Oonakudhipaga omupashiyoni Omundowishi kaye wetike natango

K ONIMA yomasiku gatatu sho omupashiyoni gwOmundowishi a yahwa okusa mondjila onene ya Daan Viljoen pondje ya Venduka, Opolisi sigo ohela inayi dhitika natango omuntu shi na sha nedhipago ndika.

Olukongo lwOpolisi ndyoka lwa kala lwa tsimika ontsi mpaka naampeyaka, olwa hulile muunyengwi sho ina ku dhitikwa nando omufekelwa moshinima shika nando nee okwa lopotwa ngeyi kutya gumwe gwomaafekelwa yaali moshipotha shika, okwa ehamekwa. Omunamimvo 56 Fellinger okwa yahwa iipundjamenye konima sho aalumentu yaali ya holokele pu yo konima owala sho ya thikameke ohauto yawo ndjoka ya li ya thitha (ya hiila) opo andola ya thaneke omathano gawo pehala mpoka nomukulukadhi gwe Elke gwomimvo 52.Otaku popiwa ngeyi kutya aapashiyoni mbaka oya li ya thikama pehala limwe lyoondundu momudhongoloko gwa Khomas Hochland.Aniwa aafekelwa mboka oyali ya ponokele omukulukadhi gwe ngoka a li a kuutumba mohauto pethimbo ndyoka nokwa li a kambadhala okumupopila sho a yahwa ngaaka momutse.Aniwa aayugi mboka oya londeke omudhimba gwa nakusa mohauto pamwe nomukulukadhi gwe nokuhinga oshinano oshishona omanga inaye gu umbila momulamba gumwe lwaahoka.Okuza mpoka, aafekelwa mboka oya hingi ohauto tuu ndjoka sigo okofaalama yedhina Okariro hoka ya ka mona nee ompito okuhadhagula miinima yaapashiyoni mboka.Oya li wo ya zala miikutu yomupashiyoni ngoka nokufika po iikutu yawo mbyoka ya li ya zalala pethimbo ya longo iikuluma mbika nelalakano okuhanagula po uumbangi moshipotha shika.Aafekelwa mboka oya li nee ya monika kumwene gwofaalama ndjoka nokwa tameke okuya tidha oshinima shoka sha ka eta mpoka omuhingi gwohauto ndjoka yaapashiyoni a kanithe okondolola nokuyi galangatitha pondalaye yondjila yoku ya Otjimbingwe.Omukulukadhi gwa Fellinger okwa li nee a ehamekwa kashona pethimbo lyoshiponga shika nokwa taambelwa moshipangelo shopaumwene sha Katoolika ka Roma mOvenduka.Aafekelwa mboka gumwe a ehamekwa, oye shi pondola okufadhuka po koompadhi nokuthiga mpoka oombistoli mbali nokaradio kotatokitoki, omupopiliko gwOpolisi Stephanus Nuuyi ta popi ngaaka mEtiyali lyoshiwike shika.Aniwa pethimbo ya longo iikulumuna mbika, oya li ya zala iikutu yomambadhi.Omunamimvo 56 Fellinger okwa yahwa iipundjamenye konima sho aalumentu yaali ya holokele pu yo konima owala sho ya thikameke ohauto yawo ndjoka ya li ya thitha (ya hiila) opo andola ya thaneke omathano gawo pehala mpoka nomukulukadhi gwe Elke gwomimvo 52.Otaku popiwa ngeyi kutya aapashiyoni mbaka oya li ya thikama pehala limwe lyoondundu momudhongoloko gwa Khomas Hochland.Aniwa aafekelwa mboka oyali ya ponokele omukulukadhi gwe ngoka a li a kuutumba mohauto pethimbo ndyoka nokwa li a kambadhala okumupopila sho a yahwa ngaaka momutse.Aniwa aayugi mboka oya londeke omudhimba gwa nakusa mohauto pamwe nomukulukadhi gwe nokuhinga oshinano oshishona omanga inaye gu umbila momulamba gumwe lwaahoka.Okuza mpoka, aafekelwa mboka oya hingi ohauto tuu ndjoka sigo okofaalama yedhina Okariro hoka ya ka mona nee ompito okuhadhagula miinima yaapashiyoni mboka.Oya li wo ya zala miikutu yomupashiyoni ngoka nokufika po iikutu yawo mbyoka ya li ya zalala pethimbo ya longo iikuluma mbika nelalakano okuhanagula po uumbangi moshipotha shika.Aafekelwa mboka oya li nee ya monika kumwene gwofaalama ndjoka nokwa tameke okuya tidha oshinima shoka sha ka eta mpoka omuhingi gwohauto ndjoka yaapashiyoni a kanithe okondolola nokuyi galangatitha pondalaye yondjila yoku ya Otjimbingwe.Omukulukadhi gwa Fellinger okwa li nee a ehamekwa kashona pethimbo lyoshiponga shika nokwa taambelwa moshipangelo shopaumwene sha Katoolika ka Roma mOvenduka.Aafekelwa mboka gumwe a ehamekwa, oye shi pondola okufadhuka po koompadhi nokuthiga mpoka oombistoli mbali nokaradio kotatokitoki, omupopiliko gwOpolisi Stephanus Nuuyi ta popi ngaaka mEtiyali lyoshiwike shika.Aniwa pethimbo ya longo iikulumuna mbika, oya li ya zala iikutu yomambadhi.