Oodemoni onkee tadhi piyaganeke natango pOsikola ya Mumbwenge

O NKALO ombwinayi lela ndjoka ya adhele Osikola ya Mumbwenge popepi nOshigambo mOndonga mOshitopolwa sha Hangwena mu Juli gwomvula ya zi ko, yOodemoni tadhi idhenge maanasikola onkee tayi tsikile nonuumvo nokupiyaganeka aanona pOsikola mpoka.

Omuwiliki gwElongo omusamane Josia Udjombala pamwe nOmupeha gwe meme Martha Shikalakuti-Immanuel nosho wo Omutalelisikola gwOshikandjo shoka sha Ndobe tate Likius Nakamwe, oya li ya talele po Osikola ndjika ya Mumbwenge mEtine lyoshiwike sha zi ko nokuninga oonkundathana nElelo lOyosikola ndjoka mewiliko lyomunashipundi bgwalyo tate Jason Awene nOmukuluntusikola pOsikola mpoka meme Helena Makili. Tate Awene na meme Makili taya lombwele Osheendo shOmuwiliki gwElongo kutya oye na uupyakadhi woombepo dha nyata dhe ya adha mu Juli omvula ya zi ko noya li ya ningi oonkembadhala mpeyaka naamepeyka ngashi nomagalikaneno, ihe inashi pondola sha onkalo onkee tayi tsikile noya yaga nokuli kegonga pethimbo ndika.Taya ti kutya oya ningile Oshigongi shaavali omasiku ga zi ko nokukundathana oshinima shika.Taya ti kutya oshigongi shoka osha li sha ningi ethaneko kutya ngele uupyakadhi mbuka itau hulu nani, nena Osikola nayi pate shapo.Oshigongi shaavali osha li wo aniwa sha gandja uusama kOmutaleli gwElongo mOshikandjo shawo tate Nakamwe ngoka aniwa hela osikola ndjoka ya adhika kuupyakadhi mboka, ine yi talela po nande esiku limwe.Oshigongi tashi thaneke kutya shapo Mumbwenge naze ko koshikandjo sha Ndobe.Kwaashika Udjombala okwa ti kutya naya ethe po edhilaadhilo ndjoka.Itashi vulika.Udjombala te ya lombwele wo kutya uupyakadhi woposikola yawo okwe wu uva nowa kala tau piyaganeke omwenyo gwe nogwElongo alihe mOshikandjo nomOshitopolwa.Te ya lombwele kutya ngele osho tashi yi ngeyi, ote ya pe ashike iiwike iyali, notashi vulika a kaninge etokolo a pate osikola ndjoka manga nokulundululila aanasikola naalongi koosikola dhilwe shapo.Meme Makili ta lombwele tate Udjombala nosheendo she kutya nonando ya kala ya ithana aasita yOongeleka dhi ili nodhi ili monkembadhala yokumweneka oombepo dhanyata ndhika, onkee ashike tadhi tsikile niilonga yadho yokupiyaganeka aanasikola yomoongundu dhimwe posikola mpoka.Meti 29 Novemba omvula ya zi ko meme Makili ota ti kutya Omusita Petrus George, ngoka a uvu onkundana yonkalo yoombepo dhanyata tadhi hepeke uunona pu Mumbwenge Combined, okwe ya talele po nelalakano lyokugalikanena aanona mboka ya ethiwe koombepo ndhika dha nyata.Sho a thiki mpoka, engungo enene lyaavali, aalongisikola naanona olye ya kuye nokugalikana pamwe.Manga ta galikana wo uunona mboka hau kambuka koombepo dha nyata, owa tameke okukambuka tau ihata po, tau kugu nokukambuka.Sho wa zi mo mokukambuka moka owa tameke tau tidha aantu noku ya lumata.Omunona gumwe gwomoonakukambuka gwedhina Helena Garoes okwa li a kambuka nokukala a fa a sa ethimbo ele lela.Omusita okwa tameke noku mu galikanena ethimbo ele nashi Helena a penduka mpoka , okwa penduka a piyagana ta ti kutya okuwete iinima yafa aantu ya kulupa taye ya kuye nokukala ta igidha kutya naye mu ethe naye mu ethe.Ta galikana ku Kalunga a holole mboka taye mu piyaganeke.Sho ngaa nee a kala po hwepo, Helena okwa tameke ta tumbula omadhina gaakalimo yamwe yomOmbalamumbwenge, aanona naakuluntu nomulongisikola, kutya oyo taye mu piyaganeke.Ta ti kutya yamwe okwe ya mono taye mu pe omahini noshithima, omanga yamwe taye mu