Onyama ya Namibia otayi landwa nawa mu Angola

ANGOLA oku li omaalaka omanene gonyama ya Namibia, Menindjela gwOkatomeno ka Meatco pOshakati, Patrick Liebenberg, osho a popi ngaaka.

Okuza omumvo gwa zi ko, Meatco okwa li a hulitha po okulanditha onyama ku South Afrika konima sho moshitopolwa sha Kavango na Caprivi mwa holoka omukithi gwekondo.
South Afrika oye awike oshilongo hoka Meatco a li ha landitha onyama yiinamwenyo ya za kiitopolwa yokOnooli yoshilongo na sho nee moshitopolwa shika mwa holoka omukithi nguka, South Afrika ka li e a hala onyama ya za hoka.
Shika osha ka eta nee Meatco a tanaukile ku Angola, molwashoka okwa li e na omakondeina ogendji gonyama konima sho South Afrika a tindi okuyi landa po.
‘Omaalaka gonyama mu Angola omanene, ihe opu na wo iilongo yilwe hayi landitha onyama ku Angola ngashi Brazil, Argentina na India, ngoka ha landitha onyama yonyati ku Angola,’ Liebenberg ta popi ngaaka.
Okwa ti iilongo mbika itatu ohayi landitha onyama ku Angola meendelelo, molwashoka oyi li popepo noshilongo shika.
Liebenberg okwa ti eshongo ndyoka ya taalela okuthikitha onyama mbala ku Angola, ihe onkalo otayi ka lunduluka nethimbo.
– Nampa

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.