EHANGANO lyuumbesa nuutekisa lya Namibia[NABTA] olya londodha kutya aafaalelwa miiyenditho mbyoka otaya ka kala moshiponga ngele oofuto ndhoka ha ya futile oshipundi okufaalelwa hoka taya yi, inadhi gwedhelwa.
Omuwiliki gwa Nabta, Magnus Nangombe okwa ti aanuumbesa nuutekisa otaya longo noku kanitha iimaliwa pethimbo ndika, omolwashika oye na uudhigu okukaleka iiyenditho yawo monkalo ombwanawa .Ndika olyo limwe lyomomatompelo ngoka omuwiliki gwaNabta a gandja okupopila ethaneko lyehangano lye oku gwedhela oofuto dhuumbesa nuutekisa moshilongo. Egwedhelo lyoofuto otashi vulika li ka tseyithwe pehulilo lyomwedhi nguka.Nangombe okwa gandja uusama kOshikondo shIilonga niiyenditho shoka sha pula Nabta opo aluhe a pule epitiko uuna ahala okugwedhela oofuto dhuumbesa. Nangombe okwa ti opwa fa pena eitaalo kutya yo oyena okupula epitikilo opo ya gwedhele oofuto dhoombesa nootekisa. Amushanga gwopevi gwiiyenditho mOshikondo shiiyenditho, Philip munyela okwa ti Nabta okuna okupula epitikilo opo a gwedhele oofuto dhootekisa nuumbesa. Shika oku na okushininga molwaashoka oombapila dhokuhumbata aantu miiyenditho yatya ngaaka ohadhi gandjwa kOshikondo she, onkene shika osho woo shina okugandja uuthemba wegwedhelo lyoofuto. Amunyela okwa ti kapena ompito yimwe aanumbesa nuutekisa ta ya vulu oku gwedhela oofuto inaa ya kundathana nuuministeli mbuka.Okwa ti ishewe ewiliko ndyoka ka li na uuthemba washa oshoka oshikako shalyo shuuwiliki osha hulapo nale. Omanga Nangombe okwa ti oye natango omuperesidende gwehangano ndyoka sigo uuna ndoka pwa ningwa oshigongi oku hogolola ewiliko epe.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
