Ongeleki ya Christian Fellowship Church ya gandwa kOpolisi mOshakati

O POLISI mOshakati oya ulike omunwe Ongeleki ya Christian Fellowship Church noku yi kunkilila kutya inayi kala we nuunona waantu wu li kohi yoomvula 16 nenge kohi yoomvula 18 aavali wawo kaye shi shi.

Ongeleki ndjika, opo ye ya mo mOshakati, kuyele nuumvo, yi li mewiliko lyOmusita omugundjuka gwoomvula omilongo mbali nantano (25) Gebhard Kgobetsy otaku tiwa kutya oya edhilila aanona yepipi li li kohi yoomvula 16 noomvula 18 kashi shiwike kaavali yaanona mboka. Paveta ya Namibia, kapu na omuntu wu na uuthemba woku e edhilila aanona yoomvula dhi li kohi yo 18, waa na epitikilo lyaavali yaanona yatya ngaaka, kutya nee ou kale Ongeleki yontumba.Oshinima shokukala nuunona mbuka megumbo lyOngeleki ndjoka mOshakati oshe ya puuyelele, sho aavali yamwe yomOshakati ya dhidhilike uunona wawo wa kana mo momagumbo nashi ya ningi omapulaapulo, oye shi mono mo kutya ou li kegumbo lyOngeleki ndjoka po Tafel House mOshakatiuninginino.Sho ya yi ko ye ke wu tale ko, uunona wumwe owa tindila ko notau yamukula aakuluntu nenge aavali yawo nayi nomalaka omawinayi ga kanitha evuliko.Aakuluntu mbaka sho ya nyengwa nokukala ye uvitile oshinima shoka nayi, oya yi kOmukuluntu gwOpolisi mOshitopolwa sha Shana Komufala gwOpevi gwOpolisi Ndahangwapo Kashihakumwa noku lopota oshinima shoka.Metitano lya zi ko, Komufala gwOpevi gwOpolisi Kashihakumwa okwa ithana Omusita gwOngeleka ndjoka Kgobetsy, kumwe naavali nenge aakuluntu yuunona mboka nosho wo aatoolinkundana nokulombwela Omusita Kgobetsi, ngoka a li a ende pamwe nomukwathi gwe Nelson Haihambo noku mu lombwela kutya oshinima shoka ta ningi shokukala a edhilila aanona yaantu ye li kohi yoomvula 16 sigo 18 oshi li pondje yOveta ya Namibia na kehe ngoka te shi ningi okwiilongela okukwatwa po kOpolisi, okupatululilwa oshipotha sheyako lyuunona, okupangulwa nokumonika ondjo moshinima shoka e ta pewa egeelo.Omusita Kgobetsi okwa ti kutya ye haye a kutha ko uunona mboka komagumbo.Owe ya kOngeleka wowene sho wa tokola okuza mo momapandaanda nokuya okulandula ondjila ya Kalunga Omushiti gwawo kegumbo lyOngeleka ndjoka.Ano yi ikelele kiikunwa, komilalo nokiinima yilwe iiwinayi hayi adha aanona momapandaanda moka.Ta ti wo kutya naavali yamwe yomaavali mboka ye ya okulopota oshinima shika kOpolisi, oya li ya monathana naye nokutaamba ko wo oshinima shoka shokweedhilila uunona wawo megumbo lyOngeleka yawo ndjoka.Nande ongawo aavali mboka ya li moshigongi moka, oyi ipatana kutya yo inaya gandja uunona wawo kOngeleka ye nenge uuthemba wu kale megumbo lyOngeleka ye.Komapulo galwe e ga pulwa, Omusita Kgobetsi, ngoka a li nale oshilyo shOngeleki Okwakatoolika ka Roma mOvenduka, okwa ti kutya Elongo lyOngeleki yawo, okuninga aantu ya valululwe.Taye ya shashulula noku ya kolekulula.Ashike ye ota ti kutya aantu ite ya shashulula nenge te ya kolekulula.Ote ya sha sha ashike noku ya koleka molwashoka eshasho nekoleko ndyoka ya shashwa nokukolekwa kali shi lyoshili.Lyawo