Oonakudhipaga Kanyemba poDorado ya pewa obooloha

A LUMENTU yatatu mboka taya tamanekelwa oshipotha shokudhipaga omuntu nomakatana oya pewa oobooloha mOmaandaha konima sho ya holoka mOmpangu ya Mengestrata mOvenduka.

Otaku popiwa kutya mboka ya pewa obooloha moshipotha shika oshinene oyo nee: Morne Buys (gwomvula 18), Anthony Du Plessis gwomimvo 19 na Quinton Martin Collin (gwoomvula 20) mboka ya li ya dhitikwa omutenya gwEtitano lya zi ko nokuningilwa oshipotha. Aalumentu mboka oye li mongundu yaalumentu yaheyali mboka taya tamanekelwa oshipotha shokudhipaga Shipandeni Kanyemba gwomimvo 31 ngoka a dhipagelwa polukanda lwa Dorad Park mOvenduka ongulohi yOmaandaha goshiwike sha zi ko.Otaku popiwa ngeyi kutya Kanyemba okwa tetagulwa nomakatana sigo omeso.Aafekelwa yalwe mbeyaka yane uunona uushona na itau vulu okutumbulwa komadhina.Pethimbo ya holoka mOmpangu ya Mengestrata ngaaka mEtitano, uunona mboka owa li wa mangululwa nokutulwa metonatelo lyaakuluntu nosho wo lyaatonateli yawo nowa holoka wo mOmpangu mEtiyali lyoshiwike shika.Aafekelwa mbeyaka yatatu oya li ya pewa obooloha yoondola/N$1 000 mu kehe mEtiyali.Oshipotha shika osha tsilikwa sigo ongula mEtitano opo omuhungimwenyo a kale nompito yokukonakona uunona uushona mboka wa kutha ombinga moshipotha shika.Aniwa aalumentu mboka yaheyali oya ponokele Kanyemba pethimbo a li ta ende pamwe nomumwayinamati mepandaanda lya Victoria molukanda lwa Dorado Park mOvenduka.Omumwayinamati okwe shi pondola okufadhuka po aaponokeli nokukahupitha omwenyo gwe.Aafekelwa ayehe mboka yaheyali, oya li ya dhitikwa nokutulwa miipandeko mEtitano lya zile ko (29 Juni).Aalumentu mboka oye li mongundu yaalumentu yaheyali mboka taya tamanekelwa oshipotha shokudhipaga Shipandeni Kanyemba gwomimvo 31 ngoka a dhipagelwa polukanda lwa Dorad Park mOvenduka ongulohi yOmaandaha goshiwike sha zi ko.Otaku popiwa ngeyi kutya Kanyemba okwa tetagulwa nomakatana sigo omeso.Aafekelwa yalwe mbeyaka yane uunona uushona na itau vulu okutumbulwa komadhina.Pethimbo ya holoka mOmpangu ya Mengestrata ngaaka mEtitano, uunona mboka owa li wa mangululwa nokutulwa metonatelo lyaakuluntu nosho wo lyaatonateli yawo nowa holoka wo mOmpangu mEtiyali lyoshiwike shika.Aafekelwa mbeyaka yatatu oya li ya pewa obooloha yoondola/N$1 000 mu kehe mEtiyali.Oshipotha shika osha tsilikwa sigo ongula mEtitano opo omuhungimwenyo a kale nompito yokukonakona uunona uushona mboka wa kutha ombinga moshipotha shika.Aniwa aalumentu mboka yaheyali oya ponokele Kanyemba pethimbo a li ta ende pamwe nomumwayinamati mepandaanda lya Victoria molukanda lwa Dorado Park mOvenduka.Omumwayinamati okwe shi pondola okufadhuka po aaponokeli nokukahupitha omwenyo gwe.Aafekelwa ayehe mboka yaheyali, oya li ya dhitikwa nokutulwa miipandeko mEtitano lya zile ko (29 Juni).