Oonakukuthwa miilonga keso lya Kandara ya shunwa mo

AAPOLISI ya hugunina mOshikondo shIimbuluma mboka ya kala ya kuthwa miilonga konima yeso lya Lazarus Kandara oya shunwa poonkatu dhawo miilonga.

Aanambelewa mboka yOpolisi oya yakula oombapila ndhoka dheya tseyithile okushunwa kwawo miilonga mEtitatu lyoshiwike sha zi ko, omugandjimulombo gwOpolisi Angula Amulungu osho a popi ngaaka mEtitano lya zi ko. Nando ongaaka, aapolisi mboka otaya ka taalela okuholoka komeho gokakomitiye komazulo kombinga yeso lya Kandara ngoka i idhipaga omanga e li momake gOpolisi, Amulungu ta popi.Ehokololo lyawo komeho gokakomitiye komazulo ndyoka lya li li na okuningwa mOmaandaha oshiwike shika olya tsilikwa sigo omomasiku 10 gaJanuali, ta popi ishewe.Aapolisi mboka ya shunwa miilonga oshiwike sha zi ko oyo nee: Sergeant Linekela Hilundwa, Sergeant Jacky Kantema, na Constabela Chaolin Justy Tjitemisa.Eshuno lyawo miilonga olye ya konima sho Ompangu yOpombanda ya ekelehi etokolo lyokukutha miilonga Komanda gwoshikondo shIimbuluma Inspekta Omukuluntu Oscar Sheehama ngoka pamwe nayakwawo mboka ya li ya kuthwa miilonga momasiku 13 Septemba.Kakukutu kOpolisi, Leitenanda-Ndjayi Sebastian Ndeitunga okwa gandja elombwelo kutya aanambelewa mboka naya kale ya kuthwa miilonga konima sho a pewa olopota yomeni ndjoka ya ningwa kOshikondo shOmanyenyeto mOpolisi.Olopota ndjoka oya ningwa kombinga yeso lya Kandara ku monike kutya okwa mono ondjembo nokwi iyaha naanaa ngiini.Kandara ngoka a li omukuluntuwiliki gwa Avid Investments Corporation okwa si koshilalo shoholo ndjoka ye mu yaha montulo ongulohi yeti 24 Aguste pOsasiona yOpolisi mOvenduka omanga e li momake gOpolisi.Okwa li a dhitikwa konima sho a ningilwa oshipotha shuulingilingi sho okampani ye ya ndopa okushunitha oshimaliwa shoomiliyuna omilongo ndatu (N$30 million) shoka a li a pewa a pungule okuza ku Social Security Commission (SSC) mu Januali nuumvo.Pahokololo lyOpolisi, okwa fa a mono ondjembo ndjoka pethimbo a li a thindikilwa kegumbo lye mOvenduka opo a ka tale iinguma, omiti niikutu ye konima sho a dhitikwa.Ongulohi ndjoka, Kandara okwa li nee a thindikilwa ku Hilundwa, Kantema na Tjitemisa.Sheehama oye a gandja elombwelo kaanambelewa moshikondo she kutya naya thindikile Kandara kegumbo lye a ka konge iinima mbyoka ta popi.Aanambelewa mboka yOpolisi ayehe yane oya li ya kuthwa miilonga okuza momasiku 13 Septemba palombwelo lya Ndeitunga.Inspekta-Ndjayi okwa popi niitya ye mwene ta ti: “Oshinima osha ningwa nuuhasha sho aanambelewa ya ndopa okugwanitha po iinakugwanithwa yawo pethimbo lyiilonga, sho ya etha omufekelwa a kuthe ondjembo ndjoka a ka longitha okwiidhipaga.”Sheehama okwa li a kondjitha etokolo ndyoka nokuninga eindilo lyomeendelelo mOmpangu yOpombanda nokusindana po oshipotha shoka sho Omupanguli Anel Silungwe a ningi etokolo kutya na shunithwe miilonga.Omatompelo mokuninga etokolo ndika kOmupanguli oya tulwa owala puuyelele oshiwike sha zi ko.Oga ukile ngeyi kutya otashi vulika Hilundwa, Kantema na Tjitemisa oye na ompito ombwaanawa yokudhenga mo Inspekta-Ndjayi ngele oya fala oshipotha shika mOmpangu.Omupanguli Silungwe okwa popi kutya molwashoka Sheehama ina pewa ompito okuholoka komeho gokakomitiye komazulo nokugandja ombinga ye moshinima shika, otashi pelwa Inspekta-Ndhayi ombedhi.Omupanguli ta ti ngeyi kutya oshi li mondjila okugandja ompito kominambelewa ngoka ta kuthwa miilonga pakathimbo a kale a gandja ombinga nomatompelo ge kutya omolwashike ke na okupewa uusama nokukuthwa miilonga pakathimbo.Ashike nando ongaaka, opu na oompito dhilwe moka omunambelewa ta vulu okukuthwa miilonga pwaa na okuholoka komeho gokakomitiye komazulo, ashike shika otashi vulu owala okuningwa ngele oshi li muuwanawa wEtanga lyOpolisi, oveta tayi yelitha ngaaka.Ekutho miilonga lya Sheehama ngoka a kuthwa miilonga konima yomasiku omilongo mbali konima yeso lya Kandara otashi vulika ku tiwe kutya ekutho miilonga lyomeendelelo ndyoka Inspekta-Ndjayi ita vulu okugandja ompito ku Sheehama a gandje ombinga ye, Omupanguli ta