Oompanda onkene tuu tadhi dhipagwa

NANDO opwa tulwa omilandu dha kwata miiti dhokukeelela uukongo woompamda waa li paveta, sigo onena onkene ngaa oompanda tadhi dhipagelwa moshikunino shiinamwenyo mEtosha.

Omupopiliko gwopolisi Kauna Shikwambi okwa koleke kwi itsuwa iipongolo yoompanda mbali, dha dhipagwa ee ta dhi kuthwa ooniga.

Iipongolo oyi itsuwa lwomUumbangalantuninginino wEtosha. Paye, iipongolo oyi itsuwa petameko lyoshiwike sha zi ko.

Ndhika Shikwambi okwe dhi koleke mEtitano lyoshiwike sha zi ko. Shikwambi okwa yelitha wo kutya iipongolo oya adhika pokati kokandjila koondhila noRenostervlei lwokuuninginino wEtosha. Ooniga dhiithitukuti ayihe odha tetwa ko.

Shikwambi okwa ti yimwe yomoompanda ya dhipagwa onzinzi ya li ya tetwa ooniga kuuministeli womidhingoloko, ihe aakongo oye yi dhipaga nokuteta ko ethindi lyoniga ndyoka lya hupile po. Okwa holola wo kutya ompanda ndjoka ya dhipagwa oya li nokampandona hoka ka li ka ke wetike.

Olutu lwompanda onkwawo ndjoka inayi tewa ooniga kwa li olwi itsuwa mEtiyali, noonigadho odha tetwa ko.Nando inapu tulwa nando olye miipandeko molwiiningwanima mbika iyali, omakonaakono gopolisi otaga tsikile, Shikwambi ta yelitha.

Pamayalulo guuministeli womidhingoloko, oompanda 79 odha dhipagwa muukongo waa li pautho. Omiyalu dhika odha kwatela mo oompanda mbali dhi itsuwa oshiwike sha zi ko, nodhindji dhomoompanda odha dhipagelwa mEtosha.

Omvula ya zi ko, oompanda 25 odha dhipagwa shaa li paveta, tashi holola kutya iipotha yedhipago lyoompanda otayi lundalala noonkondo okuyelekanitha niipotha ine mo2013, iyali mo2012 nashimwe mo2011.

Uuministeli womidhingoloko owa tula poN$60 000 ongolupandu kungoka ta gandja uuyelele tawu vulu okukwatitha po nokumangitha po aakongi yoompanda muulingilingi.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.