Oomiliyuna dha ODC odhi li peni?

NATANGO Okampani ya Off-shore Development Company (ODC) inayi hala okupopya ngele opwa ningwa sha shomupundo molukongo lwoshimaliwa shOondola oomiliyuna ethele ndhoka ya li ya gandja kOkampani ya Great Triangle.

Ngashiingeyi opwa piti omwedhi nomasiku gaali, ODC a maka ko ashike kombinga yoshinima shika. Momaandaha goshiwike shika, Uuministeli wIipindi nIikwafaabulika owa li wa pititha omushangwa, moka wa popu kutya Epangelo olya tala ko oshinima shika ong’oshinima oshinene noonkondo.Uuministeli mbuka owa uveneke kutya oshigwana niikundaneki otaya ka tseyithilwa, uuna pwa holoka sha kombinga yoshinima shika.Nande ongaaka, omushangwa kamu naanaa sha oshipe na ogwa fa ashike gwa shangululwa mu mu ngoka Ewilikongundu lya ODC lya li lya pititha iiwike ine ya piti po.Mu ngoka omukulo, namo omwa li wo mwa shangwa kutya oshigwana otashi ka tseyithila uuna pwa holoka sha kombinga lyomakonakonokongo goshimaliwa shika ihe okuza mpoka, oshigwana ina shi tseyithilwa sha sigo nena.Okuza momumvo 2003, ODC okwa pungula oshimaliwa sha kondola pOondola oomiliyuna omilongo omugoyi nomugoyi mOkampani ya Great Triangle.Nande ongaaka, kapu na nande oshimaliwa shomoshimaliwa shika sha galulilwa ODC.Oku niwe eitaalo ndika kutya shimwe shomoshilaiwa shika osha li sha zi mOkampani ya Namibia Development Corporation (NDC) nokUuministeli wIipindi nIikwafaabulika wowene.Omakonakono ga manguluka ga ningwa kOshifo shika, oge shi mono mo kutya nonande oondokumende dhOkampani ya Great Triangle otaku popiwa dhi li mu Botswana, moshilogngo shika kayi na Ombelewa.Shika osha faathana wo nokoSouth Afrika, hoka omulumentu ngoka taku popiwa kutya oye omutse omunene gwayo, Philip Fourie, ta ku popiwa kutya oko e li.Otaku popiwa kutya Fourie okwa li a lopotelwa iikoya yuulunga oomvula dha zi ko.Fourie okwa li aniwa a ‘mbendanga’ ong’Omuwilikikuluntu gwOlaata yEgandjo lyOmeya ya Amatola Water Board oomvula ntano dha piti po, manga kwa li ta ku ningwa oonkambdhala oku mu pula-pula kombinga yomapopyo kutya okwa li a hala okuyaka po iilongitho ya Amatola Water Board yi na ongushu yOondola obiliyuna yimwe oshinkwanu hamano.Sho a li a pulwa koshifokundaneki shokuSouth Afrika sa Daily Dispatch kombinga yoshimaliwa sha ODC, Fourie okwa ti ke na mo sha moshinima shika ihe Tertius Theart oye a li omutse omunene musho.Sho a pulwa, Theart okwa tindi okukomenda.Pa manakonakono ga ningwa po mu South Afrika, Fourie na Theart oya li aawiliki mOokampani 13.Sho Oshifo shika sha shengele ongodhi Omuanshipundi gwEwilikongundu lya ODC Gerdus Burmeister, osha lombwelwa kutya Burmesiter oku li mefudho.Omuwilikikuluntu gwa ODC Abdool Aboobakar naye sigo oku li mefudho.Amushanga omukuluntu mUuministeli wIipindi Andrew Ndishishi okwa ya pondje yoshilongo.Omunavetakalelipo gwa ODC Andrew Theunissen, naye ota ku popiwa kutya oku li pondje yoshilongo.Nonande omushangwa gwUuminiseli mbuka inagu tya sha ngele ODC ota ningi omakonakono gomeni ku talike kutya olye a gandja oshimaliwa shika ku Great Triangle, Uuministeli