pe osuuka, oonguyo, oongaku nuuleke, yo yamwe taye mu yolo.Konima sho a popi ndhoka, okwa kala ishewe nawa nokwa yi kegumbo.Meti 2 Desemba omvula tuu ndjoka ya zi ko, Omusita George natango okwe ya posikola mpoka nokutameka ta galikana.Sho ngaa a mana wo uunona mboka hau kambuka otau tameke okukambuka ishewe.Tau kutha omavi nokufila kombinga noombinga.Omusita okwa lombwele mboka ya li po kutya inaya fadhuka po nande sho taya filwa omavi ngawo, naya mwene ashike.Tau shuna konima nokomeho nokutameka tau tsinine omavi mboka tau ti kutya oyo taye ya piyaganeke.Gumwe gwomaalongwa, ngoka tau ti kutya oye te wu piyaganeke, okwa fadhuka po nowa tameke tau mu tidha noku mu ningila iinima iiwinayi.Sho wa galukile kosikola owa tameke ishewe tau kambuka, tau kugu.Tau kaatumba mongonga, Tau ikwata momake nokutameka tau galikana egalikano lyOmuwa, omanga wumwe wa lala mpoka.Okuza mpoka owa tukuka ishewe nokutameka tau file uukwawo omavi, mboka tau ti kutya owo tau ya piyaganeke noku ya tidha po ayehe posikiola mpoka.Omusamane ngoka ha pata nokupatulula omiyelo dhomuhandjo gwosikola okwa yi noku ke dhi edhila, ye Omusita ta tsikile nokugalikana.Meme Makili ota ti kutya aanona mboka ya li taya kambuka esiku ndjoka oya li ye li omulongo yomu mboka 42 mboka haya kambuka shito.Mokupulakena ayihe mbyoka ya ningwa po, unene tuu okupulakena omahokololo guunona tau dhenge, tau tuku nokulundila yakwawo kumwe naalongisikola, Udjombala okwa indile Omukuluntusikola meme Makili kumwe nElelo lye, a lele nawa Osikola ye nokugwanitha po shoka i inekelelwa, unene shokugandja omageeloputudho kaanasikola nokaalongi mboka tayi ihumbata nayi pOsikola.Udjombala okwa uvithwa wo nayi kElelosikola ndjoka aniwa lya ithana nenge lya kongo ekwatho lyOnganga moshinima shika shoombepo dha nyata.Te ya kumagidha wo ya tale nawa oongeleka ndhoka taya ithana dhi ya galikanene, kutya oondhoka tuu shili dhokon djila nenge oondhoka ashike dha hala okuyelutha po omadhina gadho.”Inandi uva we taku kongwa omakwatho gOonganga momaupyakadhi gOosikola dhetu,” Udjombala ta ti ngaaka.Tate Awene na meme Makili taya lombwele Osheendo shOmuwiliki gwElongo kutya oye na uupyakadhi woombepo dha nyata dhe ya adha mu Juli omvula ya zi ko noya li ya ningi oonkembadhala mpeyaka naamepeyka ngashi nomagalikaneno, ihe inashi pondola sha onkalo onkee tayi tsikile noya yaga nokuli kegonga pethimbo ndika.Taya ti kutya oya ningile Oshigongi shaavali omasiku ga zi ko nokukundathana oshinima shika.Taya ti kutya oshigongi shoka osha li sha ningi ethaneko kutya ngele uupyakadhi mbuka itau hulu nani, nena Osikola nayi pate shapo.Oshigongi shaavali osha li wo aniwa sha gandja uusama kOmutaleli gwElongo mOshikandjo shawo tate Nakamwe ngoka aniwa hela osikola ndjoka ya adhika kuupyakadhi mboka, ine yi talela po nande esiku limwe.Oshigongi tashi thaneke kutya shapo Mumbwenge naze ko koshikandjo sha Ndobe.Kwaashika Udjombala okwa ti kutya naya ethe po edhilaadhilo ndjoka.Itashi vulika.Udjombala te ya lombwele wo kutya uupyakadhi woposikola yawo okwe wu uva nowa kala tau piyaganeke omwenyo gwe nogwElongo alihe mOshikandjo nomOshitopolwa.Te ya lombwele kutya ngele osho tashi yi ngeyi, ote ya pe ashike iiwike iyali, notashi vulika a kaninge etokolo a pate osikola ndjoka manga nokulundululila aanasikola naalongi koosikola dhilwe shapo.Meme Makili ta lombwele tate Udjombala nosheendo she kutya nonando ya kala ya ithana aasita yOongeleka dhi ili