Oohapu kombinga yokangwena

EHANGANO lyoengineer lya Buhrmann nooyakwawo olya ti ota li ka futitha Greenfields Sport Turf System, konima sho ndika lya ti aniwa okapale komaudhano ka Sam Nujoma moKatutura okena omashongo gopakutungwa nogopakuthikama kwako.

Aaenginiya oyo ya li noshinakugwanithwa shokutunga okapale haka , ta ku tiwa ku Greenfields kutya aniwa otaka tekauka po.Ehangano ndika ha li longo uungwena wopaunongononi, olya shangele ombapila komunambelelwa omukuluntu melelo lyoshilando sha Venduka,Niilo Taapopi ta li ti molwaashoka okapale okena uupyakadhi wopakutungwa nokuthikama kwako , shika osha gumu opo okudhanenwa kwako ku kale kaaku li nawa unene tuu kombinga yokangwena hoka koplastica.’Onkene tse otwa tokola pamwe nelongelokumwe noFIFA opo tu kuthe mo okangwena haka.Ota tu ka fala pokapale hoka keli poombelewa dhe wiliko lyetanga,’ osho ombapila ndjoka ya nyolwa ku Sophocles Sophocleous omukuluntu gwa Greenfields ati. O The Namibian oya shangele ehokololo ndika kombinga yomapopyo ga Greenfield mo 26 Jamuary nuumvo.Burhmann oshiwike shika okwa pangula omapopyo ga Greenfields a ti ngaka kage na uumbangi washa wopauinginiya, na owo ashike wokunyateka edhina ewanawa lyehangano ndika.’Otuna uuthemba oku pula opo mu fute omolwaashoka omwa nyateke edhina lyetu nomipopyo dheni kaadhina omakankameno nokaadhina uushili.’ Otatu mu kwashilipaleke kutya itatu pitika oshinima shika shikale ngeyika na otatu longo ngaashi tatu vulu , mwa kwatelwa nokumufala kompangu opo tu gamene edhina lyetu neithano lyetu,’ Peter Roland oshilyo shimwe sha Burhmann a shangele Greenfields mombapila yomo 27 January 2010.Sophocleous okwa yamukula ombapila ndjika mu 29 January 2010 sha pitile mo internet ta ti ye kena esiku a popile kutya oku na uunongo washa wopainginia, ando sha pitile moshifo, ndele ye okwa popi newiliko lyaVenduka, konima sho ehangano lye lya konakona okapale.’Kalya li elalakano lyetu opo tu nikanike eithano lyeni nenge ongushu yiilonga yeni:’Sophocleous a yamukula Burhmann.Okwa ti nkene ombapila ndjika yeende opo yi ye koshifo kayishi iilonga ye.Sophocleous okwa ti omipopyo odha ningwa pokati ke nelelo lya Venduka ongo oshinima shekwatathano lyomeni, pokati kehangano lye nelelo lyoshilando sha Venduka.’Tse otwi ilongekidha okutalelapo oVenduka kuyele nookuli opo tu kundathaneni oshinima shika tse tu gandje omaiuvo getu.’Ndele meyamukulo ndyoka Roland a gandja mu Febuluwali okwa ti ‘ngele ino galula ko oshishangwa shoye mbala, na ino ninga eyopaleko lyaashika moshifo sho The Namibian ta shi pitile ishewe melelo lyoshilando sha Venduka, tse otatu ka konga oompito dhimwe opo tu vule okwoopaleka edhina lyetu nonkalo yetu ndjoka ya nyatekwa’Roland okwa ti sigo ometine ka li a mona eyamukulo okuza ku Sophocleous.Omupopiliko gwoshilando sha Venduka, Liz Sibindi okwa ti pawiliko lyoshilando yo ina ya mona omapuko ngoka taga popiwa ku Sophocleous, taga imbi ando opo aadhani kaaya dhane nawa kokangwena kopaunongononi, hoka ando.Okwa ti omanga okangwena haka kali inaaka tulwa mo, aataleli ya Fifa oya ningile etalelo no ya tile okapale haka oke li nawa no ta ka vulu okutulwa okangwena koludhi ndoka.Sibindi okwa ti oya tegelela natango omushangwa hokololo tagu zi ku Greenfields kombinga yekonakono lyawo.Okapale haka oka tungithwa koodola oomiliona 64 nohaka kuutumba aatali 10 300, oka manenwe okutungwa mo 2005.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.