owa popi ngaa kutya ngoka ta ka monika a ningi oshinima shi li pondje yooveta dhOkampani nenge dhoshigwana (megandjo lyoshimaliwa shika) ota ka katukilwa onkatu.Momaandaha goshiwike shika, Uuministeli wIipindi nIikwafaabulika owa li wa pititha omushangwa, moka wa popu kutya Epangelo olya tala ko oshinima shika ong’oshinima oshinene noonkondo.Uuministeli mbuka owa uveneke kutya oshigwana niikundaneki otaya ka tseyithilwa, uuna pwa holoka sha kombinga yoshinima shika.Nande ongaaka, omushangwa kamu naanaa sha oshipe na ogwa fa ashike gwa shangululwa mu mu ngoka Ewilikongundu lya ODC lya li lya pititha iiwike ine ya piti po.Mu ngoka omukulo, namo omwa li wo mwa shangwa kutya oshigwana otashi ka tseyithila uuna pwa holoka sha kombinga lyomakonakonokongo goshimaliwa shika ihe okuza mpoka, oshigwana ina shi tseyithilwa sha sigo nena.Okuza momumvo 2003, ODC okwa pungula oshimaliwa sha kondola pOondola oomiliyuna omilongo omugoyi nomugoyi mOkampani ya Great Triangle.Nande ongaaka, kapu na nande oshimaliwa shomoshimaliwa shika sha galulilwa ODC.Oku niwe eitaalo ndika kutya shimwe shomoshilaiwa shika osha li sha zi mOkampani ya Namibia Development Corporation (NDC) nokUuministeli wIipindi nIikwafaabulika wowene.Omakonakono ga manguluka ga ningwa kOshifo shika, oge shi mono mo kutya nonande oondokumende dhOkampani ya Great Triangle otaku popiwa dhi li mu Botswana, moshilogngo shika kayi na Ombelewa.Shika osha faathana wo nokoSouth Afrika, hoka omulumentu ngoka taku popiwa kutya oye omutse omunene gwayo, Philip Fourie, ta ku popiwa kutya oko e li.Otaku popiwa kutya Fourie okwa li a lopotelwa iikoya yuulunga oomvula dha zi ko.Fourie okwa li aniwa a ‘mbendanga’ ong’Omuwilikikuluntu gwOlaata yEgandjo lyOmeya ya Amatola Water Board oomvula ntano dha piti po, manga kwa li ta ku ningwa oonkambdhala oku mu pula-pula kombinga yomapopyo kutya okwa li a hala okuyaka po iilongitho ya Amatola Water Board yi na ongushu yOondola obiliyuna yimwe oshinkwanu hamano.Sho a li a pulwa koshifokundaneki shokuSouth Afrika sa Daily Dispatch kombinga yoshimaliwa sha ODC, Fourie okwa ti ke na mo sha moshinima shika ihe Tertius Theart oye a li omutse omunene musho.Sho a pulwa, Theart okwa tindi okukomenda.Pa manakonakono ga ningwa po mu South Afrika, Fourie na Theart oya li aawiliki mOokampani 13.Sho Oshifo shika sha shengele ongodhi Omuanshipundi gwEwilikongundu lya ODC Gerdus Burmeister, osha lombwelwa kutya Burmesiter oku li mefudho.Omuwilikikuluntu gwa ODC Abdool Aboobakar naye sigo oku li mefudho.Amushanga omukuluntu mUuministeli wIipindi Andrew Ndishishi okwa ya pondje yoshilongo.Omunavetakalelipo gwa ODC Andrew Theunissen, naye ota ku popiwa kutya oku li pondje yoshilongo.Nonande omushangwa gwUuminiseli mbuka inagu tya sha ngele ODC ota ningi omakonakono gomeni ku talike kutya olye a gandja oshimaliwa shika ku Great Triangle, Uuministeli owa popi ngaa kutya ngoka ta ka monika a ningi oshinima shi li pondje yooveta dhOkampani nenge dhoshigwana (megandjo lyoshimaliwa shika) ota ka katukilwa onkatu.