta tsikile ko kutya, Nujoma eindilo lyawo ndika okwa li nale e li pewe momumvo 2004.”Okakomitiye haka otwe ka toto po pambelewa kuyele nuumvo, ka dhimbulukithe aaleli yo Swapo (mboka ya kala ashike ya mwena) eindilo lyoonakulwa aakulu,” Kamwi ta popi.Momasiku 15 Juli, oonakulwa aakulu yo Swapo oya li ya ningi oshigongi mOnooli, mpoka ya li ya tokola kutya Epangelo nali ya ningile shoka taya pula.Momasiku 21 Juli oya li ya ningi oshigongi na Nujoma, mpoka Omupresidende omukulu gwa Namibia a li a popi kutya aantu mbaka kaye shi aakwaSwapo.”Otwa ekelahi shoka sha popiwa ku Sam Nujoma kutya Okakomitiye ka ke lile po oonakulwa aakulu na ka ke na omakankameno gasha.Shoka twa tula poshitaafula shoonkundathana osho shoka oonakulwa aakulu ayehe ya hala ya ningilwe,” Kamwi ta popi.Okwa ti oshi li tashi uvitha nayi kutya Komanda omukuluntu gwo PLAN – the People’s Liberation Army of Namibioa, Sam Nujoma, okwa tokola okuyanda aakwiita ye.Otashi vulika ke tu shi molwashoka, ye ka li kiita hoka twa li,” ta tsikile ko ngaaka.Kamwi okwa ti Nicholas Bwakira, ngoka a li Omukuluntu gwiilonga yIigwanahagano mu Angola momumvo, okwa li a lombwele oonakulwa aakulu yo Swapo momasiku 6 July 1989 mu Luanda, kutya kehe nakulwa omukulu gwo PLAN ota ka pewa Oondola dha Amerika/US$80 000 kehe gumwe.Oshimaliwa shika osha li wo aniwa shi na okupewa aakwashigwana mboka ya li ashike oontauki.”Shika ina tu shi mona.Oshimaliwa shoka twa pewa osha li ashike Ooranda dha South Afrika omulongo,” Kamwi ta popi ngaaka, a geya.Metitatu lyoshiwike shika, Omugandjimulombo gwOkakomitiye kOpashigwana ke na sha nuuwanawa wOonakulwa aakulu yo PLAN Alex Kamwi, okwa popi kutya yo otaa yi komeho neindilo lyawo ndika sigo lya gwanithwa po. Yo ayehe oye li AakwaSwapo na otaya pula oshinima shi li mondjila, ye na shili okushi ningilwa, Kamwi osho a popi ngaaka.”Tse otwi ilongekidha okukuutumba nEpangelo tu kandule po oshinima shika pamukalo pambila nopashikuluntu,” Kamwi osho a lombwele aanankundana mOvenduka mEtitatu.”Tse ota tu pula tu pewe oshinima shetu kEpangelo.Tse otu li natango iilyo yo Swapo na Epangelo olyetu,” ta tsikile ko ngaaka.Okwa ti omahololomadhiladhilo ngoka ya pulanda okuninga momasiku 4 ga Septemba moshilongo ashihe otaga ka ningwa ngashi sha pulandwa.Kamwi okwa ekelehi wo ong’omapopyo nomauvo ashike, kutya Omupresidende Pohamba mEtitano lya zi ko okwa li a lombwele oshigwana kOtelevisi kutya shoka taya pula itashi vulu okuningwa, molwashoka aniwa otashi ka shunitha pevi eliko lyoshilongo.”Tse otwa tegelela natango eyamukulo lyombalelwa okuza kEgumbo lyEpangelo, ngashi twa li twe shi uvanekelwa sho ta li twa monathana nOmupresidende Pohamba mu June,” Kamwi ta lombwele aanankundana.Okakomitiye haka oka hala kehe omuntu a li omukwiita gwo PLAN a pewe N$500 000 nenge Oondola/N$31 000 ya indjipalekwa nomvula kehe e li muukwiita wo Swapo.Okakomitiye haka oka hala wo oonakulwa aakulu yo Swapo ya mone elongo nomakwathelo gopaunamati oshali, ya pitikwe okukala taya longo sigo opoomvula 70, ya kale haya mono oshimaliwa shOondola/N$8 000 komwedhi nosho wo ya pewe oopelemeta dhokukwata oohi nodhokuya mUunamina.Kamwi okwa popi kutya Omupresidende omukulu gwa Namibia Sam Nujoma okwa tameka oshikonga sha puka shokunyateka okangundu kawo, ta tsikile ko kutya, Nujoma eindilo lyawo ndika okwa li nale e li pewe momumvo 2004.”Okakomitiye haka otwe ka toto po pambelewa kuyele nuumvo, ka dhimbulukithe aaleli yo Swapo (mboka ya kala ashike ya mwena) eindilo lyoonakulwa aakulu,” Kamwi ta popi.Momasiku 15 Juli, oonakulwa aakulu yo Swapo oya li ya ningi oshigongi mOnooli, mpoka ya li ya tokola kutya Epangelo nali ya ningile shoka taya pula.Momasiku 21 Juli oya li ya ningi oshigongi na Nujoma, mpoka Omupresidende omukulu gwa Namibia a li a popi kutya aantu mbaka kaye shi aakwaSwapo.”Otwa ekelahi shoka sha popiwa ku Sam Nujoma kutya Okakomitiye ka ke lile po oonakulwa aakulu na ka ke na omakankameno gasha.Shoka twa tula poshitaafula shoonkundathana osho shoka oonakulwa aakulu ayehe ya hala ya ningilwe,” Kamwi ta popi.Okwa ti oshi li tashi uvitha nayi kutya Komanda omukuluntu gwo PLAN – the People’s Liberation Army of Namibioa, Sam Nujoma, okwa tokola okuyanda aakwiita ye.Otashi vulika ke tu shi molwashoka, ye ka li kiita hoka twa li,” ta tsikile ko ngaaka.Kamwi okwa ti Nicholas Bwakira, ngoka a li Omukuluntu gwiilonga yIigwanahagano mu Angola momumvo, okwa li a lombwele oonakulwa aakulu yo Swapo momasiku 6 July 1989 mu Luanda, kutya kehe nakulwa omukulu gwo PLAN ota ka pewa Oondola dha Amerika/US$80 000 kehe gumwe.Oshimaliwa shika osha li wo aniwa shi na okupewa aakwashigwana mboka ya li ashike oontauki.”Shika ina tu shi mona.Oshimaliwa shoka twa pewa osha li ashike Ooranda dha South Afrika omulongo,” Kamwi ta popi ngaaka, a geya.