Ongeleka ompe ya Elcin pOnakayale ya yapulwa

O NKUNDANA yetu zilile mOmbalantu moshitopolwa sha Musati otayi ti kutya Egongalo lya Elcin pOnakayale – ndyoka lya kala li ipyakidhila nokutunga etungo epe lyOngeleka yawo, olya pwa nokuyapulwa nee momasiku 2 gomwedhi nguka.

Pahokololo ndyoka twa pewa komwiimbi nomutoti gwomaimbili gopambepo Peter Ambambi (ngoka a li a kuthile ko oshituthi shika komaimbilo ge), oshituthi sheyapulo lyOngeleka ndjika osha li mewiliko lyOmusita Josephat Shangala, meme Alina Sheehama na tate John Mandume Ndatipo. Etungo lyOngeleka ndjika olya tungwa pashinanena lela, shoka sha li wo sha hololwa mondjokonona yEgongalo kutya Ongeleka ndjika oyOpaumbiisofi, molwashoka Omumbiisofi Omukuluntu gwOngeleki ya Elcin Omundohotola Thomas Shivute oku na mo oshipundi she showina.Nongele nee ina holoka mElongelokalunga, oshipundi itashi kuutumbwa nando okulye, ano kapu na ngoka a pitikwa oku kuutumba koshipundi shoka keeshi Omumbiisofi.Aasita mboka ya li ya kwatele komeho elongekalunga kOntempeli yOngeleka ndjika ompe esiku ndyoka, oyo: Sirkka Mwapopi Hainane, Temia Nelao Nangolo na Hendrik Shuuden.Omumbiisofi e li moshipundi shevululuko Omundohotola Kleopas Dumeni oye a ningi euvitho, moka a pandula ayehe mboka ya gandja sha opo etungo li thikame po.Egongalo ndika otali wilikwa kOmusita omugundjuka lela Kleopas Nakale, ngoka a li meidheulo lye mEgongalo lya Elcin lya Immanuel mOvenduka nokwa li gumwe gwomongundu yAasita mboka ya yapulilawa oshilonga shuusita mu Juni 2006 mEgongalo lya Elcin pOntananga.Omunangeshefa gwomOmbalantu tatekulu Mauno Haindongo okwa li a pupulwa kombunda sho a li omukwateli komeho omunene pethimbo lyetungo lyOngeleka ndjika.Nando nee tatekulu Haindongo ka li a holoka koshituthi shika, oshipopiwa she osha li sha etwa po ku tate Lukas Shikufinde.Ondjokonona yEgongola oya leshwa ku meme Emilie Kashile-Lukileni, omanga tate Fillemon Shikwambi a li a lesha okatewo hoka a totela Egongalo lyawo.Oshipopiwa shElenga ekuluntu lya Mbalantu tetekulu Oswin Mukulu, osha leshwa komukalelipo gwe.Oongundulwiimbo ndhoka dha li tadhi mwenyeke oshituthi shika ongaashi ongundulwiimbo yEgongalo lya Nakayale, Nakayale Kindergarden, Okasete, Etambo, Hambelela Omuwa gwandje, Aakwiita yokOshaanda, Onyofi yongula, aagundjuka ya Nakayale, Gloria Dei, Aanashilonga mEgongalo nosho tuu dhilwe ngashi ndjoka ya zile ku Angola.Omapandulo aga gandjwa kOmusita Matti Endjala, noshituthi shika osha li sha ende nawa unene.Etungo lyOngeleka ndjika olya tungwa pashinanena lela, shoka sha li wo sha hololwa mondjokonona yEgongalo kutya Ongeleka ndjika oyOpaumbiisofi, molwashoka Omumbiisofi Omukuluntu gwOngeleki ya Elcin Omundohotola Thomas Shivute oku na mo oshipundi she showina.Nongele nee ina holoka mElongelokalunga, oshipundi itashi kuutumbwa nando okulye, ano kapu na ngoka a pitikwa oku kuutumba koshipundi shoka keeshi Omumbiisofi. Aasita mboka ya li ya kwatele komeho elongekalunga kOntempeli yOngeleka ndjika ompe esiku ndyoka, oyo: Sirkka Mwapopi Hainane, Temia Nelao Nangolo na Hendrik Shuuden.Omumbiisofi e li moshipundi shevululuko Omundohotola Kleopas Dumeni oye a ningi euvitho, moka a pandula ayehe mboka ya gandja sha opo etungo li thikame po.Egongalo ndika otali wilikwa kOmusita omugundjuka lela Kleopas Nakale, ngoka a li meidheulo lye mEgongalo lya Elcin lya Immanuel mOvenduka nokwa li gumwe gwomongundu yAasita mboka ya yapulilawa oshilonga shuusita mu Juni 2006 mEgongalo lya Elcin pOntananga.Omunangeshefa gwomOmbalantu tatekulu Mauno Haindongo okwa li a pupulwa kombunda sho a li omukwateli komeho omunene pethimbo lyetungo lyOngeleka ndjika.Nando nee tatekulu Haindongo ka li a holoka koshituthi shika, oshipopiwa she osha li sha etwa po ku tate Lukas Shikufinde.Ondjokonona yEgongola oya leshwa ku meme Emilie Kashile-Lukileni, omanga tate Fillemon Shikwambi a li a lesha okatewo hoka a totela Egongalo lyawo.Oshipopiwa shElenga ekuluntu lya Mbalantu tetekulu Oswin Mukulu, osha leshwa komukalelipo gwe.Oongundulwiimbo ndhoka dha li tadhi mwenyeke oshituthi shika ongaashi ongundulwiimbo yEgongalo lya Nakayale, Nakayale Kindergarden, Okasete, Etambo, Hambelela Omuwa gwandje, Aakwiita yokOshaanda, Onyofi yongula, aagundjuka ya Nakayale, Gloria Dei, Aanashilonga mEgongalo nosho tuu dhilwe ngashi ndjoka ya zile ku Angola.Omapandulo aga gandjwa kOmusita Matti Endjala, noshituthi shika osha li sha ende nawa unene.