MINISTA gwomahangano gepangelo, Leon Jooste, okwa gandja elombwelo opo ongundu yoomenindjela mboka ya kuthwa miilonga pakathimbo mehangano lya yama kepangelo lyo-National Housing Enterprise (NHE) ya shunwe miilonga mbala.
Uuyelele mboka owu li momukanda ngoka Jooste a tumine minista goondolopa nomahumokomeho gokomikunda, Erastus Utoni, gwomasiku 30 Auguste 2021.
Oomenindjela mboka ye li yane oya kuthilwe miilonga pakathimbo muApilili, omanga taya ningilwa omakonakono. Oyo nee Ntelamo Ntelamo (amushanga gwehangano), Eric Libongani (gwoshimpungu shomakwatathano nomapindiko), Chris Baisako (gwomauyelele gopaungomba) osho wo Beverly Vugs (gwoshimpungu shiimaliwa). Oye li oshitopolwa shoomenindjela yaheyali mboka omasiku ga piti ya li yi indile minista goondolopa nomapendulopo gokomikunda a ningile omakonakono elelo lyehangano ndyoka lyoNHE.
Jooste, mombapila ndjoka ya monika koThe Namibian, okwa popi kutya eshuno miilonga lyoomenindjela mboka olya landula oshizemo sholopota ndjoka yi na sha nomatokolo ga ningwa kombinga yomananathano ngoka ge li pokati kelelo lyoNHE osho wo oomenindjela mboka ya li ya kuthwa miilonga pakathimbo.
“Opo ku yandwe iilanduli ya gwedhwa po, onkatu yotango otayi kala yomukuluntuwiliki a shune mo oomenindjela mboka mbala ngaashi tashi popilwa ponomola 5.2,” osho a shangele Uutoni ngaaka.
Jooste okwa popi wo kutya ekutho miilonga pakathimbo osho wo ethimbo lya kuthwa okuninga omatokolo pokati komananathano melelo lyehangano ndyoka, oshinima tashi shunitha pevi ehumokomeho lyehangano.
“Oto tsu kumwe okutokelwa mokumanitha oshinima shoka, osha guma nayi iilonga yoNHE noonkambadhala nadhi ningwe ko ku tulwe miilonga omapopilo,” osho a popi ngaaka.
Minista okwa yambidhidha wo omapopilo ngoka ge li molopota.
“Sho nda lesha olopota nokutaamba ko omapopilo, kandi wete pu na etompelo lya sha tali imbi, onkene otandi yambidhidha lela omapopilo ngoka ge li molopota,” osho a gwedha po ngaaka.
Jooste okwa lombwele oThe Namibian tati: “itandi ikala uushili wu li mo ashike inandi gandja epitikilo po shi andjaganekwe”.
Oomenindjela mboka yaheyali oya pula Uutoni naJooste kaaya gandje we epopilo lyokontalaka komukuluntuwiliki opo a tsikile niilonga.
Pauyelele wa zi koomenindjela, omukuluntuwiliki Gisbertus Mukulu ke na ontseyo ya gwana yiilonga yokulela ehangano ndyoka.
Oya popi kutya Mukulu okwa kala ta shongolitha iilonga moNHE molwashoka iha ningi omatokolo ye ishewe oha kala nokuundulila komeho omatokolo.
“Omukuluntuwiliki ke na ontseyo yuuleli tawu pumbiwa mokuyambula po elalakano lyoNHE. Moshinima shika, okwa li a ningilwa omapekapeko nokwa li ga futilwa koNHE, ngoka ga koleke kutya ke na ontseyo yuuleli woHE,” osho omukanda gwawo gwa shangwa ngaaka.
Oomenindjela oya gwedha po kutya Mukulu okwa ndopa mokukwandjangela omashongo gomoNHE.
Oya popi kutya omolwelelo lyaMukulu lya nkundipala ehangano lyoNHE olya ndopa okwa adha omalalakano gawo omanene – okukokeka embo lyomikuli osho wo okutungitha omagumbo ge li 1 250.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