popi.”Ngele nani Inspekta-Ndjayi ota vulu okutegelela ethimbo li thike mpoka ku ningwe omakonakono, nena otwa li wo ethimbo okugandja ompito ku Sheehama a holoke komeho gokakomitiye komazulo,” Silungwe ta popi.Nando ongaaka, aapolisi mboka otaya ka taalela okuholoka komeho gokakomitiye komazulo kombinga yeso lya Kandara ngoka i idhipaga omanga e li momake gOpolisi, Amulungu ta popi.Ehokololo lyawo komeho gokakomitiye komazulo ndyoka lya li li na okuningwa mOmaandaha oshiwike shika olya tsilikwa sigo omomasiku 10 gaJanuali, ta popi ishewe.Aapolisi mboka ya shunwa miilonga oshiwike sha zi ko oyo nee: Sergeant Linekela Hilundwa, Sergeant Jacky Kantema, na Constabela Chaolin Justy Tjitemisa.Eshuno lyawo miilonga olye ya konima sho Ompangu yOpombanda ya ekelehi etokolo lyokukutha miilonga Komanda gwoshikondo shIimbuluma Inspekta Omukuluntu Oscar Sheehama ngoka pamwe nayakwawo mboka ya li ya kuthwa miilonga momasiku 13 Septemba.Kakukutu kOpolisi, Leitenanda-Ndjayi Sebastian Ndeitunga okwa gandja elombwelo kutya aanambelewa mboka naya kale ya kuthwa miilonga konima sho a pewa olopota yomeni ndjoka ya ningwa kOshikondo shOmanyenyeto mOpolisi.Olopota ndjoka oya ningwa kombinga yeso lya Kandara ku monike kutya okwa mono ondjembo nokwi iyaha naanaa ngiini.Kandara ngoka a li omukuluntuwiliki gwa Avid Investments Corporation okwa si koshilalo shoholo ndjoka ye mu yaha montulo ongulohi yeti 24 Aguste pOsasiona yOpolisi mOvenduka omanga e li momake gOpolisi.Okwa li a dhitikwa konima sho a ningilwa oshipotha shuulingilingi sho okampani ye ya ndopa okushunitha oshimaliwa shoomiliyuna omilongo ndatu (N$30 million) shoka a li a pewa a pungule okuza ku Social Security Commission (SSC) mu Januali nuumvo.Pahokololo lyOpolisi, okwa fa a mono ondjembo ndjoka pethimbo a li a thindikilwa kegumbo lye mOvenduka opo a ka tale iinguma, omiti niikutu ye konima sho a dhitikwa.Ongulohi ndjoka, Kandara okwa li nee a thindikilwa ku Hilundwa, Kantema na Tjitemisa.Sheehama oye a gandja elombwelo kaanambelewa moshikondo she kutya naya thindikile Kandara kegumbo lye a ka konge iinima mbyoka ta popi.Aanambelewa mboka yOpolisi ayehe yane oya li ya kuthwa miilonga okuza momasiku 13 Septemba palombwelo lya Ndeitunga.Inspekta-Ndjayi okwa popi niitya ye mwene ta ti: “Oshinima osha ningwa nuuhasha sho aanambelewa ya ndopa okugwanitha po iinakugwanithwa yawo pethimbo lyiilonga, sho ya etha omufekelwa a kuthe ondjembo ndjoka a ka longitha okwiidhipaga.”Sheehama okwa li a kondjitha etokolo ndyoka nokuninga eindilo lyomeendelelo mOmpangu yOpombanda nokusindana po oshipotha shoka sho Omupanguli Anel Silungwe a ningi etokolo kutya na shunithwe miilonga.Omatompelo mokuninga etokolo ndika kOmupanguli oya tulwa owala puuyelele oshiwike sha zi ko.Oga ukile ngeyi kutya otashi vulika Hilundwa, Kantema na Tjitemisa oye na ompito ombwaanawa yokudhenga mo Inspekta-Ndjayi ngele oya fala oshipotha shika mOmpangu.Omupanguli Silungwe okwa popi kutya molwashoka Sheehama ina pewa ompito okuholoka komeho gokakomitiye komazulo nokugandja ombinga ye moshinima shika, otashi pelwa Inspekta-Ndhayi ombedhi.Omupanguli ta ti ngeyi kutya oshi li mondjila okugandja ompito kominambelewa ngoka ta kuthwa miilonga pakathimbo a kale a gandja ombinga nomatompelo ge kutya omolwashike ke na okupewa uusama nokukuthwa miilonga pakathimbo.Ashike nando ongaaka, opu na oompito dhilwe moka omunambelewa ta vulu okukuthwa miilonga pwaa na okuholoka komeho gokakomitiye komazulo, ashike shika otashi vulu owala okuningwa ngele oshi li muuwanawa wEtanga lyOpolisi, oveta tayi yelitha ngaaka.Ekutho miilonga lya Sheehama ngoka a kuthwa miilonga konima yomasiku omilongo mbali konima yeso lya Kandara otashi vulika ku tiwe kutya ekutho miilonga lyomeendelelo ndyoka Inspekta-Ndjayi ita vulu okugandja ompito ku Sheehama a gandje ombinga ye, Omupanguli ta popi.”Ngele nani Inspekta-Ndjayi ota vulu okutegelela ethimbo li thike mpoka ku ningwe omakonakono, nena otwa li wo ethimbo okugandja ompito ku Sheehama a holoke komeho gokakomitiye komazulo,” Silungwe ta popi.