nodhi ili monkembadhala yokumweneka oombepo dhanyata ndhika, onkee ashike tadhi tsikile niilonga yadho yokupiyaganeka aanasikola yomoongundu dhimwe posikola mpoka.Meti 29 Novemba omvula ya zi ko meme Makili ota ti kutya Omusita Petrus George, ngoka a uvu onkundana yonkalo yoombepo dhanyata tadhi hepeke uunona pu Mumbwenge Combined, okwe ya talele po nelalakano lyokugalikanena aanona mboka ya ethiwe koombepo ndhika dha nyata.Sho a thiki mpoka, engungo enene lyaavali, aalongisikola naanona olye ya kuye nokugalikana pamwe.Manga ta galikana wo uunona mboka hau kambuka koombepo dha nyata, owa tameke okukambuka tau ihata po, tau kugu nokukambuka.Sho wa zi mo mokukambuka moka owa tameke tau tidha aantu noku ya lumata.Omunona gumwe gwomoonakukambuka gwedhina Helena Garoes okwa li a kambuka nokukala a fa a sa ethimbo ele lela.Omusita okwa tameke noku mu galikanena ethimbo ele nashi Helena a penduka mpoka , okwa penduka a piyagana ta ti kutya okuwete iinima yafa aantu ya kulupa taye ya kuye nokukala ta igidha kutya naye mu ethe naye mu ethe.Ta galikana ku Kalunga a holole mboka taye mu piyaganeke.Sho ngaa nee a kala po hwepo, Helena okwa tameke ta tumbula omadhina gaakalimo yamwe yomOmbalamumbwenge, aanona naakuluntu nomulongisikola, kutya oyo taye mu piyaganeke.Ta ti kutya yamwe okwe ya mono taye mu pe omahini noshithima, omanga yamwe taye mu pe osuuka, oonguyo, oongaku nuuleke, yo yamwe taye mu yolo.Konima sho a popi ndhoka, okwa kala ishewe nawa nokwa yi kegumbo.Meti 2 Desemba omvula tuu ndjoka ya zi ko, Omusita George natango okwe ya posikola mpoka nokutameka ta galikana.Sho ngaa a mana wo uunona mboka hau kambuka otau tameke okukambuka ishewe.Tau kutha omavi nokufila kombinga noombinga.Omusita okwa lombwele mboka ya li po kutya inaya fadhuka po nande sho taya filwa omavi ngawo, naya mwene ashike.Tau shuna konima nokomeho nokutameka tau tsinine omavi mboka tau ti kutya oyo taye ya piyaganeke.Gumwe gwomaalongwa, ngoka tau ti kutya oye te wu piyaganeke, okwa fadhuka po nowa tameke tau mu tidha noku mu ningila iinima iiwinayi.Sho wa galukile kosikola owa tameke ishewe tau kambuka, tau kugu.Tau kaatumba mongonga, Tau ikwata momake nokutameka tau galikana egalikano lyOmuwa, omanga wumwe wa lala mpoka.Okuza mpoka owa tukuka ishewe nokutameka tau file uukwawo omavi, mboka tau ti kutya owo tau ya piyaganeke noku ya tidha po ayehe posikiola mpoka.Omusamane ngoka ha pata nokupatulula omiyelo dhomuhandjo gwosikola okwa yi noku ke dhi edhila, ye Omusita ta tsikile nokugalikana.Meme Makili ota ti kutya aanona mboka ya li taya kambuka esiku ndjoka oya li ye li omulongo yomu mboka 42 mboka haya kambuka shito.Mokupulakena ayihe mbyoka ya ningwa po, unene tuu okupulakena omahokololo guunona tau dhenge, tau tuku nokulundila yakwawo kumwe naalongisikola, Udjombala okwa indile Omukuluntusikola meme Makili kumwe nElelo lye, a lele nawa Osikola ye nokugwanitha po shoka i inekelelwa, unene shokugandja omageeloputudho kaanasikola nokaalongi mboka tayi ihumbata nayi pOsikola.Udjombala okwa uvithwa wo nayi kElelosikola ndjoka aniwa lya ithana nenge lya kongo ekwatho lyOnganga moshinima shika shoombepo dha nyata.Te ya kumagidha wo ya tale nawa oongeleka ndhoka taya ithana dhi ya galikanene, kutya oondhoka tuu shili dhokon djila nenge oondhoka ashike dha hala okuyelutha po omadhina gadho.”Inandi uva we taku kongwa omakwatho gOonganga momaupyakadhi gOosikola dhetu,” Udjombala ta ti ngaaka.