olyo ashike li li moshili molwashoka olya landula shoka sha popiwa mOmbiimbeli, shi na sha neshasho nekoleko.Moshigongi moka omwa li wo Omusita gwOngeleki ya Elcin tate Josef Avia, ngoka a kala ta puku komutse sho Omusita omukwawo Kgobetsi ta fatulula eitaalo lyawo.Aavali ya li moshigongi moka, oya gandja uusama kOmusita Gobetsi nOngeleka ye kutya otaya pukitha oshigwana, unene tuu shoka shokomongula molwashoka otaye shi longo kutya oye na tango okuvulika ku Kalunga opo ihe evuliko lyaakuluntu nenge lyaavali yawo tali landula ko, uuna sha pumbiwa.Aavali otaya ti kutya uunona wawo mboka wu li kegumbo lyOngeleka ndjoka inau hala we okuuva sho taya popi nenge taye wu kumagidha.Owa tanganeka ashike omitse nokupopya shoka wa hala, oshoka owa pewa elongo lyatya ngawo.”Uunona wetu uushona, otamu wu pukitha nayi nelongo lyeni notau kala ashike wu li mombepo, kau shi we mpoka wu li,” aavali mbaka taya lombwele Omusita Kgobetsi.Komufala gwOpevi gwOpolisi Kashihakumwa okwa lombwele nee Omusita Kgobetsi kutya, Opolisi ngeno oya li yahala ngeno oye mu kwata po ashike nale, oshoka okwa taaguluka Oveta yoshilongo, ashike ote mu kumagidha lwa hugunina keshi ninge we nokwe mu lombwele kutya okuza mpoka, mEtitano ndjoka lya zi ko, a kale a shunitha aanona yaantu mboka komagumbo gawo.Omusita Gobesti okwa ti kutya kali e shi shi kwali nokwa uvaneke kutya ote ke wu shunitha komagumbo gaavali naakuluntu yawo.Pokati mpoka, The Namibian okwa kundana kutya uunona wumwe inau hala ko we komagumbo gawo, owa hala okukala pegumbo lyOngeleka mpoka.Nande ongawo Kashihakumwa okwa ti nau shune komagumbo gawo nange Omusita Kgobetsi ite wu nwetha mo wu shune komagumbo gawo, Opolisi otayi mu kwata po noku mu patululila oshipotha shekwatopo neholeko lyuunona waantu.Paveta ya Namibia, kapu na omuntu wu na uuthemba woku e edhilila aanona yoomvula dhi li kohi yo 18, waa na epitikilo lyaavali yaanona yatya ngaaka, kutya nee ou kale Ongeleki yontumba.Oshinima shokukala nuunona mbuka megumbo lyOngeleki ndjoka mOshakati oshe ya puuyelele, sho aavali yamwe yomOshakati ya dhidhilike uunona wawo wa kana mo momagumbo nashi ya ningi omapulaapulo, oye shi mono mo kutya ou li kegumbo lyOngeleki ndjoka po Tafel House mOshakatiuninginino.Sho ya yi ko ye ke wu tale ko, uunona wumwe owa tindila ko notau yamukula aakuluntu nenge aavali yawo nayi nomalaka omawinayi ga kanitha evuliko.Aakuluntu mbaka sho ya nyengwa nokukala ye uvitile oshinima shoka nayi, oya yi kOmukuluntu gwOpolisi mOshitopolwa sha Shana Komufala gwOpevi gwOpolisi Ndahangwapo Kashihakumwa noku lopota oshinima shoka.Metitano lya zi ko, Komufala gwOpevi gwOpolisi Kashihakumwa okwa ithana Omusita gwOngeleka ndjoka Kgobetsy, kumwe naavali nenge aakuluntu yuunona mboka nosho wo aatoolinkundana nokulombwela Omusita Kgobetsi, ngoka a li a ende pamwe nomukwathi gwe Nelson Haihambo noku mu lombwela kutya oshinima shoka ta ningi shokukala a edhilila aanona yaantu ye li kohi yoomvula 16 sigo 18 oshi li pondje yOveta ya Namibia na kehe ngoka te shi ningi okwiilongela okukwatwa po kOpolisi, okupatululilwa oshipotha sheyako lyuunona, okupangulwa nokumonika ondjo moshinima shoka e ta pewa egeelo.Omusita Kgobetsi okwa ti kutya ye haye a kutha ko uunona mboka komagumbo.Owe ya kOngeleka wowene sho wa tokola okuza mo momapandaanda nokuya okulandula ondjila ya Kalunga Omushiti gwawo kegumbo lyOngeleka ndjoka.Ano yi ikelele kiikunwa, komilalo nokiinima yilwe iiwinayi hayi adha aanona momapandaanda moka.Ta ti wo kutya naavali yamwe yomaavali mboka ye ya okulopota oshinima shika kOpolisi, oya li ya monathana naye nokutaamba ko wo oshinima shoka shokweedhilila uunona wawo megumbo lyOngeleka yawo ndjoka.Nande ongawo aavali mboka ya li moshigongi moka, oyi ipatana kutya yo inaya gandja uunona wawo kOngeleka ye nenge uuthemba wu kale megumbo lyOngeleka ye.Komapulo galwe e ga pulwa, Omusita Kgobetsi, ngoka a li nale oshilyo shOngeleki Okwakatoolika ka Roma mOvenduka, okwa ti kutya Elongo lyOngeleki yawo, okuninga aantu ya valululwe.Taye ya shashulula noku ya kolekulula.Ashike ye ota ti kutya aantu ite ya shashulula nenge te ya kolekulula.Ote ya sha sha ashike noku ya koleka molwashoka eshasho nekoleko ndyoka ya shashwa nokukolekwa kali shi lyoshili.Lyawo olyo ashike li li moshili molwashoka olya landula shoka sha popiwa mOmbiimbeli, shi na sha neshasho nekoleko.Moshigongi moka omwa li wo Omusita gwOngeleki ya Elcin tate Josef Avia, ngoka a kala ta puku komutse sho Omusita omukwawo Kgobetsi ta fatulula eitaalo lyawo.Aavali ya li moshigongi moka, oya gandja uusama kOmusita Gobetsi nOngeleka ye kutya otaya pukitha oshigwana, unene tuu shoka shokomongula molwashoka otaye shi longo kutya oye na tango okuvulika ku Kalunga opo ihe evuliko lyaakuluntu nenge lyaavali yawo tali landula ko, uuna sha pumbiwa.Aavali otaya ti kutya uunona wawo mboka wu li kegumbo lyOngeleka ndjoka inau hala we okuuva sho taya popi nenge taye wu kumagidha.Owa tanganeka ashike omitse nokupopya shoka wa hala, oshoka owa pewa elongo lyatya ngawo.”Uunona wetu uushona, otamu wu pukitha nayi nelongo lyeni notau kala ashike wu li mombepo, kau shi we mpoka wu li,” aavali mbaka taya lombwele Omusita Kgobetsi.Komufala gwOpevi gwOpolisi Kashihakumwa okwa lombwele nee Omusita Kgobetsi kutya, Opolisi ngeno oya li yahala ngeno oye mu kwata po ashike nale, oshoka okwa taaguluka Oveta yoshilongo, ashike ote mu kumagidha lwa hugunina keshi ninge we nokwe mu lombwele kutya okuza mpoka, mEtitano ndjoka lya zi ko, a kale a shunitha aanona yaantu mboka komagumbo gawo.Omusita Gobesti okwa ti kutya kali e shi shi kwali nokwa uvaneke kutya ote ke wu shunitha komagumbo gaavali naakuluntu yawo.Pokati mpoka, The Namibian okwa kundana kutya uunona wumwe inau hala ko we komagumbo gawo, owa hala okukala pegumbo lyOngeleka mpoka.Nande ongawo Kashihakumwa okwa ti nau shune komagumbo gawo nange Omusita Kgobetsi ite wu nwetha mo wu shune komagumbo gawo, Opolisi otayi mu kwata po noku mu patululila oshipotha shekwatopo neholeko lyuunona waantu.